ҶОМЕА
Сешанбе 09 Июн 2026 01:32
Чанде қабл Вазорати тандурустӣ ва ҳизфи иҷтимоии аҳолии Тоҷикистон назорат дар марз ва фурудгоҳҳои кишварро пурзӯр намуд, ки ин нигаронии сокинонро дар мавриди авҷи дубораи коронавирус ба вуҷуд овард. Вале вазорат хабар дод, ки ҷойи нигаронӣ нест ва он танҳо зукоми маъмулии мавсимӣ аст.
НИГАРОНӢ ВА ТАВСИЯИ ТАБИБОН
Бо фаро расидани фасли сармо дар кишвар шаҳрвандони зиёдеро дар беморхонаҳо дидан мумкин аст, ки аз гирифториашон ба зуком ба табибон муроҷиат мекунанд. Вале бештар ин ҳолат волидонро нигарон кардааст, ки фарзандонашон ҳарорати баланд доранд ва аз ҳад зиёд афгор мешаванд.
Шаҳзода Алиева як сокини шаҳри Ҳисор мегӯяд, фарзанди мактабхонаш тӯли чанд рӯз аст, ки таб кардааст ва ҳарорати баданаш поён намефарояд. Ба қавли Шаҳзода писараш бештар аз дарди буғумҳояш шикоят мекунад.
“Писарам се рӯз боз табаш баланд аст ва аз иштиҳову хӯрдани хӯрок мондааст, вале доруҳое, ки ба ӯ медиҳам, ҳеҷ таъсире намерасонад. Тарс аз он дорам, ки боз ба бемории коронавирус гирифтор нашуда бошад”,-мегӯяд ӯ.
Шаҳзода ягона нафаре нест, ки аз ҳолати фарзандонаш ба табиб муроҷиат мекунад. Ба монанди ӯ бисёр волидонеро вохӯрдан мумкин аст, ки аз минтақаҳои гуногуни кишвар аз ҳарорати баланду сулфаи зиёди фарзандонашон ба ташвиш афтодаву ба назди табибон мераванд.
Вале мутахассисони соҳаи тандурустӣ мегӯянд, ҷойи нигаронӣ нест, чун бо фарорасии фасли зимитон як чизи маъмулӣ аст, ки кӯдакон ба зукоми мавсимӣ гирифтор мешаванд. Табибон тавсия медиҳанд, ки дар ин ҳолат онҳо ба худтабобаткунӣ машғул нашаванд, балки сари вақт ба табибон муроҷиат кунанд.
“Бо фарорасии фасли сармо бемории мавсимии зуком ҳамасола ба қайд гирифта мешавад. Волидон нигарон набошанд, чун дар кишвар бемории сироятие ба қайд гирифта нашудааст. Танҳо бо омадани фасли сардӣ фарзандони худро эҳтиёт намоянд ва ба тавсияи табибон гӯш диҳанд”, - иброз намуданд аз Вазорати тандурустӣ ва ҳифзи иҷтимоии аҳолӣ.
Табибон якчанд тавсияеро баҳри пешгирии зуком ва ҳама гуна бемориҳои сироятӣ барои хурдсолону калонсолон пешниҳод менамоянд:
- ба кӯдак мутобиқ ба ҳаво бояд либос пӯшонд. Яъне либосе бояд пӯшонд, ки кӯдак хунук нахӯрад ва ҳамчунин, он чандон ғафс набояд бошад, то бадани кӯдак арақ накунад. Вақте бадани кӯдак арақ мекунад, ҳангоми кашидани либос ӯ метавонад сармо хӯрад;
- аз сайругашт дар ҷойҳои серодам худдорӣ бояд кард, чун дар ин ҳолат эҳтимоли сироятёбӣ ба бемориҳои гуногуни сироятӣ зиёд аст;
- вақти аз берун вориди хона шудан, дастонро бо собун шустан лозим аст. Димоғи худро бо намакоб шустан низ ба манфиат аст;
- истеъмоли меваҳои тару тоза ва витаминҳои махсус (бо тавсияи табиб) барои баланд бардоштани масунияти бадан муфид аст;
- бе тавсияи табиб аз истеъмоли ҳар гуна дору худдорӣ бояд намуд.
