ВАРЗИШ
Душанбе 09 Март 2026 10:49
Ҳамагӣ пас аз чанд рӯзи ба имзо расидани Созишномаи умумии истиқрори сулҳ ва ризоияти миллӣ ва ба як маҷрои муайян баргаштани зиндагӣ дар Тоҷикистон, дар ҳудуди ноҳияи Рӯдакӣ (собиқ Ленин) тифле дида ба дунё кушод, ки шуд ҳамсоли ваҳдату якдилӣ.
Ба хотири далеру ҷасуру нотарс гардидани навзод ба ӯ ном ниҳоданд Темур, то ҳамсони каҳрамони халқи тоҷик - Темурмалик садшикану паҳлавонтинат гардад. Беҳуда нагуфтаанд, ки ном шафоат мекунад, чун шоҳиди он ҳастем, ки солҳост Темури ҳоло вораставу майдондори гӯштин аз номи як миллати бузург ҳунарнамоӣ мекунад.
РАҲНАВАРДИ ИЛМ
Темур Раҳимов 8 июли соли 1997 дар ноҳияи Рӯдаки дар оилаи Бахтиёр Раҳимов ва Маҳбуба Абдураҳмонова дида ба дунё кушодааст. Чун синнаш ба ҳафт мерасад, модар ӯро ба мактаби зодгоҳаш, ки худ он ҷо ба таълими насли наврас машғул буд, мебарад. Темур баробари шавқу завқ ба гӯштин, инчунин ба илмомӯзӣ мароқ дошт ва ҳамин дӯстдории илму маърифат буд, ки пас аз хатми мактаби миёна, яъне дар соли 2014 ба Донишкадаи тарбияи ҷисмонии Тоҷикистон ба номи Саидмуъмин Раҳимов ба факултаи сайёҳӣ ва кӯҳӣ ҳуҷҷат супорида, онро соли 2018 сарбаландона хатм намуд.
СУЛОЛАИ ПАҲЛАВОНПАРВАР
Кашфи Темур чун паҳлавон аз гӯштинҳои ҷашну маъракаҳо ва идҳои наврӯзӣ падид омадааст. Агар ба гузаштаи Темур назар кунем, аён мегардад, ки ӯ аз олами тасодуф ба гӯштин наомадааст, чун падараш Бахтиёр Раҳимов, бобояш Рустам Абдураҳмонов ва тағояш Суҳроб Абдураҳмонов гӯштингирони номдори рустоҳои хеш буданд, хусусан бобои модариаш Рустам Абдураҳмонов, ки зодаву парвардаи Раштонзамин буд, дар ин минтақа чун паҳлавони номдор шинохта мешуд ва ӯ зиёд мехост, ки роҳи то охир напаймудаашро маҳз Темур идома бахшад.
Барои ба сатҳи як паҳлавони касбӣ расидани Темур нақши бобояш Рустам Абдураҳмонов хело бузург аст. Бобои Темур ва паҳлавони соҳибмактаб шодравон Худойназар Боқиев дӯстони қарин буданд ва ба ҳамин хотир, вақте ки бобояш дасти Темур ва бародараш Улуғбекро гирифта, ба таълимгоҳи Боқиевҳо меравад, ӯро бе дудилагӣ қабул намуда, парвариш медиҳанд. Ва шуруъ аз 7-солагӣ то ба ин рӯз Темур дар мактаби Боқиевҳо равиши гӯштин меомӯзад.
МАРДИ МАЙДОНҲОИ КАСБӢ
Ба майдонҳои касбӣ роҳ ёфтани Темур ба соли 2012 рост меояд, ки дар чемпионати ҷумҳурӣ сазовори мақоми сеюм гардид ва дар соли 2013 дар ҷоми “Вастан” сазовори ҷойи аввал, инчунин ҳамон сол дар чемпионати Тоҷикистон дар вазни 90 кг ба гирифтани медали тилло мушарраф гардида, мақоми аввали Бозиҳои осиёиро, ки Алмаатои Қазоқистон мизбонӣ мекард, ба номаш ихтисос дод. Соли 2014 боз як мавсими бобарореро Темур паси сар намуд, зеро дар ин сол мавсуф дар Ҷоми Аврупо, ки дар Анталияи Туркия мегузашт, ба гирифтани нишони биринҷӣ даст ёфт.
