ҶОМЕА
Шанбе 06 Июн 2026 06:11
Хадамоти алоқаи назди Ҳукумати Ҷумҳурии Тоҷикистон бо ширкати “Starlink Tajikistan” (SpaceX) барои оғози кори Starlink дар кишвар шартномаи литсензионӣ ба имзо расонид.
Ин созишнома дар доираи Форуми байналмилалии сармоягузории “Dushanbe Invest - 2025” ба имзо расонида шуд, ки тибқи он Ҷумҳурии Тоҷикистон ба шабакаи интернети глобалии моҳвораӣ дастрасӣ пайдо мекунад. Ба гуфтаи намояндагони Хадамоти алоқаи кишвар, Созишномаи мазкур барои сатҳу сифати хизматрасониҳои интернетӣ, нархи дастрас ва рафъи мушкилот дар ин самт, хусусан дар минтақаҳои дурдасти кишвар мусоидат хоҳад кард.
Дар ин хусус Бахтовар Абдусатторзода, муовини аввали директори генералии ҶСК “Тоҷиктелеком” ба расонаҳо иттилоъ дода гуфтааст, ки ин шартнома дар навбати аввал ҷиҳати насби сокинони ноҳияҳои дурдасту душворгузар ва наздимарзии кишвар ба интернети моҳвораӣ, ки бунёди зерсохтори маъмулӣ дар ин ҷойҳо бо сабаби мавзеи кӯҳӣ ва зичии аҳолӣ душвор аст, равона шудааст.
- Ба ин тариқ, роҳандозии шабакаи баландсифати Starlink барои рақамисозии минтақавӣ уфуқҳои нав боз мекунад, -изҳор дошт ӯ.
Ҳамзамон, ба гуфтаи ӯ, бо мурури замон алоқаи моҳвораии насли нав дастрасии баробарро ба таҳсили онлайнӣ таъмин карда, рушди тиҷорати хурдро ҳавасманд месозад ва инчунин ба бунёди корхонаҳои бузург кумак карда, дар баробари дафтарҳои кории марказӣ, дастрасиро ҳатто дар ноҳияҳои дурдаст осонтар месозад.
STARLINK ВАЗЪРО ДАР МИНТАҚАҲО БЕҲТАР МЕКУНАД?
Starlink - ин хизматрасонии интернетии моҳвораӣ мебошад, ки аз ҷониби ширкати амрикоии SpaceX роҳандозӣ гардидааст ва имрӯз он дар зиёда аз 100 кишвари дунё роҳандозӣ гардидааст. Он барои таъмини интернети босуръат дар тамоми дунё, махсусан дар минтақаҳои дурдасти кӯҳистон равона гардидааст.
Ба зикри Бахтовар Абдусатторзода ин хизматрасонии суръаташ баланд пеш аз ҳама вазъ дар муассисаҳои давлатию иҷтимоӣ ва мактабу бемористонро дар ноҳияҳои дурдаст беҳтар мегардонад.
- Аз ин рӯ, ба рушди алоқа дар ноҳияҳои дурдаст ҷиҳати пешниҳоди хидматрасониҳои давлатӣ тариқи онлайн, рушди тибби телевизионӣ, таҳсилоти фосилавӣ, фаъолияти берун аз ҷойи кор, ҷорисозии технологияҳои рақамӣ дар соҳаи кишоварзӣ, дастгирии кишоварзон ва тиҷорат, инчунин ҳавасмандсозии стартапҳо ва хадамоти рақамӣ дар ҳудуди берун аз шаҳрҳо таваҷҷуҳи хосса зоҳир мешавад, - баён медорад номбурда.
Ба гуфтаи муовини аввали ҶСК “Тоҷиктелеком”, интернети моҳвораии Starlink тариқи моҳвораҳои мадорашон паст кор мекунад, ки боздошту таъхири сигналро коҳиш медиҳад.
- Корбарон дар дигар кишварҳо, ки ба Starlink пайваст шудаанд, вобаста ба шароит дар бораи суръатҳои аз 10 то 100 мегабит дар як сония хабар медиҳанд,- меафзояд ӯ.
Аммо гуфта мешавад, ки бо роҳандозӣ гардидани Starlink, нарх ба арзиши умумии интернет дар кишвар мустақиман таъсир намерасонад.
