ВАРЗИШ
Сешанбе 21 Май 2024 12:34
Паҳлавони шинохтаву маҳбуби кишвар Сомон Маҳмадбеков, ки дар Чемпионати ҷаҳон оид ба дзюдо миёни ҷавонон (U-21) сазовори медали тилло ва унвони қаҳрамонии ин чемпионатро миёни ҷавонон сазовор шуда буд, имрӯз 24 октябр ба ватан расид.
Ба истиқболи ин қаҳрамон нафарони зиёде дар назди Фурудгоҳи байналмилалии шаҳри Душанбе ҷамъ омаданд.
Ӯро дар толори пазироии меҳмонони олиқадри фурудгоҳ муовини раиси Кумитаи кор бо ҷавонон ва варзиш Дилшод Назаров, сардори Раёсати тарбияи ҷисмонӣ ва инкишофи варзиши КҶВ Бозор Носиров, намояндагони мақомоти иҷроияи ҳокимияти давлатии шаҳри Душанбе, намояндагони воситаҳои ахбори омма ва варзишгарону ҷавонони кишвар истиқбол гирифтанд.
Дилшод Назар зимни пазироӣ Сомон Маҳмадбековро барои дастоварди баланди варзишиаш самимона табрик карда, барои ба чунин натиҷа расиданаш изҳори сипос кард. Ҳамчунин қайд кард, ки дастоварди Сомон танҳо як медалу қаҳрамонӣ нест, балки ин метавонад ба садҳо ҷавони дигар такондиҳандаву омили рушд гардад.
Сомон Маҳмадбеков баъди истиқболи самимонаи мардум изҳор дошт, ки ин пирӯзӣ танҳо пирӯзии ӯ нест ва барои ин қаҳрамонӣ танҳо ӯ меҳнат накардааст.
- То ба ин зина расидани ман шахсони зиёде заҳмат кашидаанд. Аз толори варзишӣ то чемпионат рафтан роҳи зиёдеро бояд тай кард ва барои ман Ҳукумати кишвар ва шахсони масъули варзиши ҷумҳурӣ ин ҳама шароитҳоро муҳайё карданд, ки ба унвони қаҳрамонӣ расам. Ман пеш аз ҳама миннатдории худро ба Пешвои миллат муҳтарам Эмомалӣ Раҳмон ва раиси шаҳри Душанбе Рустами Эмомалӣ барои ғамхориҳои пайвастаашон нисбати варзиши кишвар мерасонам. Ва албатта аз устодону мураббиёнам низ миннатдорам,- гуфт Сомон Маҳмадбеков.
Ӯ ба суоли хабарнигорон, ки оё нақша дорад дар бозиҳои олимпӣ иштирок кунад, гуфт албатта ин орзуи ҳар як варзишгар аст ва ман низ кӯшиш мекунам, дар ин бозиҳо иштирок карда, соҳиби медали олимпӣ гардам.
Волидони Сомон Моёншо Маҳмадбеков ва Ҷамила Парвонаева қайд карданд, ки мо аз дастоварди фарзанди худ бениҳоят шод ҳастем ва дар баробари ҳазорон сокини кишвар дуо мекунем, натиҷаҳои аз ин ҳам болотарро соҳиб шавад.
- Фикр мекунам, ки ҳар волидайнро вақте ин рӯз насибаш мегардад, барояш хушбахттарин рӯз аст. Вақте ки фарзанди шумо метавонад миллати шуморо муаррифӣ кунад ва Парчами давлатро дар арсаи ҷаҳонӣ боло бардорад, ин беҳтарин дастовард барои падару модар аст. Дар баробари оне, ки мо дар тарбияи Сомон нақш дорем, ин дастовард танҳо аз кӯшишу талошҳои худи ӯ буд. Сомон, ки аз 6-солагӣ тамрин мегирад, мо ҳама бовар доштем, ки ба ин натиҷаҳо мерасад. Ман ифтихор мекунам, ки писарам қаҳрамони ҷаҳон аст, - изҳор дошт Моёншо Маҳмадбеков, падари Сомон.
Бозор Носиров, сардори Раёсати тарбияи ҷисмонӣ ва инкишофи варзиши КҶВ дастоварди Сомонро натиҷаи ғамхориҳои ҳамешагии Пешвои миллат дар соҳаи варзиш хонда, гуфт агар чунин дастгириҳо дар соҳа ба таври ҳамешагӣ идома ёбад, дар оянда мо метавонем, аз ҳисоби ҷавонону наврасон садҳо Сомони дигарро ба чунин мусобиқаҳо фиристодаву бо чунин натиҷаҳо пешвоз гирем.
