Дар ин хусус имрӯз-23 июл Даврон Сафарзода, ректори Академияи идоракунии давлатии назди Президенти ҶумҳурииТоҷикистон зимни нишасти матбуотӣ хабар дод.

Гуфта шуд, ки ин шумора нисбат ба шаш моҳи аввали соли гузашта 2 нафар зиёд мебошад.

Зикр гардид, ки донишҷӯёни мазкур моҳи феврали соли 2024 дар асоси барномаи табодули академӣ ба муассисаҳои таҳсилоти олии касбии хориҷӣ, ки Академия бо онҳо созишномаи ҳамкорӣ дорад, сафарбар шудаанд.

Бояд гуфт, ки ин шумора дар соли 2022 ба 47 нафар расида буд ва сабаби кам гардидани ин шумораро тайи ду соли охир дар он медонанд, ки солҳои қаблӣ он тариқи маҷозӣ сурат мегирифт.

Аз соли гузашта бошад, ин барнома ба таври ҳузурӣ амалӣ мегардад.

Лозим ба ёдоварист, ки барномаи табодули академӣ ба донишҷӯён ва магистрантони академияи мазкур имконият медиҳад, ки аз раванди таҳсил дар кишварҳое чун Россия ва Қазоқистон бархӯрдор гарданд.

Ба донишҷӯёни зинаи бакалавр як симестр ва магистрантон як сол имкони таҳсил дар чунин кишварҳо вуҷуд дорад.

Гулафшон КАРИМОВА, "ҶТ"