Аз тарафи Раёсати кор бо ҷавонон ва варзиши вилояти Хатлон ҳар ҳафта дар рӯзҳои истироҳатӣ ҳашарҳои дастаҷамъона дар ҳама шаҳру навоҳии вилоят гузаронида мешавад. 
        
Дар доираи ин иқдом ҳафтаи сипаришуда кормандони мактаби варзишии вилоят, Бахши кор бо ҷавонон ва варзиши шаҳри Бохтар ва Маркази фарҳангии ҷавонон дар майдони Ҷалолиддини Балхии вилоят ба ҳашар баромада, ба тоза кардани роҳравҳо, нарм кардани бехи гулу буттаҳои ороишӣ ва несту нобуд намудани ҳар гуна алафҳои бегона машғул гардиданд. 

Ба иттилои масъулин роҳандозӣ кардани чунин иқдомҳои созанда баробари тозаву назаррабо гардидани гулгашту хиёбонҳо, ҳамчунин дар замири ҷавонону наврасон ҳисси меҳнатдӯстиву зебоиро қавитар мегардонад.