ҶОМЕА
Ҷумъа 29 Май 2026 07:43
Бахшида ба таҷлили Рӯзи ҷаҳонии футбол бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон аксияи ҷумҳуриявӣ таҳти унвони “Тӯби ёдгорӣ-нишонаи ҳамдилӣ” баргузор гардида истодааст.
Иқдоми мазкур аз 17 май оғоз гардида, то имрӯз дар фазои тантанавӣ ва рӯҳияи дӯстиву ҳамбастагӣ идома дорад. Ҳадафи асосии он таҳкими арзишҳои варзишӣ, тарғиби тарзи ҳаёти солим, баланд бардоштани мақому нуфузи футбол дар ҷомеа ва арҷгузорӣ ба Рӯзи ҷаҳонии футбол арзёбӣ мегардад.
Дар доираи ин иқдом ба роҳбарони як қатор вазорату идораҳо, кумитаҳо ва дигар ниҳодҳои давлатии мамлакат тӯби ёдгорӣ тақдим карда шуд. Ин рамзи дӯстӣ ва ҳамдилӣ ҳамчун нишонаи эҳтиром ба рушди футбол ва пуштибонӣ аз ташаббусҳои варзишпарваронаи давлату Ҳукумат муаррифӣ гардид.
Зимни баргузории чорабинӣ таъкид карда шуд, ки чунин ташаббусҳои созанда дар партави сиёсати хирадмандона ва варзишпарваронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, инчунин роҳнамоиву дастгириҳои пайвастаи Раиси шаҳри Душанбе, Президенти Федератсияи футболи Тоҷикистон муҳтарам Рустами Эмомалӣ амалӣ гардида, барои рушди футбол, таҳкими фарҳанги солимгардонӣ ва ҷалби бештари ҷавонону қишрҳои гуногуни ҷомеа ба варзиш мусоидат менамоянд.
Ҳамчунин зикр гардид, ки ташаббусҳои байналмилалии Ҷумҳурии Тоҷикистон дар самти рушди футбол ва муаррифии он ҳамчун воситаи таҳкими дӯстиву ҳамдигарфаҳмии халқҳо аз ҷониби Созмони Милали Муттаҳид ҷонибдорӣ ёфта, барои муаррифии шоистаи Тоҷикистон дар арсаи байналмилалӣ заминаи мусоид фароҳам овардаанд.
Иштирокчиёни аксия баргузории чунин иқдомҳоро дар таҳкими ҳамбастагӣ, рушди фарҳанги варзишӣ ва густариши равобити дӯстона миёни намояндагони касбу кори гуногун муҳим арзёбӣ намуданд.
Аксияи ҷумҳуриявии “Тӯби ёдгорӣ нишонаи ҳамдилӣ” дар фазои тантанавӣ, эҳтиром ба арзишҳои умумибашарӣ ва арҷгузорӣ ба футбол ҳамчун варзиши сулҳу дӯстӣ баргузор гардида, бозгӯи таваҷҷуҳи хоссаи давлату Ҳукумати Ҷумҳурии Тоҷикистон нисбат ба рушди соҳаи тарбияи ҷисмонӣ ва варзиш мебошад.
Яҳё МАҲМАДНАБИЕ, “ҶТ”
Иқдоми мазкур аз 17 май оғоз гардида, то имрӯз дар фазои тантанавӣ ва рӯҳияи дӯстиву ҳамбастагӣ идома дорад. Ҳадафи асосии он таҳкими арзишҳои варзишӣ, тарғиби тарзи ҳаёти солим, баланд бардоштани мақому нуфузи футбол дар ҷомеа ва арҷгузорӣ ба Рӯзи ҷаҳонии футбол арзёбӣ мегардад.
Дар доираи ин иқдом ба роҳбарони як қатор вазорату идораҳо, кумитаҳо ва дигар ниҳодҳои давлатии мамлакат тӯби ёдгорӣ тақдим карда шуд. Ин рамзи дӯстӣ ва ҳамдилӣ ҳамчун нишонаи эҳтиром ба рушди футбол ва пуштибонӣ аз ташаббусҳои варзишпарваронаи давлату Ҳукумат муаррифӣ гардид.
Зимни баргузории чорабинӣ таъкид карда шуд, ки чунин ташаббусҳои созанда дар партави сиёсати хирадмандона ва варзишпарваронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, инчунин роҳнамоиву дастгириҳои пайвастаи Раиси шаҳри Душанбе, Президенти Федератсияи футболи Тоҷикистон муҳтарам Рустами Эмомалӣ амалӣ гардида, барои рушди футбол, таҳкими фарҳанги солимгардонӣ ва ҷалби бештари ҷавонону қишрҳои гуногуни ҷомеа ба варзиш мусоидат менамоянд.
Ҳамчунин зикр гардид, ки ташаббусҳои байналмилалии Ҷумҳурии Тоҷикистон дар самти рушди футбол ва муаррифии он ҳамчун воситаи таҳкими дӯстиву ҳамдигарфаҳмии халқҳо аз ҷониби Созмони Милали Муттаҳид ҷонибдорӣ ёфта, барои муаррифии шоистаи Тоҷикистон дар арсаи байналмилалӣ заминаи мусоид фароҳам овардаанд.
Иштирокчиёни аксия баргузории чунин иқдомҳоро дар таҳкими ҳамбастагӣ, рушди фарҳанги варзишӣ ва густариши равобити дӯстона миёни намояндагони касбу кори гуногун муҳим арзёбӣ намуданд.
Аксияи ҷумҳуриявии “Тӯби ёдгорӣ нишонаи ҳамдилӣ” дар фазои тантанавӣ, эҳтиром ба арзишҳои умумибашарӣ ва арҷгузорӣ ба футбол ҳамчун варзиши сулҳу дӯстӣ баргузор гардида, бозгӯи таваҷҷуҳи хоссаи давлату Ҳукумати Ҷумҳурии Тоҷикистон нисбат ба рушди соҳаи тарбияи ҷисмонӣ ва варзиш мебошад.
Яҳё МАҲМАДНАБИЕ, “ҶТ”
Хабарҳои дигар
Рӯзнома
Эзоҳи худро нависед