Соли 2015 барои Темур бо иллати бардоштани ҷароҳати зону, бебарор оғоз гардид. Ӯ дар он мавсим ҳадафҳои зиёде назди худ гузошта буд, аммо бардоштани ҷароҳат як соли муваффақиятҳояшро ба боди фано дод ва ӯро маҷбур сохт, то фурсати муайяне аз майдон дур бошад.
Соли 2016 Темур дигарбора ба гилеми гӯштингирӣ баргашт ва дар Ҷоми Осиё сазовори медали нуқра гардида, худи ҳамон мавсим аз вазни +90кг ба вазни 100кг гузашт ва дар мавсими 2017 ба як қатор муваффақиятҳо ноил гардид, ки номоёнтаринаш сазовор гардидан ба нишони тиллои 13-умин мусобиқаи байналмилалии Ҷоми Осиё, ки дар риштаи ҷудо ба хотири устоди варзиш Учқун Муродов дар шаҳри Чилчиқи Узбекистон баргузор гардид, маҳсуб меёбад.
Моҳи октябри соли 2017 Темур дар шаҳри Загреби Хорватия, ки Чемпионати ҷаҳонии ҷудоро мизбонӣмекард, ба сарсахттарин рақибон пирӯз омада, ба гирифтани медали биринҷӣ дар вазни 100кг шарафёб гашт.
Оғози соли 2018 барои қаҳрамони мо бобарор буд, чун ӯ дар мусобиқаи байналмилалии кураш барои дарёфти ҷоми раисҷумҳури Узбекистон, ки дар шаҳри Тошканд баргузор гардид, ба гирифтани медали биринҷӣ ва 10 ҳазор доллар шарафёб гашт. Баргашт аз Узбекистон ба Темур иқболи дигар овард, чун ӯ аввалин маротиба бо пешниҳоди мураббии мунтахаби ҷудои кишвар Муҳаммад Абдураҳмонов ба қатори ҷудокорони бузургсол пазируфта шуд, ки аввалин ҳунарнамоияш дар майдони боз ҳам ҷиддитар соли 2018 дар шаҳри Бокуи Озарбойҷон буд. Гарчанде ҷудокори ҷавон ҷойи ифтихориро ишғол накард, аммо маҳораташ дар ин мусобиқа қобили ситоиш буд.
Пас аз бозгашт аз Озарбойҷон Темур дар мусобиқаи байналмилалии дигар, яъне ҷоми Президенти Ҷумҳурии Тоҷикистон оид ба ҷудо, ки ҳамасола баргузор мегардад, ширкат варзида, байни сангинвазнон мақоми аввалро соҳиб гардид.
Соли 2019 боз ҳам муваффақиятҳову дастовардҳоро ба кулвори варзишии Темур Раҳимов ворид намуд. Дар ин мавсим аввалин мусобиқаи бонуфузе, ки варзишгар иштирок намуд, ин Гран-прии Марокаш буд, ки аз 8 то 10 март дар шаҳри Марокко доир гардид. Дар даври аввали мусобиқа Темур озод буд ва дар даври дувум намояндаи Ҳоландро мағлуб намуда, ба марҳилаи сеюм роҳ ёфт. Дар марҳилаи сеюм аз ҷудокори олмонӣ шикаст хӯрд, вале аз идомаи мусобиқа маҳрум нашуда, ба даври тасаллобахш рафт. Рақиби дигари Темур дар даври навбатӣ ҷудокори тунисӣ буд. Маҳорату малакаи варзишгар дар ин рақобат ӯро бар ҳариф дастболо кард ва барои ба даст овардани нишони биринҷӣ ӯро ба варзишгари Руминия рӯ ба рӯ сохт. Дар рақобат бо Симёнес Кувадут Темур ҳунарнамоии арзанда нишон дода, рақибро шикаст дод ва нахустин маротиба дар корномаи варзишиаш медали Гран-приро ба гардан овехт.
Моҳи апрели соли 2019 дар шаҳри Фуҷайраи Аморати Муттаҳидаи Араб Чемпионати Осиё оид ба ҷудо доир гардид, ки дар он Тоҷикистонро дар вазни +100 кг Темур Раҳимов намояндагӣ мекард. Шояд ин мусобиқа барои қаҳрамони мо хотирмонтарин мусобиқа дар он сол буд, чун варзишгар ғайр аз нишони нуқраи чемпионат, инчунин роҳхати Бозиҳои олимпии Токио-2020-ро ба даст овард.
