Марди 34-солаи сокини шаҳри Душанбе ба ШВКД дар ноҳияи Исмоили Сомонӣ муроҷиат намудааст, ки рӯзи 1-уми апрели соли 2019 автомашинааш бенишон шудааст.

Дар ин бора тавре аз Вазорати корҳои дохилӣ ба рӯзномаи “Ҷавонони Тоҷикистон” иттилоъ доданд, тахминан соати 22:00 шахсони номаълум бо роҳи пинҳонӣ автомашинаи шахсии тамғаи “Фолксваген -Туарег”-ро, ки дар кӯчаи М.Турсунзодаи пойтахт беназорат меистод, ғайриқонунӣ рабудаанд.

Ба иттилои Вазорати корҳои дохилӣ, зимни гузаронидани чорабиниҳои оперативӣ-ҷустуҷӯӣ аз ҷониби кормандони милитсия ноболиғ, писарбачаи 17-солаи сокини кӯчаи Рӯдакӣ, хонандаи синфи 11-уми МТМУ бо гумони ғайриқонунӣ ҳай карда бурдани воситаи нақлиёт бидуни мақсади тасарруф, дастгир карда шуда, ҳодиса мавриди тафтиш қарор дорад.