33-юм Чемпионати Тоҷикистон оид ба футбол байни дастаҳои Лигаи Олӣ аз 6 апрел оғоз мегардад.

Дар ин бора шабакаи расмии Рустам Эмомалӣ дар телеграм хабар додааст.

Ба иттилои манбаъ чемпионати 33-юми Тоҷикистон оид ба футбол байни дастаҳои Лигаи Олӣ мисли ду соли охир дар ду марҳила баргузор мегардад.

Дар марҳилаи аввал 12 даста дар ду давр бозӣ хоҳанд кард. Баъдан дар марҳилаи дуюм дастаҳо ба ду гурӯҳ тақсим мешаванд. Умуман ҳар як даста дар як мавсим 22 бозӣ анҷом хоҳад дод.

Ёдовар мешавем, ки Чемпионати Тоҷикистон болотарин сатҳи футболи бошгоҳӣ дар Тоҷикистон аст. Дар солҳои гузашта бошгоҳҳои “Регар-ТадАЗ” (Турсунзода), Ска-“Помир” (Душанбе), “Вахш” (Қурғонтеппа), “Равшан” (Кӯлоб), “Динамо” (Душанбе), “Ситора” (Душанбе) ва “Варзоб” (Душанбе) аз зумраи қаҳрамонҳои ин мусобиқот буданд. Ҳоло тими “Истиқлол” бо 12 карат қаҳрамонӣ, пурифтихортарин тими Лигаи Олӣ маҳсуб меёбад.