“Технологияҳои алоқаи моҳвораӣ бо назардошти таҷҳизот нисбат ба шабакаҳои анъанавӣ гаронтаранд, лекин ба туфайли гуфтушунидҳои барпошуда арзиши таҷҳизот ва тарифҳо вобаста ба воқеияти минтақавӣ муайян карда мешаванд”, - илова намуд номбурда.
СУРЪАТ БАЛАНД ШУДААСТ
Бояд гуфт, ки дар Ҷумҳурии Тоҷикистон сокинон аз суръати пасти интернет ва нархи баланди он ҳамеша шикоят мекунанд, вале намояндагони Хадамоти алоқаи кишвар мунтазам аз беҳтар шудани вазъи суръат ва арзиши он мегӯянд. Аз ҷумла, Исфандиёри Саъдулло, сардори Хадамоти алоқа дар нишасти мутбуотии охиринаш ба рӯзноманигорон гуфта буд, ки тадриҷан арзиши миёнаи интернет бо суръати 1 Мбит/с ба 17,63 сомонӣ коҳиш ёфта, нархи миёнаи 1 ГБ бастаи интернети мобилӣ ба 2,5 сомонӣ ё 0,25 доллари ИМА расонида шудааст.
“Раванди мазкур идома ёфта, аз 15 июли соли ҷорӣ суръати ҳадди ақали интернет ба 15 Мбит/с баробар гардида, то охири соли ҷорӣ суръати интернет ба 30 Мбит/с ва дар се соли оянда ин нишондод ба 100 Мбит/с расонида хоҳад шуд”, - зикр карда буд сардори Хадамоти алоқа.
Ҳамзамон, ӯ гуфт, онҳое, ки тарофаи интернеташон ҳоло аз 5 Мбит/с паст аст, метавонанд ба ширкатҳои мобилии хидматрасон шикоят кунанд, то мушкилашон бартараф гардад.
Директори Агентии инноватсия ва технологияҳои рақамии назди Президенти Ҷумҳурии Тоҷикистон Хуршед Файзуллозода мушкили сифати интернетро ба ҷиҳати техникӣ рабт медиҳад. Ба гуфтаи ӯ Ҷумҳурии Тоҷикистон кишварест, ки 93 дарсади қаламрави онро кӯҳҳо ишғол мекунанд ва пайвастшавӣ ба интернет харҷи зиёдро талаб мекунад.
“Барои беҳтар намудани сифати интернет серверҳои бузург дар дохили кишвар васл мегарданд ва дар минтақаи кӯҳистон хатҳои нахи оптикӣ гузаронида мешаванд”, - иброз дошт ӯ.
Роҳбари Агентӣ зикр намуд, ки дар робита ба ҳалли ин масъала дар ҳамкорӣ бо шарикони рушд лоиҳаҳо омода шуда истодаанд. Ба гуфтаи ӯ, барои рафъи ин мушкил ва таъмин намудани сокинон бо интернети баландсуръат маблағгузории зиёд лозим аст.
ТАТБИҚИ ПУРРАИ ШАБАКАИ 5G ДАР КИШВАР
Дар Тоҷикистон солҳои 2025-2030 “Солҳои рушди иқтисоди рақамӣ ва инноватсия” эълон шудаанд, ки дар доираи он мақомоти марбута даст ба кор шудаанд. Аз ҷумла, дар назар аст, ки шабакаи 5G дар тамоми минтақаҳои кишвар роҳандозӣ шавад.
Сардори Хадамоти алоқаи назди Ҳукумати кишвар Исфандиёри Саъдулло зимни нишасти хабарӣ изҳор дошт, ки дар доираи “Солҳои рушди иқтисоди рақамӣ ва инноватсия” дар кишвар васеъ намудани насби шабакаҳои насли 5G роҳандозӣ шудааст.
“Ба зудӣ дар кишвар шабакаи 5G низ пурра татбиқ мегардад. Ширкати TCELL аллакай 5G-ро дар баъзе минтақаҳо роҳандозӣ намуд”, - иброз дошт номбурда.
Инчунин, таъкид гардид, ки барои беҳтар намудани сатҳу сифати интернет ва умуман рақамикунонӣ бахши хусусӣ низ нақши муҳим дошта, дар ин самт бо бахши тиҷорат ҳамкории зич ба роҳ монда шудааст.
“Дар натиҷаи роҳандозии ҳамкории мутақобилан судманд бо операторон, арзиши воридоти интернет ба таври назаррас поин рафта, ба коҳиши нархи хидматрасониҳои интернети мобилӣ ва ноқилӣ, ки аз ҷониби операторони ватанӣ пешниҳод мешавад, мусоидат кард.