Соли 2020, бемории ҳамагири коронавирус, барои аксар варзишгарон мушкил эҷод кард, ки дар ин радиф Темур ҳам истисно набуд. Ин беморӣ ҳатто Олимпиадаро як сол ақиб бурд. Ҳадафу мақсаде, ки Темур дар дил мепарварид, яъне иштирок дар олимпиада, соли 2021 амалӣ гардид. Омодагии қаҳрамони мо ба ин мусобиқаи бонуфуз олӣ буд. Ӯ 30 июл, дар даври аввал бар Энди Гранда аз Куба ғолиб омад, аммо дар даври баъдӣ аз Гурам Тушишвилии гурҷӣ шикаст хӯрда, аз ҳаққи идомаи мубориза барои медал маҳрум гашт. Воқеан, он рӯз барои Темури боору номус, ки шарафи як миллатро бори душ дошт, рӯзи душвору даҳшатовар буд.
Пас аз Олимпиада натиҷаи намоёни Темур дар соли 2021 ин ба даст овардани медали нуқра дар мусобиқаи байналмилалии ҷудо “Тоскулоҳи бузург”-и Боку маҳсуб меёбад. Темур дар ин мусобиқа дар вазни 100 кило баромад намуда, инчунин 3000 евро ҷоизапулӣ низ гирифт. Ҷоизаи дигари паҳлавони тоҷик дар соли 2021 ин нишони биринҷӣ аз Гран-слами Абу-даби ба шумор меравад.
Соли 2022 барои Темур бобарор оғоз гардид ва дар оғози мавсим, аниқтараш моҳи феврал, дар мусобиқаи “Tel Aviv Grand Slam 2022”, ки рӯзҳои 17-19-ум дар шаҳри Телавиви Исроил баргузор шуд, медали биринҷӣ ба даст овард.
Темур ба сабқат дар рӯзи охирини мусобиқа – 19 феврал, аз даври дуюм пардохт ва баъди ду пирӯзӣ ба рақибонаш Серафим Компанез аз Исроил ва Стефан Ҳеҷйи аз Австрия ба даври ниманиҳоӣ роҳ ёфт. Вале ӯ дар нимфинал аз Гурам Тушишвили (Гурҷистон), ки дар ин вазн медали тилло гирифт, мағлуб шуд. Сипас паҳлавони тоҷик барои медали биринҷӣ Анди Грандаиро аз Куба шикаст дода, мақоми сеюмро ба номаш сикка зад.
Натиҷаи намоёни дигари Темур дар соли 2022 соҳиби медали биринҷӣ гардиданаш дар Гранслами Анталия мебошад. Темур, ки дар даври аввал озод буд, баъдан бар Грегори Прайор аз Иёлоти Муттаҳидаи Амрико ва Магомедумар Магомедумаров аз Имороти Муттаҳидаи Араб пирӯз шуда, ба даври чорякниҳоӣ роҳ ёфт. Вале дар чорякфинал аз Ричард Сипоч (Маҷористон) мағлуб шуд. Паҳлавони тоҷик дар даври тассалобахш Ушанги Кокаурии озарбойҷониро мағлуб кард. Раҳимов дар мубориза барои медали биринҷӣ Ҷосеф Терҳекро аз Фаронса шикаст дод.
Соли 2022 Темур Раҳимов дар вазни +100 кг пеш аз Чемпионати Осиё оид ба ҷудо миёни бузургсолон - 2022, бо 3 495 имтиёз дар радабандии ҷаҳонӣ мавқеи сеюмро ишғол мекард. Баъди ба даст овардани нишони нуқраи Чемпионати Осиё Темур 490 имтиёзи дигар ба даст овард ва дар ин радабандӣ бо 3 985 имтиёз садрнишин шуд ва бо ин тартиб ҳам Ҷур Спиҷкерси ҳолландӣ ва ҳам Гурам Тушвили гурҷиро пеш гузашт.
Ин аввалин маротиба дар таърихи ҷудои кишвар буд, ки Темур Раҳимов ҷудокори рақами яки ҷаҳон мешавад.
