Карим Азизов, муовини аввали директори Муассисаи давлатии «Телевизиони Сафина» зимни нишасти матбуотӣ таъкид намуд, ки пас аз ба кор шуруъ намудани шабакаи телевизионии «Варзиш» то андозае тамошобини худро аз даст додаанд.

- Аз вақте ки ТВ “Варзиш” ба кор шуруъ кард, пахши барномаҳои варзишӣ ва бозиҳои футбол дар дигар шабакаҳо манъ карда шуд. То ҳол ба мо занг зада, пурсон мешаванд, ки фалон футболро намоиш медиҳем ё не. Мо барномаҳои хуби варзишӣ доштем. Ҳоло танҳо як барномаи варзишии “Гол” дорем, ки ҳар ҳафта як бор натиҷаи бозиҳои футболи дохилию ҷаҳониро шарҳ медиҳад, - гуфт. К. Азизов.

Гуфта шуд, ки дар шаш моҳи соли ҷорӣ Идораи таҳияи филмҳо ва дубляжи ТВ “Сафина” силсилафилми бадеии “Духтарони гимнастбоз” (48 қисм), филмҳои бадеии “Коромӯз”, “Нисфи ғайриимкон” (2 қисм), “Падари кироя” (2 қисм)-ро ба тоҷикӣ тарҷума ва пешниҳоди бинандагон кардааст.