Минбаъд ҳаҷми бастаҳои интернети мобилӣ ҳадди ақал то 20% зиёд пешниҳод карда мешавад, арзиши тарофаҳои провайдерони интернети ноқилӣ 55% коҳиш дода шуда, ҳамаи тарофаҳои бо суръати пасттар аз 5Мбит/с бекор карда мешаванд”, - зикр намуд Исфандиёри Саъдулло.
ВОРИДОТИ ИНТЕРНЕТ АЗ ЧИН
Мақомоти марбута барои боз ҳам беҳтар намудани сатҳу сифати интернет ва арзиши он дар кишвар бо Ҷумҳурии Мардумии Чин ҳамкориро ба роҳ мондааст. Гуфта мешавад, ки ҳадафи тасмими пайвастшавии мустақими шабакаҳои телекоммуникатсионии Тоҷикистон бо Чин, беҳтар кардани суръат ва арзиши интернет дар кишвар арзёбӣ мегардад.
Дар доираи он кашидани хатти нахи нурӣ то марзи Ҷумҳурии Мардумии Чин дар доираи лоиҳаи сохтмони шабакаи нақлиётии магистралии баландсуръат дар самти “Душанбе-Кӯлоб-Дарвоз-Рӯшон-Хоруғ-Қулма” сурат мегирад.
Мутобиқи лоиҳа дар марҳилаи аввал то ноҳияи Дарвоз дар масофаи 182 километр симчӯбҳои алоҳида насб гардида, дар қитъаҳои дигар ба воситаи симчӯбҳои неруи барқ хатти нахи нурӣ кашида мешавад.
Марҳилаи якуми лоиҳа аз моҳи июли соли 2025 оғоз шуда, то имрӯз 108 километри он пайваст карда шудааст.
Ба гуфтаи Бахтовар Абдусатторзода, муовини аввали директори генералии “Тоҷиктелеком”, татбиқи ин лоиҳа барои афзун кардани иқтидори интернет кумак мекунад, ки дар натиҷа арзиши интернет поён рафта, барои операторони мобилӣ имконияти пешниҳоди хидматрасонии арзонтар фароҳам меояд.
Марҳилаи дуюм аз аввали соли 2026 шуруъ шуда, дар назар аст, ки то охири сол ба сарҳади Тоҷикистону Чин расонида мешавад. Ҳадафи он пайвастшавии мустақими шабакаҳои телекоммуникатсионии Ҷумҳурии Тоҷикистон бо шабакаҳои телекоммуникатсионии Ҷумҳурии Мардумии Чин мебошад.
Ба андешаи коршиносон, дар шароити иҷрои пайгиронаи стратегияҳои давлатӣ, татбиқи самараноки ислоҳот ва ҷалби васеи захираҳои зеҳнӣ, молиявӣ ва техникӣ Тоҷикистон метавонад дар даҳ соли оянда мавқеи шоистаро дар радабандии ҷаҳонӣ дар бахши инноватсия ва технологияи рақамӣ ишғол намояд.
Ба гуфтаи Хуршед Файзуллозода, директори Агентии инноватсия ва технологияҳои рақамии назди Президенти Ҷумҳурии Тоҷикистон, кишвари мо дар муддати 10 соли оянда метавонад дар ин гуна радабандиҳо мавқеи намоёнро ишғол намояд: “Мо бовар дорем, ки дар сурати нигоҳ доштани динамикаи мавҷуда, Тоҷикистон тайи даҳ соли оянда метавонад аз рӯи як қатор трансформатсияи рақамӣ ва нишондиҳандаҳои рушди инноватсионӣ, аз ҷумла рейтингҳои байналмилалӣ, аз қабили Индекси глобалии инноватсия (Global Innovation Index) ва шохиси рушди ТИК (ICT Development Index) ба қатори кишварҳои беҳтарини ҷаҳон ворид шавад. Албатта, ин ҳадафи бузургест, ки ҳамкории зичи байнисоҳавӣ, сафарбар намудани захираҳои дохилӣ ва ҷалби таҷриба ва сармоягузории дохилию хориҷиро тақозо мекунад”.
Бино ба иттилои Хадамоти алоқаи кишвар имрӯз теъдоди муштариёни ба шабакаҳои телекоммуникатсионии ҷумҳурӣ васлшуда 8,3 млн нафарро ташкил дода, 5,3 млн нафари онҳо муштариёни фаъоли алоқаи мобилӣ мебошанд.
