Дастаи мунтахаби футзали Тоҷикистон дар остонаи Ҷоми Осиё-2024, ки аз 17-ум то 28-уми апрел баргузор мешавад, барои баргузории ҷамъомади даҳрӯзаи таълимӣ ба шаҳри Бангкок сафар кард.

Дар ин бора аз Федератсияи футболи кишвар хабар хабар доданд.

Ба иттилои манбаъ сармураббии мунтахаби футзали кишвар Пайрав Воҳидов ба ҷамъомади таълимиву тамринӣ дар Тайланд 14 нафар – 2 дарвозабон ва 12 бозигарро даъват кардааст.

Аз рӯи қуръакшаҳо дар Ҷоми Осиё-2024 мунтахаби Тоҷикистон дар гурӯҳи “С” бо дастаҳои Кореяи Ҷанубӣ (18 апрел), Қирғизистон (20 апрел) ва Ҷопон (22 апрел) рақобат хоҳад кард.

Ҳайати дастаи мунтахаби футзали Тоҷикистон барои ҷамъомади таълимиву тамринӣ дар Тайланд:

Дарвозабонҳо: Фирӯз Бекмуродов (“Истиқлол”), Муродулло Алиқулов (“Амонатбонк”);

Бозигарон: Файзалӣ Сардоров, Дилшод Саломов, Идрис Ёров, Бахтиёр Солиев, Самандар Ризомов (ҳама аз “Соро компания”), Муҳаммадҷон Шарифов, Некрӯз Алимаҳмадов, Комрон Алиев, Насратшо Исмоилов, Абдуқаюм Умаров (ҳама аз “Истиқлол”), Умед Кузиев (“Амонатбонк”), Баҳодур Хоҷаев (“Истаравшан”).