13 апрели дар доираи баргузории Мусобиқаи байналмилалӣ - Ҷоми ҷаҳон оид ба велосипедронии кӯҳӣ “Eliminator Mountain” дар шаҳри Душанбе вохӯрии Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо Дато Амарҷит Сингх, Президенти Конфедератсияи Осиёӣ оид ба велосипедронӣ, ки бо бо сафари корӣ дар шаҳри Душанбе қарор дорад, доир гардид.

Зимни вохӯрӣ раиси Кумитаро дар баробари дигар нафарони масъули соҳаи варзиши кишвар раиси Федератсияи велосипедронии Тоҷикистон, директори генералии ширкати мобилии Tcell дар Тоҷикистон Озодхон Давлатшоев ҳамроҳӣ намуд.

Дар доираи суҳбат ҷонибҳо ба варзишгарони 40 кишвари иштирокчии Мусобиқаи байналмилалӣ — Ҷоми ҷаҳон оид ба велосипедронии кӯҳӣ “Eliminator Mountain”, ки шаҳри Душанбе мизбони он аст барору музаффарият таманно намуда, барои ҳамкориҳои минбаъда ҷиҳати рушди варзиши велосипедронӣ дар Ҷумҳурии Тоҷикистон табодули афкор сурат гирифт.

Ҷонибҳо ба мувофиқа омаданд, ки мусобиқаҳоро дар самти варзиши велосипедронӣ бештар намуда, дастгирии соҳаи варзиши велосипедрониро дар Ҷумҳурии Тоҷикистон тақвият мебахшанд.