Иззатулло Саидзода, диретори Маркази миллии қонунгузории назди Президенти Ҷумҳурии Тоҷикистон зимни нишасти матбуотӣ ба хабарнигорон иттилоъ дод, ки кор бо муроҷиатҳои шахсони воқеӣ ва ҳуқуқӣ самти афзалиятноки фаъолияти Марказ буда, соли 2025 ба Марказ 38 муроҷиат ворид гардидааст.

И. Саидзода илова намуд, ки аз ин шумора муроҷиатҳои шахсони воқеӣ 34 адад ва муроҷиатҳои шахсони ҳуқуқӣ 4 ададро ташкил медиҳад. Ба вилоятҳои Хатлон 11, Суғд 2, шаҳри Душанбе 21 ва шаҳру ноҳияҳои тобеъ 4 муроҷиат рост меояд.

Инчунин, таъкид гардид, ки ҳамаи муроҷиатҳои шахсони воқеӣ ва ҳуқуқӣ саривақт баррасӣ гардида, Маркази миллии қонунгузорӣ дар самтҳои дигари муқаррарнамудаи қонунгузорӣ низ фаъолияти самарабахш дошта, пайваста баҳри пешбурди фаъолияти ҳуқуқэҷодкунӣ ва корҳои илмӣ тадқиқотӣ чораҳои дахлдор меандешад.

Малика МУҚАДДАМОВА, "ҶТ"