Дар Тоҷикистон 13 зан ба шавҳари собиқи худ барои нигоҳубини фарзанд алимент месупорад.

Дар ин бора имрӯз - 31 июл Барно Саидвализода, сардори Хадамоти иҷрои назди Ҳукумати Ҷумҳурии Тоҷикистон зимни нишасти хабарӣ иттилоъ дод.

- Аз ҳисоби фарзандон ба манфиати волидайн бошад, айни ҳол 54 ҳуҷҷати иҷро мавриди иҷрои маҷбурӣ қарор доранд,- гуфт сардори Хадамоти иҷро.

Ҳамчунин зикр гардид, ки аз дар ин давра аз ҷониби иҷрочиён ба манфиати модару кӯдак зиёда аз 21 млн 425 ҳазору 515 сомонӣ рӯёнида шудааст. Ин шумора нисбат ба ҳамин давраи соли гузашта 1 млн 425 ҳазору 742 сомонӣ зиёд мебошад.

Бинобар саркашӣ 418 нафар қарздорон барои саривақт напардохтани маблағи алимент ва пинҳон кардани суроғаи ҷойи зисташон мавриди ҷусуҷӯ қарор доранд.