КОРОНАВИРУС НЕСТ
Сардори Раёсати амнияти санитарӣ-эпидемиологии ҳолатҳои фавқулода ва кумаки фаврию тиббии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Наврӯз Ҷаъфаров ба АМИТ “Ховар” изҳор доштааст, ки гап сари “сербер” - навъи нави коронавирус меравад, ки аллакай дар 65 давлати дунё, аз ҷумла Русия ва Қазоқистон доман задааст.
“Ба тамоми бунгоҳҳои тиббӣ дар фурудгоҳҳо ва гузаргоҳҳои заминии марзӣ дастур дода шуд, ки назорат-ро тақвият бахшанд. Бино ба додаҳои озмоишгоҳҳои вазорат, то ба ҳол ҳеҷ мавриде аз зуҳури коронавируси навъи “сербер” сабт нашудааст, аммо эҳтимоли пайдо шудани он низ баъид дониста намешавад. Аз ин хотир, мо тасмим гирифтем, ки кори бунгоҳҳоро тақвият бахшем”, - афзудаст номбурда.
Гуфта мешавад, ки бар асоси ин қарор ҳарорати мусофирон дар фурудгоҳ ва дигар нуқтаҳои убури сарҳад санҷида мешавад. Ҳамчунин, бо онҳое, ки сарҳадро убур мекунанд, оид ба ин беморӣ суҳбат гузаронида мешавад. Суҳбат дар ҳоле гузаронида мешавад, ки хуруҷи зукоми мавсимӣ низ оғоз шудааст.
Қаблан, ин намояндаи Вазорати тандурустӣ хабар дод, ки дар кишвар навъи нави коронавирус мавҷуд нест, вале эҳтимолияти роҳ ёфтани он вуҷуд дорад. Зеро ин навъ вирус аллакай дар кишварҳои ҳамсояи Тоҷикистон хуруҷ кардааст.
Ӯ инчунин афзуд, ки дар сурати доштани ҳарорати баланд, ташхиси коронавирус анҷом ва танҳо пас аз дастрас кардани натиҷаи санҷиш чораҳои зарурӣ андешида мешаванд.
“Ин маънои онро дорад, ки мисли пештара шахсе, ки ташхисаш мусбат баромад, маълумоти ӯ ба беморхонаи ҷои истиқомат равон гардида, ӯ таҳти назорати табибон қарор мегиранд”, - гуфтаст Наврӯз Ҷаъфаров.
Бино ба гуфтаи масъулин вазорат дар рӯзҳои наздик муроҷиатнома қабул карда, дастраси сокинони мамлакат мегардонанд.
ВАКСИНА ОМИЛИ ВУҶУД НАДОШТАНИ ПАНДЕМИЯ ДАР КИШВАР
Масъулини Вазорати тандурустӣ мегӯянд, ки яке аз сабабҳои сабт нашудани бемории коронавирус дар Тоҷикистон воякӯбии саривақтӣ алайҳи ин беморӣ аст.
- Ҳамагон огоҳ ҳастанд, ки маҳз ваксинакунонӣ боиси аз байн рафтани бемориҳои вазнину нохуш гаштааст. Имрӯз низ ҷаҳон бо бемории сироятии COVID-19 дар ҳоли бархурд қарор дорад ва хушбахтона маҳз бо қобилияти зеҳнии инсоният ваксина ва ё подзаҳр дар муқобили ин беморӣ ихтироъ шуд ва умед дорем, ки сайёра ба зудӣ дар муқобили бемории болозикр пирӯзӣ ба даст хоҳад овард,- гуфт Наврӯз Ҷаъфаров.