Соли 2023 ҳам барои Темур Раҳимов соли бобарору хотирмон буд, чун ӯ дар ин мавсим дар Бозиҳои осиёии Ханчжоу 2023 сазовори нишони нуқра гардид. Инчунин, худи ҳамон мавсим паҳлавони сангинвазни мо дар тоскӯлоҳи бузурги Боку-2023 сазовори нишони тилло гардид, ки ин нахустин нишони заррини варзишгар то бад ин давраи корнамоӣ буд. Соли 2024 дар Гран-прии Душанбе Темур сазовори нишони нуқра ва дар Гранд-слами Душанбе-2025 соҳиби нишони тилло гардид.
Охирин ва таърихитарин дастоварди Темур дар ҷоми ҷаҳонии ҷудо маҳсуб меёбад. Паҳлавони маъруфи тоҷик дар мусобиқоти қаҳрамонии ҷудои ҷаҳон дар шаҳри Будапешти Венгрия, аз 13 то 19 июни соли равон дар вазни сангинтарин медали биринҷӣ ба даст овард.
Темури 27-сола, ки дар рӯзи охирини мусобиқот – 19 июн дар вазни +100 кило ба сабқат аз даври дуюм пардохт, рақибаш Сеунгёб Лии 25-соларо аз Кореяи Ҷанубӣ шикаст дод. Темур дар даври дуюм бар Мовлӣ Борчашвилии 24-сола аз Австрия пирӯз шуда, ба чаҳорякфинал роҳ ёфт. Раҳимов дар даври чаҳорякниҳоӣ Гончигсурен Батхуяги 25-солаи муғулро мағлуб карда, ба нимфинал баромад.
Аммо Темур дар даври ниманиҳоӣ аз Инал Тасоеви 27-сола аз дастаи Федератсияи байналмилалии ҷудо (IJF) ноком шуд. Раҳимов барои медали биринҷӣ бар Ушанги Кокаурои 33-сола аз Озарбойҷон ғолиб омад. Ин аввалин медали Темур Раҳимов дар мусобиқоти қаҳрамонии ҷудои ҷаҳон ба шумор меравад.
Бемуҳобо метавон гуфт, ки барои Темур Раҳимов пайроҳаи гӯштин тоза шуруъ гардидааст, чун ҳоло ҷавон асту қувваю руҳияи шикастнопазир ӯро ёру ёвар аст.
Яҳё МАҲМАДНАБИЕВ, “ҶТ”
Ба хотири далеру ҷасуру нотарс гардидани навзод ба ӯ ном ниҳоданд Темур, то ҳамсони каҳрамони халқи тоҷик - Темурмалик садшикану паҳлавонтинат гардад. Беҳуда нагуфтаанд, ки ном шафоат мекунад, чун шоҳиди он ҳастем, ки солҳост Темури ҳоло вораставу майдондори гӯштин аз номи як миллати бузург ҳунарнамоӣ мекунад.
РАҲНАВАРДИ ИЛМ
Темур Раҳимов 8 июли соли 1997 дар ноҳияи Рӯдаки дар оилаи Бахтиёр Раҳимов ва Маҳбуба Абдураҳмонова дида ба дунё кушодааст. Чун синнаш ба ҳафт мерасад, модар ӯро ба мактаби зодгоҳаш, ки худ он ҷо ба таълими насли наврас машғул буд, мебарад. Темур баробари шавқу завқ ба гӯштин, инчунин ба илмомӯзӣ мароқ дошт ва ҳамин дӯстдории илму маърифат буд, ки пас аз хатми мактаби миёна, яъне дар соли 2014 ба Донишкадаи тарбияи ҷисмонии Тоҷикистон ба номи Саидмуъмин Раҳимов ба факултаи сайёҳӣ ва кӯҳӣ ҳуҷҷат супорида, онро соли 2018 сарбаландона хатм намуд.
СУЛОЛАИ ПАҲЛАВОНПАРВАР
Кашфи Темур чун паҳлавон аз гӯштинҳои ҷашну маъракаҳо ва идҳои наврӯзӣ падид омадааст. Агар ба гузаштаи Темур назар кунем, аён мегардад, ки ӯ аз олами тасодуф ба гӯштин наомадааст, чун падараш Бахтиёр Раҳимов, бобояш Рустам Абдураҳмонов ва тағояш Суҳроб Абдураҳмонов гӯштингирони номдори рустоҳои хеш буданд, хусусан бобои модариаш Рустам Абдураҳмонов, ки зодаву парвардаи Раштонзамин буд, дар ин минтақа чун паҳлавони номдор шинохта мешуд ва ӯ зиёд мехост, ки роҳи то охир напаймудаашро маҳз Темур идома бахшад.