Фарзонаи УМАРАЛӢ, “ҶТ”
Ин созишнома дар доираи Форуми байналмилалии сармоягузории “Dushanbe Invest - 2025” ба имзо расонида шуд, ки тибқи он Ҷумҳурии Тоҷикистон ба шабакаи интернети глобалии моҳвораӣ дастрасӣ пайдо мекунад. Ба гуфтаи намояндагони Хадамоти алоқаи кишвар, Созишномаи мазкур барои сатҳу сифати хизматрасониҳои интернетӣ, нархи дастрас ва рафъи мушкилот дар ин самт, хусусан дар минтақаҳои дурдасти кишвар мусоидат хоҳад кард.
Дар ин хусус Бахтовар Абдусатторзода, муовини аввали директори генералии ҶСК “Тоҷиктелеком” ба расонаҳо иттилоъ дода гуфтааст, ки ин шартнома дар навбати аввал ҷиҳати насби сокинони ноҳияҳои дурдасту душворгузар ва наздимарзии кишвар ба интернети моҳвораӣ, ки бунёди зерсохтори маъмулӣ дар ин ҷойҳо бо сабаби мавзеи кӯҳӣ ва зичии аҳолӣ душвор аст, равона шудааст.
- Ба ин тариқ, роҳандозии шабакаи баландсифати Starlink барои рақамисозии минтақавӣ уфуқҳои нав боз мекунад, -изҳор дошт ӯ.
Ҳамзамон, ба гуфтаи ӯ, бо мурури замон алоқаи моҳвораии насли нав дастрасии баробарро ба таҳсили онлайнӣ таъмин карда, рушди тиҷорати хурдро ҳавасманд месозад ва инчунин ба бунёди корхонаҳои бузург кумак карда, дар баробари дафтарҳои кории марказӣ, дастрасиро ҳатто дар ноҳияҳои дурдаст осонтар месозад.
STARLINK ВАЗЪРО ДАР МИНТАҚАҲО БЕҲТАР МЕКУНАД?
Starlink - ин хизматрасонии интернетии моҳвораӣ мебошад, ки аз ҷониби ширкати амрикоии SpaceX роҳандозӣ гардидааст ва имрӯз он дар зиёда аз 100 кишвари дунё роҳандозӣ гардидааст. Он барои таъмини интернети босуръат дар тамоми дунё, махсусан дар минтақаҳои дурдасти кӯҳистон равона гардидааст.
Ба зикри Бахтовар Абдусатторзода ин хизматрасонии суръаташ баланд пеш аз ҳама вазъ дар муассисаҳои давлатию иҷтимоӣ ва мактабу бемористонро дар ноҳияҳои дурдаст беҳтар мегардонад.
- Аз ин рӯ, ба рушди алоқа дар ноҳияҳои дурдаст ҷиҳати пешниҳоди хидматрасониҳои давлатӣ тариқи онлайн, рушди тибби телевизионӣ, таҳсилоти фосилавӣ, фаъолияти берун аз ҷойи кор, ҷорисозии технологияҳои рақамӣ дар соҳаи кишоварзӣ, дастгирии кишоварзон ва тиҷорат, инчунин ҳавасмандсозии стартапҳо ва хадамоти рақамӣ дар ҳудуди берун аз шаҳрҳо таваҷҷуҳи хосса зоҳир мешавад, - баён медорад номбурда.
Ба гуфтаи муовини аввали ҶСК “Тоҷиктелеком”, интернети моҳвораии Starlink тариқи моҳвораҳои мадорашон паст кор мекунад, ки боздошту таъхири сигналро коҳиш медиҳад.
- Корбарон дар дигар кишварҳо, ки ба Starlink пайваст шудаанд, вобаста ба шароит дар бораи суръатҳои аз 10 то 100 мегабит дар як сония хабар медиҳанд,- меафзояд ӯ.
Аммо гуфта мешавад, ки бо роҳандозӣ гардидани Starlink, нарх ба арзиши умумии интернет дар кишвар мустақиман таъсир намерасонад.
“Технологияҳои алоқаи моҳвораӣ бо назардошти таҷҳизот нисбат ба шабакаҳои анъанавӣ гаронтаранд, лекин ба туфайли гуфтушунидҳои барпошуда арзиши таҷҳизот ва тарифҳо вобаста ба воқеияти минтақавӣ муайян карда мешаванд”, - илова намуд номбурда.
