ВАРЗИШ
Душанбе 17 Июн 2024 11:13
10189
Сармураббии мунтахаби олимпии Тоҷикистон (U-23) Мубин Эргашев натиҷаи бозии даври аввали марҳилаи гурӯҳии Ҷоми Осиё-2024 бо тими Арабистони Саудиро шарҳ дод.

Ба иттилои Мубин Эргашев, сармураббии дастаи мунтахаби олимпии Тоҷикистон (U-23), ҳангоми омодагӣ ба Ҷоми Осиё бархе аз бозигарон ба ҳайати тими миллии Тоҷикистон ҷалб шуда буданд, бинобар ин онҳо дертар ба дастаи олимпӣ пайвастанд, баъзеи дигар ҷароҳат бардоштанд, ки ин омил сабаби шикасти мунтахаби олимпичиён шуд.

Дар идома Эргашев қайд кард, ки дар хати нимҳимоя ва ҳимояи даста заъфҳои зиёд ба мавҷуд буданд. Мураббӣ ваъда дод, ки дар бозии оянда, ки 19-уми апрел муқоби Ироқ доир мегардад мушкилиҳои мавҷударо бартараф хоҳанд кард.

Ин дидор 16 апрел дар Варзишгоҳи байналмилалии Халифаи шаҳри Давҳа баргузор шуда, бо ҳисоби 4:2 ба фоидаи ғолиби феълии Ҷоми Осиё анҷом ёфт

Эзоҳи худро нависед



Рамзҳо дар расм