КВД “Тоҷиксуғурта” дар соли 2024 бо шахсони ҳуқуқию воқеӣ дар маҷмуъ 356 ҳазору 731 адад шартномаҳои суғуртавӣ ба имзо расонидааст, ки нисбат ба соли гузашта зиёд аст.

Дар ин бора 3 феврал Шуҳрат Мақсудзода, директори генералии КВД “Тоҷиксуғурта” зимни нишасти матбуотӣ хабар дод.

Ҳамчунин гуфта шуд, ки аз ҳисоби шартномаҳои басташуда ба корхона ба ҷойи 36 миллиону 138 ҳазор сомонии пешбинигардида, 43 миллиону 960 ҳазор сомонӣ маблағ ворид гардид, ки нисбат ба нақша 7 миллиону 822 ҳазор сомонӣ бештар буда, иҷрои нақшаи солона 121,69 фоиз таъмин карда шуд.

-Аз шумораи умумии шартномаҳои басташуда 16 ҳазору 739 адад ба маблағи 3 миллиону 564 ҳазор сомонии маблағи умумии воридгардида ба шакли ҳатмии суғурта ва 339 ҳазору 922 адад ба маблағи 40 миллиону 396 ҳазор сомонии маблағи умумии воридгардида ба шакли ихтиёрии суғурта рост меояд, - гуфт Ш. Мақсудзода.

Наҷиба МУРОДБЕКОВА, "ҶТ"