Имрӯз аз ҷониби Муассисаи давлатии рӯзномаи “Ҷавонони Тоҷикистон” ба Донишгоҳи давлатии Бохтар ба номи Носири Хусрав 4 нусха китоби “Пири дилҷавон”, ки бахшида ба 90-солагии рӯзнома ба табъ расидааст, тақдим карда шуд.

Китоби мазкурро Давлатзода Сайфиддин Хайриддин, ректори донишгоҳ бо хушнудӣ қабул карда, аз ин иқдоми рӯзномаи “Ҷавонони Тоҷикистон” изҳори хушнудӣ намуда иброз дошт, ки минбаъд аз ин китоб ҳайъати устодону донишҷӯён ба хусус рӯзноманигорони оянда ба таври васеъ истифода хоҳанд кард:

- Имрӯз дар кафедраи рӯзноманигорӣ маҳфили “Рӯзноманигорони ҷавон” амал мекунад, ки мақсади асосии он баланд бардоштани сатҳи дониш, мукаммалгардонии ихтисоси касбии донишҷӯён, мусоидат намудан барои рушди ҷаҳонбинии донишҷӯён мебошад. Дар китоби "Пири дилҷавон" ки фаъолияти 90-солаи ин рӯзномаи соҳибнуфуз ҷамъ оварда шудааст, аз он донишҷӯёну омӯзгорони донишгоҳ хосатан риштаи рӯзноманигорӣ дар корҳои дипломиву мақолаҳои имлимӣ-таҳлилӣ ва рисолаҳои номзади истифода хоҳанд кард, -изҳор дошт, Давлатзода Сайфиддин.

Ёдовар мешавем, ки дар ДДБ ба номи Носири Хусрав аз соли 2000- ум дар назди факултети филологияи тоҷик кафедраи рӯзноманигорӣ фаъолият менамояд, ки дар омода намудани мутахассисони соҳа саҳми назаррас дорад.