Дар ноҳияи Балҷувони вилояти Хатлон миёни ташкилоту муассисаҳо тенниси рӯи мизӣ гузаронида шуд.

Дар ин бора Бахши кор бо ҷавонон ва варзиши ноҳияи Балҷувон хабар медиҳад.

Зикр мегардад, ки чунин мусобиқаҳо дар асоси нақшаи чорабиниҳои тасдиқнамудаи мақомоти иҷроияи ҳокимияти давлатии ноҳия ва Кумитаи кор бо ҷавонон ва варзиши назди Ҳукумати Ҷумҳурии Тоҷикистон баргузор гардида истодааст.

Манбаъ зикр менамояд, ки масъулин ва мураббиёни Муассисаи давлатии мактаби варзишии ноҳия ҳамарӯза мусобиқаҳои варзиширо, дар сатҳи баланд роҳандозӣ менамоянд.

Гуфта мешавад, ки чунин мусобиқаҳо дар ноҳия баҳри иҷрои саривақтии дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, доир ба омавигардонии варзиш ва тарзи ҳаёти солим ба роҳ монда шудааст.