Барои ба сатҳи як паҳлавони касбӣ расидани Темур нақши бобояш Рустам Абдураҳмонов хело бузург аст. Бобои Темур ва паҳлавони соҳибмактаб шодравон Худойназар Боқиев дӯстони қарин буданд ва ба ҳамин хотир, вақте ки бобояш дасти Темур ва бародараш Улуғбекро гирифта, ба таълимгоҳи Боқиевҳо меравад, ӯро бе дудилагӣ қабул намуда, парвариш медиҳанд. Ва шуруъ аз 7-солагӣ то ба ин рӯз Темур дар мактаби Боқиевҳо равиши гӯштин меомӯзад.
МАРДИ МАЙДОНҲОИ КАСБӢ
Ба майдонҳои касбӣ роҳ ёфтани Темур ба соли 2012 рост меояд, ки дар чемпионати ҷумҳурӣ сазовори мақоми сеюм гардид ва дар соли 2013 дар ҷоми “Вастан” сазовори ҷойи аввал, инчунин ҳамон сол дар чемпионати Тоҷикистон дар вазни 90 кг ба гирифтани медали тилло мушарраф гардида, мақоми аввали Бозиҳои осиёиро, ки Алмаатои Қазоқистон мизбонӣ мекард, ба номаш ихтисос дод. Соли 2014 боз як мавсими бобарореро Темур паси сар намуд, зеро дар ин сол мавсуф дар Ҷоми Аврупо, ки дар Анталияи Туркия мегузашт, ба гирифтани нишони биринҷӣ даст ёфт.
Соли 2015 барои Темур бо иллати бардоштани ҷароҳати зону, бебарор оғоз гардид. Ӯ дар он мавсим ҳадафҳои зиёде назди худ гузошта буд, аммо бардоштани ҷароҳат як соли муваффақиятҳояшро ба боди фано дод ва ӯро маҷбур сохт, то фурсати муайяне аз майдон дур бошад.
Соли 2016 Темур дигарбора ба гилеми гӯштингирӣ баргашт ва дар Ҷоми Осиё сазовори медали нуқра гардида, худи ҳамон мавсим аз вазни +90кг ба вазни 100кг гузашт ва дар мавсими 2017 ба як қатор муваффақиятҳо ноил гардид, ки номоёнтаринаш сазовор гардидан ба нишони тиллои 13-умин мусобиқаи байналмилалии Ҷоми Осиё, ки дар риштаи ҷудо ба хотири устоди варзиш Учқун Муродов дар шаҳри Чилчиқи Узбекистон баргузор гардид, маҳсуб меёбад.
Моҳи октябри соли 2017 Темур дар шаҳри Загреби Хорватия, ки Чемпионати ҷаҳонии ҷудоро мизбонӣмекард, ба сарсахттарин рақибон пирӯз омада, ба гирифтани медали биринҷӣ дар вазни 100кг шарафёб гашт.
Оғози соли 2018 барои қаҳрамони мо бобарор буд, чун ӯ дар мусобиқаи байналмилалии кураш барои дарёфти ҷоми раисҷумҳури Узбекистон, ки дар шаҳри Тошканд баргузор гардид, ба гирифтани медали биринҷӣ ва 10 ҳазор доллар шарафёб гашт. Баргашт аз Узбекистон ба Темур иқболи дигар овард, чун ӯ аввалин маротиба бо пешниҳоди мураббии мунтахаби ҷудои кишвар Муҳаммад Абдураҳмонов ба қатори ҷудокорони бузургсол пазируфта шуд, ки аввалин ҳунарнамоияш дар майдони боз ҳам ҷиддитар соли 2018 дар шаҳри Бокуи Озарбойҷон буд. Гарчанде ҷудокори ҷавон ҷойи ифтихориро ишғол накард, аммо маҳораташ дар ин мусобиқа қобили ситоиш буд.