Бино ба иттилои Вазорати тандурустии кишвар, эмкунӣ алайҳи ин беморӣ то ба ҳол идома дорад ва аллакай 5 миллиону 344 ҳазору 966 нафар шаҳрвандони аз 18-сола боло (98,8%) зидди COVID-19 эм карда шудаанд. То 2-юми декабр тибқи нақша 5 миллиону 274 ҳазору 816 нафар (97,2%) бо вояи дуюм, 5 миллиону 199 ҳазору 594 (96,1%) нафар бо вояи сеюм эм карда шуданд.
Ба иттилои манбаъ, 1 миллиону 909 ҳазору 455 (57,9%) нафар шаҳрвандон бо вояи чорум эм карда шуданд.
Бояд гуфт, ки дар Тоҷикистон беш аз 9 моҳ аст, ки ҳолатҳои гирифторӣ ба коронавирус расман ба қайд гирифта нашудааст, вале барои пешгирии беморӣ эмкунӣ дар кишвар то ҳол идома дорад.
Қаблан Вазорати тандурус-тии Қазоқистон аз пайдоиши навъи ҷадиди коронавирус ба номи “сербер” хабар дод, ки боис гашт Тоҷикистон баҳри пешгирии хуруҷи коронавирус дар кишвар чораҳои зарурии саривақтиро ба роҳ монад.
Ҳоло пандемияи COVID-19 дар 65 кишвари дунё, ба шумули Русия, Амрико ва Аврупо сабти ном шудааст.
Қобили зикр аст, ки маъракаи ваксинзании оммавии аҳолӣ дар Тоҷикистон 23 марти соли 2021 оғоз гардид. Ваксина гирифтани шахсони аз 18-сола болои ҷумҳурӣ ҳатмӣ аст. Ваксина ба шаҳрвандони мамлакат тариқи ройгон гузаронида мешавад. Дар маҷмӯъ ваксингирии 5 млн 826 ҳазору 301 нафар аҳолии кишвар зарур аст.
Барои саривақт ваксинзании аҳолӣ, даст ёфтан ба масунияти дастаҷамъона ва пешгирии паҳншавии коронавирус тариқи механизми байналмилалии COVAX ва кумаки башардӯстона аз оғози сол ба Тоҷикистон 14 млн 516 ҳазору 60 вояи ваксинаҳои AstraZeneca, CoronaVac, Moderna, Pfizer и Спутник V оварда шуд.
НИГАРОНӢ ВА ТАВСИЯИ ТАБИБОН
Бо фаро расидани фасли сармо дар кишвар шаҳрвандони зиёдеро дар беморхонаҳо дидан мумкин аст, ки аз гирифториашон ба зуком ба табибон муроҷиат мекунанд. Вале бештар ин ҳолат волидонро нигарон кардааст, ки фарзандонашон ҳарорати баланд доранд ва аз ҳад зиёд афгор мешаванд.
Шаҳзода Алиева як сокини шаҳри Ҳисор мегӯяд, фарзанди мактабхонаш тӯли чанд рӯз аст, ки таб кардааст ва ҳарорати баданаш поён намефарояд. Ба қавли Шаҳзода писараш бештар аз дарди буғумҳояш шикоят мекунад.
“Писарам се рӯз боз табаш баланд аст ва аз иштиҳову хӯрдани хӯрок мондааст, вале доруҳое, ки ба ӯ медиҳам, ҳеҷ таъсире намерасонад. Тарс аз он дорам, ки боз ба бемории коронавирус гирифтор нашуда бошад”,-мегӯяд ӯ.
Шаҳзода ягона нафаре нест, ки аз ҳолати фарзандонаш ба табиб муроҷиат мекунад. Ба монанди ӯ бисёр волидонеро вохӯрдан мумкин аст, ки аз минтақаҳои гуногуни кишвар аз ҳарорати баланду сулфаи зиёди фарзандонашон ба ташвиш афтодаву ба назди табибон мераванд.
Вале мутахассисони соҳаи тандурустӣ мегӯянд, ҷойи нигаронӣ нест, чун бо фарорасии фасли зимитон як чизи маъмулӣ аст, ки кӯдакон ба зукоми мавсимӣ гирифтор мешаванд. Табибон тавсия медиҳанд, ки дар ин ҳолат онҳо ба худтабобаткунӣ машғул нашаванд, балки сари вақт ба табибон муроҷиат кунанд.