СУРЪАТ БАЛАНД ШУДААСТ
Бояд гуфт, ки дар Ҷумҳурии Тоҷикистон сокинон аз суръати пасти интернет ва нархи баланди он ҳамеша шикоят мекунанд, вале намояндагони Хадамоти алоқаи кишвар мунтазам аз беҳтар шудани вазъи суръат ва арзиши он мегӯянд. Аз ҷумла, Исфандиёри Саъдулло, сардори Хадамоти алоқа дар нишасти мутбуотии охиринаш ба рӯзноманигорон гуфта буд, ки тадриҷан арзиши миёнаи интернет бо суръати 1 Мбит/с ба 17,63 сомонӣ коҳиш ёфта, нархи миёнаи 1 ГБ бастаи интернети мобилӣ ба 2,5 сомонӣ ё 0,25 доллари ИМА расонида шудааст.
“Раванди мазкур идома ёфта, аз 15 июли соли ҷорӣ суръати ҳадди ақали интернет ба 15 Мбит/с баробар гардида, то охири соли ҷорӣ суръати интернет ба 30 Мбит/с ва дар се соли оянда ин нишондод ба 100 Мбит/с расонида хоҳад шуд”, - зикр карда буд сардори Хадамоти алоқа.
Ҳамзамон, ӯ гуфт, онҳое, ки тарофаи интернеташон ҳоло аз 5 Мбит/с паст аст, метавонанд ба ширкатҳои мобилии хидматрасон шикоят кунанд, то мушкилашон бартараф гардад.
Директори Агентии инноватсия ва технологияҳои рақамии назди Президенти Ҷумҳурии Тоҷикистон Хуршед Файзуллозода мушкили сифати интернетро ба ҷиҳати техникӣ рабт медиҳад. Ба гуфтаи ӯ Ҷумҳурии Тоҷикистон кишварест, ки 93 дарсади қаламрави онро кӯҳҳо ишғол мекунанд ва пайвастшавӣ ба интернет харҷи зиёдро талаб мекунад.
“Барои беҳтар намудани сифати интернет серверҳои бузург дар дохили кишвар васл мегарданд ва дар минтақаи кӯҳистон хатҳои нахи оптикӣ гузаронида мешаванд”, - иброз дошт ӯ.
Роҳбари Агентӣ зикр намуд, ки дар робита ба ҳалли ин масъала дар ҳамкорӣ бо шарикони рушд лоиҳаҳо омода шуда истодаанд. Ба гуфтаи ӯ, барои рафъи ин мушкил ва таъмин намудани сокинон бо интернети баландсуръат маблағгузории зиёд лозим аст.
ТАТБИҚИ ПУРРАИ ШАБАКАИ 5G ДАР КИШВАР
Дар Тоҷикистон солҳои 2025-2030 “Солҳои рушди иқтисоди рақамӣ ва инноватсия” эълон шудаанд, ки дар доираи он мақомоти марбута даст ба кор шудаанд. Аз ҷумла, дар назар аст, ки шабакаи 5G дар тамоми минтақаҳои кишвар роҳандозӣ шавад.
Сардори Хадамоти алоқаи назди Ҳукумати кишвар Исфандиёри Саъдулло зимни нишасти хабарӣ изҳор дошт, ки дар доираи “Солҳои рушди иқтисоди рақамӣ ва инноватсия” дар кишвар васеъ намудани насби шабакаҳои насли 5G роҳандозӣ шудааст.
“Ба зудӣ дар кишвар шабакаи 5G низ пурра татбиқ мегардад. Ширкати TCELL аллакай 5G-ро дар баъзе минтақаҳо роҳандозӣ намуд”, - иброз дошт номбурда.
Инчунин, таъкид гардид, ки барои беҳтар намудани сатҳу сифати интернет ва умуман рақамикунонӣ бахши хусусӣ низ нақши муҳим дошта, дар ин самт бо бахши тиҷорат ҳамкории зич ба роҳ монда шудааст.
“Дар натиҷаи роҳандозии ҳамкории мутақобилан судманд бо операторон, арзиши воридоти интернет ба таври назаррас поин рафта, ба коҳиши нархи хидматрасониҳои интернети мобилӣ ва ноқилӣ, ки аз ҷониби операторони ватанӣ пешниҳод мешавад, мусоидат кард.