Пас аз бозгашт аз Озарбойҷон Темур дар мусобиқаи байналмилалии дигар, яъне ҷоми Президенти Ҷумҳурии Тоҷикистон оид ба ҷудо, ки ҳамасола баргузор мегардад, ширкат варзида, байни сангинвазнон мақоми аввалро соҳиб гардид.
Соли 2019 боз ҳам муваффақиятҳову дастовардҳоро ба кулвори варзишии Темур Раҳимов ворид намуд. Дар ин мавсим аввалин мусобиқаи бонуфузе, ки варзишгар иштирок намуд, ин Гран-прии Марокаш буд, ки аз 8 то 10 март дар шаҳри Марокко доир гардид. Дар даври аввали мусобиқа Темур озод буд ва дар даври дувум намояндаи Ҳоландро мағлуб намуда, ба марҳилаи сеюм роҳ ёфт. Дар марҳилаи сеюм аз ҷудокори олмонӣ шикаст хӯрд, вале аз идомаи мусобиқа маҳрум нашуда, ба даври тасаллобахш рафт. Рақиби дигари Темур дар даври навбатӣ ҷудокори тунисӣ буд. Маҳорату малакаи варзишгар дар ин рақобат ӯро бар ҳариф дастболо кард ва барои ба даст овардани нишони биринҷӣ ӯро ба варзишгари Руминия рӯ ба рӯ сохт. Дар рақобат бо Симёнес Кувадут Темур ҳунарнамоии арзанда нишон дода, рақибро шикаст дод ва нахустин маротиба дар корномаи варзишиаш медали Гран-приро ба гардан овехт.
Моҳи апрели соли 2019 дар шаҳри Фуҷайраи Аморати Муттаҳидаи Араб Чемпионати Осиё оид ба ҷудо доир гардид, ки дар он Тоҷикистонро дар вазни +100 кг Темур Раҳимов намояндагӣ мекард. Шояд ин мусобиқа барои қаҳрамони мо хотирмонтарин мусобиқа дар он сол буд, чун варзишгар ғайр аз нишони нуқраи чемпионат, инчунин роҳхати Бозиҳои олимпии Токио-2020-ро ба даст овард.
Соли 2020, бемории ҳамагири коронавирус, барои аксар варзишгарон мушкил эҷод кард, ки дар ин радиф Темур ҳам истисно набуд. Ин беморӣ ҳатто Олимпиадаро як сол ақиб бурд. Ҳадафу мақсаде, ки Темур дар дил мепарварид, яъне иштирок дар олимпиада, соли 2021 амалӣ гардид. Омодагии қаҳрамони мо ба ин мусобиқаи бонуфуз олӣ буд. Ӯ 30 июл, дар даври аввал бар Энди Гранда аз Куба ғолиб омад, аммо дар даври баъдӣ аз Гурам Тушишвилии гурҷӣ шикаст хӯрда, аз ҳаққи идомаи мубориза барои медал маҳрум гашт. Воқеан, он рӯз барои Темури боору номус, ки шарафи як миллатро бори душ дошт, рӯзи душвору даҳшатовар буд.
Пас аз Олимпиада натиҷаи намоёни Темур дар соли 2021 ин ба даст овардани медали нуқра дар мусобиқаи байналмилалии ҷудо “Тоскулоҳи бузург”-и Боку маҳсуб меёбад. Темур дар ин мусобиқа дар вазни 100 кило баромад намуда, инчунин 3000 евро ҷоизапулӣ низ гирифт. Ҷоизаи дигари паҳлавони тоҷик дар соли 2021 ин нишони биринҷӣ аз Гран-слами Абу-даби ба шумор меравад.
Соли 2022 барои Темур бобарор оғоз гардид ва дар оғози мавсим, аниқтараш моҳи феврал, дар мусобиқаи “Tel Aviv Grand Slam 2022”, ки рӯзҳои 17-19-ум дар шаҳри Телавиви Исроил баргузор шуд, медали биринҷӣ ба даст овард.
Темур ба сабқат дар рӯзи охирини мусобиқа – 19 феврал, аз даври дуюм пардохт ва баъди ду пирӯзӣ ба рақибонаш Серафим Компанез аз Исроил ва Стефан Ҳеҷйи аз Австрия ба даври ниманиҳоӣ роҳ ёфт. Вале ӯ дар нимфинал аз Гурам Тушишвили (Гурҷистон), ки дар ин вазн медали тилло гирифт, мағлуб шуд. Сипас паҳлавони тоҷик барои медали биринҷӣ Анди Грандаиро аз Куба шикаст дода, мақоми сеюмро ба номаш сикка зад.