“Бо фарорасии фасли сармо бемории мавсимии зуком ҳамасола ба қайд гирифта мешавад. Волидон нигарон набошанд, чун дар кишвар бемории сироятие ба қайд гирифта нашудааст. Танҳо бо омадани фасли сардӣ фарзандони худро эҳтиёт намоянд ва ба тавсияи табибон гӯш диҳанд”, - иброз намуданд аз Вазорати тандурустӣ ва ҳифзи иҷтимоии аҳолӣ.
Табибон якчанд тавсияеро баҳри пешгирии зуком ва ҳама гуна бемориҳои сироятӣ барои хурдсолону калонсолон пешниҳод менамоянд:
- ба кӯдак мутобиқ ба ҳаво бояд либос пӯшонд. Яъне либосе бояд пӯшонд, ки кӯдак хунук нахӯрад ва ҳамчунин, он чандон ғафс набояд бошад, то бадани кӯдак арақ накунад. Вақте бадани кӯдак арақ мекунад, ҳангоми кашидани либос ӯ метавонад сармо хӯрад;
- аз сайругашт дар ҷойҳои серодам худдорӣ бояд кард, чун дар ин ҳолат эҳтимоли сироятёбӣ ба бемориҳои гуногуни сироятӣ зиёд аст;
- вақти аз берун вориди хона шудан, дастонро бо собун шустан лозим аст. Димоғи худро бо намакоб шустан низ ба манфиат аст;
- истеъмоли меваҳои тару тоза ва витаминҳои махсус (бо тавсияи табиб) барои баланд бардоштани масунияти бадан муфид аст;
- бе тавсияи табиб аз истеъмоли ҳар гуна дору худдорӣ бояд намуд.
КОРОНАВИРУС НЕСТ
Сардори Раёсати амнияти санитарӣ-эпидемиологии ҳолатҳои фавқулода ва кумаки фаврию тиббии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Наврӯз Ҷаъфаров ба АМИТ “Ховар” изҳор доштааст, ки гап сари “сербер” - навъи нави коронавирус меравад, ки аллакай дар 65 давлати дунё, аз ҷумла Русия ва Қазоқистон доман задааст.
“Ба тамоми бунгоҳҳои тиббӣ дар фурудгоҳҳо ва гузаргоҳҳои заминии марзӣ дастур дода шуд, ки назорат-ро тақвият бахшанд. Бино ба додаҳои озмоишгоҳҳои вазорат, то ба ҳол ҳеҷ мавриде аз зуҳури коронавируси навъи “сербер” сабт нашудааст, аммо эҳтимоли пайдо шудани он низ баъид дониста намешавад. Аз ин хотир, мо тасмим гирифтем, ки кори бунгоҳҳоро тақвият бахшем”, - афзудаст номбурда.
Гуфта мешавад, ки бар асоси ин қарор ҳарорати мусофирон дар фурудгоҳ ва дигар нуқтаҳои убури сарҳад санҷида мешавад. Ҳамчунин, бо онҳое, ки сарҳадро убур мекунанд, оид ба ин беморӣ суҳбат гузаронида мешавад. Суҳбат дар ҳоле гузаронида мешавад, ки хуруҷи зукоми мавсимӣ низ оғоз шудааст.
Қаблан, ин намояндаи Вазорати тандурустӣ хабар дод, ки дар кишвар навъи нави коронавирус мавҷуд нест, вале эҳтимолияти роҳ ёфтани он вуҷуд дорад. Зеро ин навъ вирус аллакай дар кишварҳои ҳамсояи Тоҷикистон хуруҷ кардааст.
Ӯ инчунин афзуд, ки дар сурати доштани ҳарорати баланд, ташхиси коронавирус анҷом ва танҳо пас аз дастрас кардани натиҷаи санҷиш чораҳои зарурӣ андешида мешаванд.
