Рӯзҳои 11-12 майи соли 2024 дар пойтахти Гурҷистон шаҳри Тбилисӣ Чемпионати Аврупо оид ба ҷудо байни собиқадорон баргузор гардид, ки дар он собиқадорони соҳа аз кишварҳои гуногуни ҷаҳон иштирок карданд.

Ҷумҳурии Тоҷикистонро дар ин чорабинии сатҳи баланд 4 нафар собиқадорони ВКД-и Ҷумҳурии Тоҷикистон намояндагӣ карданд.

Аз ҷумла, ҳар яке дар вазнҳои худ, генерал - майори мустаъфии милитсия, Қаҳрамони ҷудои Тоҷикистон ва арсаи байналмилалӣ Ҳабибулло Маҷидов ва полковники мустаъфии хизмати дохилӣ, Қаҳрамони ҷудои ҷаҳон Хайрулло Назриев тавонистанд дар ҳама ҳарбҳо ва давраҳо ба рақибонашон ғолиб омада, соҳиби ҷойҳои аввал ва медалҳои тилло гарданд.