Минбаъд ҳаҷми бастаҳои интернети мобилӣ ҳадди ақал то 20% зиёд пешниҳод карда мешавад, арзиши тарофаҳои провайдерони интернети ноқилӣ 55% коҳиш дода шуда, ҳамаи тарофаҳои бо суръати пасттар аз 5Мбит/с бекор карда мешаванд”, - зикр намуд Исфандиёри Саъдулло.
ВОРИДОТИ ИНТЕРНЕТ АЗ ЧИН
Мақомоти марбута барои боз ҳам беҳтар намудани сатҳу сифати интернет ва арзиши он дар кишвар бо Ҷумҳурии Мардумии Чин ҳамкориро ба роҳ мондааст. Гуфта мешавад, ки ҳадафи тасмими пайвастшавии мустақими шабакаҳои телекоммуникатсионии Тоҷикистон бо Чин, беҳтар кардани суръат ва арзиши интернет дар кишвар арзёбӣ мегардад.
Дар доираи он кашидани хатти нахи нурӣ то марзи Ҷумҳурии Мардумии Чин дар доираи лоиҳаи сохтмони шабакаи нақлиётии магистралии баландсуръат дар самти “Душанбе-Кӯлоб-Дарвоз-Рӯшон-Хоруғ-Қулма” сурат мегирад.
Мутобиқи лоиҳа дар марҳилаи аввал то ноҳияи Дарвоз дар масофаи 182 километр симчӯбҳои алоҳида насб гардида, дар қитъаҳои дигар ба воситаи симчӯбҳои неруи барқ хатти нахи нурӣ кашида мешавад.
Марҳилаи якуми лоиҳа аз моҳи июли соли 2025 оғоз шуда, то имрӯз 108 километри он пайваст карда шудааст.
Ба гуфтаи Бахтовар Абдусатторзода, муовини аввали директори генералии “Тоҷиктелеком”, татбиқи ин лоиҳа барои афзун кардани иқтидори интернет кумак мекунад, ки дар натиҷа арзиши интернет поён рафта, барои операторони мобилӣ имконияти пешниҳоди хидматрасонии арзонтар фароҳам меояд.
Марҳилаи дуюм аз аввали соли 2026 шуруъ шуда, дар назар аст, ки то охири сол ба сарҳади Тоҷикистону Чин расонида мешавад. Ҳадафи он пайвастшавии мустақими шабакаҳои телекоммуникатсионии Ҷумҳурии Тоҷикистон бо шабакаҳои телекоммуникатсионии Ҷумҳурии Мардумии Чин мебошад.
Ба андешаи коршиносон, дар шароити иҷрои пайгиронаи стратегияҳои давлатӣ, татбиқи самараноки ислоҳот ва ҷалби васеи захираҳои зеҳнӣ, молиявӣ ва техникӣ Тоҷикистон метавонад дар даҳ соли оянда мавқеи шоистаро дар радабандии ҷаҳонӣ дар бахши инноватсия ва технологияи рақамӣ ишғол намояд.
Ба гуфтаи Хуршед Файзуллозода, директори Агентии инноватсия ва технологияҳои рақамии назди Президенти Ҷумҳурии Тоҷикистон, кишвари мо дар муддати 10 соли оянда метавонад дар ин гуна радабандиҳо мавқеи намоёнро ишғол намояд: “Мо бовар дорем, ки дар сурати нигоҳ доштани динамикаи мавҷуда, Тоҷикистон тайи даҳ соли оянда метавонад аз рӯи як қатор трансформатсияи рақамӣ ва нишондиҳандаҳои рушди инноватсионӣ, аз ҷумла рейтингҳои байналмилалӣ, аз қабили Индекси глобалии инноватсия (Global Innovation Index) ва шохиси рушди ТИК (ICT Development Index) ба қатори кишварҳои беҳтарини ҷаҳон ворид шавад. Албатта, ин ҳадафи бузургест, ки ҳамкории зичи байнисоҳавӣ, сафарбар намудани захираҳои дохилӣ ва ҷалби таҷриба ва сармоягузории дохилию хориҷиро тақозо мекунад”.
Бино ба иттилои Хадамоти алоқаи кишвар имрӯз теъдоди муштариёни ба шабакаҳои телекоммуникатсионии ҷумҳурӣ васлшуда 8,3 млн нафарро ташкил дода, 5,3 млн нафари онҳо муштариёни фаъоли алоқаи мобилӣ мебошанд.
Фарзонаи УМАРАЛӢ, “ҶТ”
Хабарҳои дигар
Рӯзнома
Эзоҳи худро нависед