Кумитаи ҳифзи муҳити зисти назди Ҳукумати Ҷумҳурии Тоҷикистон барои пешгирӣ аз партовҳои сахти маишӣ шумораи камераҳои назоратиро зиёд мекунад.

Дар ин бора 30 январ зимни нишасти хабарии Кумитаи ҳифзи муҳити зист иттилоъ дода шуд.

Ба таъкиди масъулин барои пешгирӣ аз ин амали шаҳрвандон камераҳои назоратӣ аллакай дар Душанбе насбгардида ба 50 адад мерасад. Ин камераҳо натанҳо чеҳраи қонуншиканон, балки рақами автомобилҳое, ки партовҳои сахтро мепартоянд, муайян мекунад. Ин иқдом қарор аст дар шаҳру ноҳияҳои дигари кишвар ҳам ба роҳ монда шавад.

Бино ба маълумотҳо шаҳру ноҳияҳое, ки партовҳои сахти маишӣ бештар он ҷо мушоҳида мегардад, ин шаҳрҳои Ваҳдат ва Ҳисор ва ноҳияи Ёвон мебошанд.

Яҳё МАҲМАДНАБИЕВ, “ҶТ”