Натиҷаи намоёни дигари Темур дар соли 2022 соҳиби медали биринҷӣ гардиданаш дар Гранслами Анталия мебошад. Темур, ки дар даври аввал озод буд, баъдан бар Грегори Прайор аз Иёлоти Муттаҳидаи Амрико ва Магомедумар Магомедумаров аз Имороти Муттаҳидаи Араб пирӯз шуда, ба даври чорякниҳоӣ роҳ ёфт. Вале дар чорякфинал аз Ричард Сипоч (Маҷористон) мағлуб шуд. Паҳлавони тоҷик дар даври тассалобахш Ушанги Кокаурии озарбойҷониро мағлуб кард. Раҳимов дар мубориза барои медали биринҷӣ Ҷосеф Терҳекро аз Фаронса шикаст дод.
Соли 2022 Темур Раҳимов дар вазни +100 кг пеш аз Чемпионати Осиё оид ба ҷудо миёни бузургсолон - 2022, бо 3 495 имтиёз дар радабандии ҷаҳонӣ мавқеи сеюмро ишғол мекард. Баъди ба даст овардани нишони нуқраи Чемпионати Осиё Темур 490 имтиёзи дигар ба даст овард ва дар ин радабандӣ бо 3 985 имтиёз садрнишин шуд ва бо ин тартиб ҳам Ҷур Спиҷкерси ҳолландӣ ва ҳам Гурам Тушвили гурҷиро пеш гузашт.
Ин аввалин маротиба дар таърихи ҷудои кишвар буд, ки Темур Раҳимов ҷудокори рақами яки ҷаҳон мешавад.
Соли 2023 ҳам барои Темур Раҳимов соли бобарору хотирмон буд, чун ӯ дар ин мавсим дар Бозиҳои осиёии Ханчжоу 2023 сазовори нишони нуқра гардид. Инчунин, худи ҳамон мавсим паҳлавони сангинвазни мо дар тоскӯлоҳи бузурги Боку-2023 сазовори нишони тилло гардид, ки ин нахустин нишони заррини варзишгар то бад ин давраи корнамоӣ буд. Соли 2024 дар Гран-прии Душанбе Темур сазовори нишони нуқра ва дар Гранд-слами Душанбе-2025 соҳиби нишони тилло гардид.
Охирин ва таърихитарин дастоварди Темур дар ҷоми ҷаҳонии ҷудо маҳсуб меёбад. Паҳлавони маъруфи тоҷик дар мусобиқоти қаҳрамонии ҷудои ҷаҳон дар шаҳри Будапешти Венгрия, аз 13 то 19 июни соли равон дар вазни сангинтарин медали биринҷӣ ба даст овард.
Темури 27-сола, ки дар рӯзи охирини мусобиқот – 19 июн дар вазни +100 кило ба сабқат аз даври дуюм пардохт, рақибаш Сеунгёб Лии 25-соларо аз Кореяи Ҷанубӣ шикаст дод. Темур дар даври дуюм бар Мовлӣ Борчашвилии 24-сола аз Австрия пирӯз шуда, ба чаҳорякфинал роҳ ёфт. Раҳимов дар даври чаҳорякниҳоӣ Гончигсурен Батхуяги 25-солаи муғулро мағлуб карда, ба нимфинал баромад.
Аммо Темур дар даври ниманиҳоӣ аз Инал Тасоеви 27-сола аз дастаи Федератсияи байналмилалии ҷудо (IJF) ноком шуд. Раҳимов барои медали биринҷӣ бар Ушанги Кокаурои 33-сола аз Озарбойҷон ғолиб омад. Ин аввалин медали Темур Раҳимов дар мусобиқоти қаҳрамонии ҷудои ҷаҳон ба шумор меравад.
Бемуҳобо метавон гуфт, ки барои Темур Раҳимов пайроҳаи гӯштин тоза шуруъ гардидааст, чун ҳоло ҷавон асту қувваю руҳияи шикастнопазир ӯро ёру ёвар аст.
Яҳё МАҲМАДНАБИЕВ, “ҶТ”
Хабарҳои дигар
Рӯзнома
Эзоҳи худро нависед