“Ин маънои онро дорад, ки мисли пештара шахсе, ки ташхисаш мусбат баромад, маълумоти ӯ ба беморхонаи ҷои истиқомат равон гардида, ӯ таҳти назорати табибон қарор мегиранд”, - гуфтаст Наврӯз Ҷаъфаров.
Бино ба гуфтаи масъулин вазорат дар рӯзҳои наздик муроҷиатнома қабул карда, дастраси сокинони мамлакат мегардонанд.
ВАКСИНА ОМИЛИ ВУҶУД НАДОШТАНИ ПАНДЕМИЯ ДАР КИШВАР
Масъулини Вазорати тандурустӣ мегӯянд, ки яке аз сабабҳои сабт нашудани бемории коронавирус дар Тоҷикистон воякӯбии саривақтӣ алайҳи ин беморӣ аст.
- Ҳамагон огоҳ ҳастанд, ки маҳз ваксинакунонӣ боиси аз байн рафтани бемориҳои вазнину нохуш гаштааст. Имрӯз низ ҷаҳон бо бемории сироятии COVID-19 дар ҳоли бархурд қарор дорад ва хушбахтона маҳз бо қобилияти зеҳнии инсоният ваксина ва ё подзаҳр дар муқобили ин беморӣ ихтироъ шуд ва умед дорем, ки сайёра ба зудӣ дар муқобили бемории болозикр пирӯзӣ ба даст хоҳад овард,- гуфт Наврӯз Ҷаъфаров.
Бино ба иттилои Вазорати тандурустии кишвар, эмкунӣ алайҳи ин беморӣ то ба ҳол идома дорад ва аллакай 5 миллиону 344 ҳазору 966 нафар шаҳрвандони аз 18-сола боло (98,8%) зидди COVID-19 эм карда шудаанд. То 2-юми декабр тибқи нақша 5 миллиону 274 ҳазору 816 нафар (97,2%) бо вояи дуюм, 5 миллиону 199 ҳазору 594 (96,1%) нафар бо вояи сеюм эм карда шуданд.
Ба иттилои манбаъ, 1 миллиону 909 ҳазору 455 (57,9%) нафар шаҳрвандон бо вояи чорум эм карда шуданд.
Бояд гуфт, ки дар Тоҷикистон беш аз 9 моҳ аст, ки ҳолатҳои гирифторӣ ба коронавирус расман ба қайд гирифта нашудааст, вале барои пешгирии беморӣ эмкунӣ дар кишвар то ҳол идома дорад.
Қаблан Вазорати тандурус-тии Қазоқистон аз пайдоиши навъи ҷадиди коронавирус ба номи “сербер” хабар дод, ки боис гашт Тоҷикистон баҳри пешгирии хуруҷи коронавирус дар кишвар чораҳои зарурии саривақтиро ба роҳ монад.
Ҳоло пандемияи COVID-19 дар 65 кишвари дунё, ба шумули Русия, Амрико ва Аврупо сабти ном шудааст.
Қобили зикр аст, ки маъракаи ваксинзании оммавии аҳолӣ дар Тоҷикистон 23 марти соли 2021 оғоз гардид. Ваксина гирифтани шахсони аз 18-сола болои ҷумҳурӣ ҳатмӣ аст. Ваксина ба шаҳрвандони мамлакат тариқи ройгон гузаронида мешавад. Дар маҷмӯъ ваксингирии 5 млн 826 ҳазору 301 нафар аҳолии кишвар зарур аст.
Барои саривақт ваксинзании аҳолӣ, даст ёфтан ба масунияти дастаҷамъона ва пешгирии паҳншавии коронавирус тариқи механизми байналмилалии COVAX ва кумаки башардӯстона аз оғози сол ба Тоҷикистон 14 млн 516 ҳазору 60 вояи ваксинаҳои AstraZeneca, CoronaVac, Moderna, Pfizer и Спутник V оварда шуд.
Хабарҳои дигар
Рӯзнома
Эзоҳи худро нависед