Ба истиқболи Рӯзи варзишгарони Тоҷикистон ва 33-солагии Истиқлоли давлатии Ҷумҳурии Тоҷикистон дар вилояти Хатлон мусобиқаи вилоятии муай-тай бо иштироки варзишгарон баргузор гардид.

Дар ин бора Раёсати кор бо ҷавонон ва варзиши вилояти Хатлон хабар медиҳад.

Бино ба иттилоъ, мусобиқа дар асоси дастуру супоришҳои раиси вилояти Хатлон Давлаталӣ Саид ва раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулаҳмадзода гузаронида шуда, дар он варзишгарон барои зинаҳои ифтихорӣ миёни ҳам рақобат намуданд.

Гуфта шуд, ки бо дастгирии Пешвои миллат барои варзишгарон шароити муносиби тамрин фароҳам оварда шудааст. Айни ҳол барои рушди навъи варзиши муай-тай дар вилоят толорҳои муосир бунёд гардида, наврасону ҷавонон дар онҳо тамрин менамоянд.

Пас аз қувваозмоиҳо беҳтаринҳо муайян гардида, ғолибон бо медал, диплом ва туҳфаҳо қадрдонӣ шуданд.