Сомон Маҳмадбекови 20-сола аз соли 2015 дар мусобиқаҳои байналмилалии дзюдо иштирок мекунад ва то ин вақт медалҳои тиллои Ҷоми Африқо миёни ҷавонон (Тунис, 2017), Ҷоми Аврупо миёни ҷавонон (Арад, 2017), Ҷоми Осиё миёни калонсолон (Ҳанг Конг, 2018), медали нуқраи Ҷоми Аврупо миёни ҷавонон (Коимбра, 2018), медали биринҷии Чемпионати ҷаҳон миёни ҷавонон (2017)-ро мушарраф гардида, дар Чемпионати ҷаҳон миёни калонсолон соли 2019 дар Токио маҳорати хуб нишон дод ва ҷои 5-умро ишғол карда буд.
Ёдовар мешавем, ки Сомон Маҳмадбеков дар Чемпионати ҷаҳон оид ба дзюдо миёни ҷавонон (U-21), ки чанд рӯз қабл дар Марокаш баргузор гардида буд, сазовори медали тилло гардида, унвони чемпиони ҷаҳонро миёни ҷавонон сазовор шуд. Дар таърихи дзюдои кишвар ин аввалин медали тиллои варзишгарони тоҷик дар ҳамаи синну сол аз Чемпионати ҷаҳон маҳсуб меёбад.
Сомон дар қувваозмоии вазни -73кг дар се даври муқаддамотӣ бар варзишгарони Кеп Верд (Семедо Клаудиано), Қирғизистон (Асад Масабиров), Белгия (Абдул Малик Умаев), дар чорякфинал бар намояндаи Италия (Эдуардо Мелла), дар нимфинал бар Самуэл Гасснер аз Австрия ва дар финал бар Георгий Элбакиев аз Русия дастболо шуда, медали тиллоро ба гардан овехт.
Бояд қайд кард, ки ба ин муносибат Сомон Маҳмадбеков довталаби асосии Ҷоизаи Президенти Ҷумҳурии Тоҷикистон дар ҳаҷми беш аз 50000 сомонӣ гардид.
Комиссияи ҷумҳуриявии Ҷоизаи Президенти Ҷумҳурии Тоҷикистон барои варзишгарон эълон дошт, ки то охири сол натиҷаи Сомон Маҳмадбековро мавриди баррасӣ қарор медиҳад ва бо зиёд гардидани натиҷаи ин варзишгар то охири сол эҳтимоли зиёд гардидани маблағи ҷоизапулӣ дар назар дошта мешавад.
Ба истиқболи ин қаҳрамон нафарони зиёде дар назди Фурудгоҳи байналмилалии шаҳри Душанбе ҷамъ омаданд.
Ӯро дар толори пазироии меҳмонони олиқадри фурудгоҳ муовини раиси Кумитаи кор бо ҷавонон ва варзиш Дилшод Назаров, сардори Раёсати тарбияи ҷисмонӣ ва инкишофи варзиши КҶВ Бозор Носиров, намояндагони мақомоти иҷроияи ҳокимияти давлатии шаҳри Душанбе, намояндагони воситаҳои ахбори омма ва варзишгарону ҷавонони кишвар истиқбол гирифтанд.
Дилшод Назар зимни пазироӣ Сомон Маҳмадбековро барои дастоварди баланди варзишиаш самимона табрик карда, барои ба чунин натиҷа расиданаш изҳори сипос кард. Ҳамчунин қайд кард, ки дастоварди Сомон танҳо як медалу қаҳрамонӣ нест, балки ин метавонад ба садҳо ҷавони дигар такондиҳандаву омили рушд гардад.
Сомон Маҳмадбеков баъди истиқболи самимонаи мардум изҳор дошт, ки ин пирӯзӣ танҳо пирӯзии ӯ нест ва барои ин қаҳрамонӣ танҳо ӯ меҳнат накардааст.
- То ба ин зина расидани ман шахсони зиёде заҳмат кашидаанд. Аз толори варзишӣ то чемпионат рафтан роҳи зиёдеро бояд тай кард ва барои ман Ҳукумати кишвар ва шахсони масъули варзиши ҷумҳурӣ ин ҳама шароитҳоро муҳайё карданд, ки ба унвони қаҳрамонӣ расам. Ман пеш аз ҳама миннатдории худро ба Пешвои миллат муҳтарам Эмомалӣ Раҳмон ва раиси шаҳри Душанбе Рустами Эмомалӣ барои ғамхориҳои пайвастаашон нисбати варзиши кишвар мерасонам. Ва албатта аз устодону мураббиёнам низ миннатдорам,- гуфт Сомон Маҳмадбеков.
