ҶОМЕА
Ҷумъа 05 Июн 2026 04:30
Имрӯз дар доираи Конфронси байналмилалии сатҳи баланд оид ба ҳифзи пиряхҳо дар шаҳри Душанбе Форуми кӯдакон ва ҷавонон бахшида ба ҳифзи пиряхҳо (Тавонмандсозии насли оянда: садоҳо барои ҳифзи пиряхҳо ва иқдоми иқлимӣ) оғоз ёфт.
Дар ин бора аз маркази таҳлил ва иттилооти Кумитаи кор бо ҷавонон ва варзиш хабар доданд.
Бино ба иттилои манбаъ, дар форум беш аз 100 ҷавон аз Тоҷикистон ва хориҷи мамлакат дар таҳияи роҳҳои амалишавандаи ҳифзи пиряхҳо ва амалиёти иқлим иштирок доранд. Аз шумораи умумии 100 ҷавони иштироккунанда, 10 нафар намояндаи мамлакатҳое мебошанд, ки дар он ҷойҳо пиряхҳо аз тағйирёбии иқлим осебпазир ҳастанд.
Дар ҷараёни форум баён шуд, ки ҷавонони Тоҷикистон дар самти тағйирёбии иқлим аллакай фаъолияти баланд нишон медиҳанд: ташаббусҳои ҷавонон оид ба тоза кардани рӯдхонаҳо, ниҳолшинонӣ, гузаронидани машварату ҳашарҳои экологӣ ва марафон аз ин ҷумла мебошанд. Ҳамзамон аз ҷониби ҷавонон нисбат ба ташаббусҳои рақамӣ: эҷоди видеоҳои маърифатии экологӣ, маъракаҳои онлайн ва инфографика оид ба таъсири тағйирёбии иқлим таваҷҷуҳи махсус зоҳир карда мешавад.
Гуфта шуд, ки Кумитаи кор бо ҷавонон ва варзиши назди Ҳукумати Ҷумҳурии Тоҷикистон сиёсатеро, ки дар суханронӣ ва ташаббусҳои Президенти Тоҷикистон баён гардидаанд, бахусус Ташаббуси глобалӣ оид ба ҳифзи пиряхҳо фаъолона амалӣ менамояд.
“Мо ҳамасола чорабиниҳои экологӣ, лагерҳои таълимӣ, озмунҳо ва конфронсҳои мавзуӣ ташкил менамоем, ки дар онҳо ҷавонон метавонанд дониши худро дар бораи тағйирёбии иқлим амиқтар намоянд. Барои марказҳои ҷавонон ва маҳфилҳо низ адабиёти таълимию методӣ нашр карда мешавад”, - таъкид гардид дар форум.
Форуми наврасон ва ҷавонон оид ба ҳифзи пиряхҳо ва амалиёти иқлим машғулияти омӯзишӣ ва суҳбатҳои интерактивиро дар бар гирифта, дар онҳо ҷавонон бо сиёсатмадорон ба таври мустақим табодули андеша менамоянд.
Аввалин маротиба дар форум асарҳо бо технологияҳои рақамӣ ва истифодаи зеҳни сунъӣ пешниҳод шуда, порчаҳои тахайюлии наврасону ҷавонон оид ба чӣ гуна қабул намудани буҳрони иқлим пешниҳод мегарданд.
Иштирокчиёни Конфронси байналмилалии сатҳи баланд оид ба ҳифзи пиряхҳо метавонанд тавассути ин галереяи электронӣ саҳми кӯдаконро дар ҳифзи пиряхҳо бинанд ва садои онҳоро шунаванд. Ин иқдом муҳим будани ҳифзи пиряхҳоро барои кӯдакон таъкид менамояд.
“ҶТ”
Дар ин бора аз маркази таҳлил ва иттилооти Кумитаи кор бо ҷавонон ва варзиш хабар доданд.
Бино ба иттилои манбаъ, дар форум беш аз 100 ҷавон аз Тоҷикистон ва хориҷи мамлакат дар таҳияи роҳҳои амалишавандаи ҳифзи пиряхҳо ва амалиёти иқлим иштирок доранд. Аз шумораи умумии 100 ҷавони иштироккунанда, 10 нафар намояндаи мамлакатҳое мебошанд, ки дар он ҷойҳо пиряхҳо аз тағйирёбии иқлим осебпазир ҳастанд.
Дар ҷараёни форум баён шуд, ки ҷавонони Тоҷикистон дар самти тағйирёбии иқлим аллакай фаъолияти баланд нишон медиҳанд: ташаббусҳои ҷавонон оид ба тоза кардани рӯдхонаҳо, ниҳолшинонӣ, гузаронидани машварату ҳашарҳои экологӣ ва марафон аз ин ҷумла мебошанд. Ҳамзамон аз ҷониби ҷавонон нисбат ба ташаббусҳои рақамӣ: эҷоди видеоҳои маърифатии экологӣ, маъракаҳои онлайн ва инфографика оид ба таъсири тағйирёбии иқлим таваҷҷуҳи махсус зоҳир карда мешавад.
Гуфта шуд, ки Кумитаи кор бо ҷавонон ва варзиши назди Ҳукумати Ҷумҳурии Тоҷикистон сиёсатеро, ки дар суханронӣ ва ташаббусҳои Президенти Тоҷикистон баён гардидаанд, бахусус Ташаббуси глобалӣ оид ба ҳифзи пиряхҳо фаъолона амалӣ менамояд.
“Мо ҳамасола чорабиниҳои экологӣ, лагерҳои таълимӣ, озмунҳо ва конфронсҳои мавзуӣ ташкил менамоем, ки дар онҳо ҷавонон метавонанд дониши худро дар бораи тағйирёбии иқлим амиқтар намоянд. Барои марказҳои ҷавонон ва маҳфилҳо низ адабиёти таълимию методӣ нашр карда мешавад”, - таъкид гардид дар форум.
Форуми наврасон ва ҷавонон оид ба ҳифзи пиряхҳо ва амалиёти иқлим машғулияти омӯзишӣ ва суҳбатҳои интерактивиро дар бар гирифта, дар онҳо ҷавонон бо сиёсатмадорон ба таври мустақим табодули андеша менамоянд.
Аввалин маротиба дар форум асарҳо бо технологияҳои рақамӣ ва истифодаи зеҳни сунъӣ пешниҳод шуда, порчаҳои тахайюлии наврасону ҷавонон оид ба чӣ гуна қабул намудани буҳрони иқлим пешниҳод мегарданд.
Иштирокчиёни Конфронси байналмилалии сатҳи баланд оид ба ҳифзи пиряхҳо метавонанд тавассути ин галереяи электронӣ саҳми кӯдаконро дар ҳифзи пиряхҳо бинанд ва садои онҳоро шунаванд. Ин иқдом муҳим будани ҳифзи пиряхҳоро барои кӯдакон таъкид менамояд.
“ҶТ”
Хабарҳои дигар
Рӯзнома
Эзоҳи худро нависед