Ӯ ба суоли хабарнигорон, ки оё нақша дорад дар бозиҳои олимпӣ иштирок кунад, гуфт албатта ин орзуи ҳар як варзишгар аст ва ман низ кӯшиш мекунам, дар ин бозиҳо иштирок карда, соҳиби медали олимпӣ гардам.
Волидони Сомон Моёншо Маҳмадбеков ва Ҷамила Парвонаева қайд карданд, ки мо аз дастоварди фарзанди худ бениҳоят шод ҳастем ва дар баробари ҳазорон сокини кишвар дуо мекунем, натиҷаҳои аз ин ҳам болотарро соҳиб шавад.
- Фикр мекунам, ки ҳар волидайнро вақте ин рӯз насибаш мегардад, барояш хушбахттарин рӯз аст. Вақте ки фарзанди шумо метавонад миллати шуморо муаррифӣ кунад ва Парчами давлатро дар арсаи ҷаҳонӣ боло бардорад, ин беҳтарин дастовард барои падару модар аст. Дар баробари оне, ки мо дар тарбияи Сомон нақш дорем, ин дастовард танҳо аз кӯшишу талошҳои худи ӯ буд. Сомон, ки аз 6-солагӣ тамрин мегирад, мо ҳама бовар доштем, ки ба ин натиҷаҳо мерасад. Ман ифтихор мекунам, ки писарам қаҳрамони ҷаҳон аст, - изҳор дошт Моёншо Маҳмадбеков, падари Сомон.
Бозор Носиров, сардори Раёсати тарбияи ҷисмонӣ ва инкишофи варзиши КҶВ дастоварди Сомонро натиҷаи ғамхориҳои ҳамешагии Пешвои миллат дар соҳаи варзиш хонда, гуфт агар чунин дастгириҳо дар соҳа ба таври ҳамешагӣ идома ёбад, дар оянда мо метавонем, аз ҳисоби ҷавонону наврасон садҳо Сомони дигарро ба чунин мусобиқаҳо фиристодаву бо чунин натиҷаҳо пешвоз гирем.
Сомон Маҳмадбекови 20-сола аз соли 2015 дар мусобиқаҳои байналмилалии дзюдо иштирок мекунад ва то ин вақт медалҳои тиллои Ҷоми Африқо миёни ҷавонон (Тунис, 2017), Ҷоми Аврупо миёни ҷавонон (Арад, 2017), Ҷоми Осиё миёни калонсолон (Ҳанг Конг, 2018), медали нуқраи Ҷоми Аврупо миёни ҷавонон (Коимбра, 2018), медали биринҷии Чемпионати ҷаҳон миёни ҷавонон (2017)-ро мушарраф гардида, дар Чемпионати ҷаҳон миёни калонсолон соли 2019 дар Токио маҳорати хуб нишон дод ва ҷои 5-умро ишғол карда буд.
Ёдовар мешавем, ки Сомон Маҳмадбеков дар Чемпионати ҷаҳон оид ба дзюдо миёни ҷавонон (U-21), ки чанд рӯз қабл дар Марокаш баргузор гардида буд, сазовори медали тилло гардида, унвони чемпиони ҷаҳонро миёни ҷавонон сазовор шуд. Дар таърихи дзюдои кишвар ин аввалин медали тиллои варзишгарони тоҷик дар ҳамаи синну сол аз Чемпионати ҷаҳон маҳсуб меёбад.
Сомон дар қувваозмоии вазни -73кг дар се даври муқаддамотӣ бар варзишгарони Кеп Верд (Семедо Клаудиано), Қирғизистон (Асад Масабиров), Белгия (Абдул Малик Умаев), дар чорякфинал бар намояндаи Италия (Эдуардо Мелла), дар нимфинал бар Самуэл Гасснер аз Австрия ва дар финал бар Георгий Элбакиев аз Русия дастболо шуда, медали тиллоро ба гардан овехт.
Бояд қайд кард, ки ба ин муносибат Сомон Маҳмадбеков довталаби асосии Ҷоизаи Президенти Ҷумҳурии Тоҷикистон дар ҳаҷми беш аз 50000 сомонӣ гардид.
Комиссияи ҷумҳуриявии Ҷоизаи Президенти Ҷумҳурии Тоҷикистон барои варзишгарон эълон дошт, ки то охири сол натиҷаи Сомон Маҳмадбековро мавриди баррасӣ қарор медиҳад ва бо зиёд гардидани натиҷаи ин варзишгар то охири сол эҳтимоли зиёд гардидани маблағи ҷоизапулӣ дар назар дошта мешавад.
Хабарҳои дигар
Рӯзнома
Эзоҳи худро нависед