12 сентябри соли 2024 Сироҷиддин Муҳриддин, вазири корҳои хориҷии Ҷумҳурии Тоҷикистон Тариқ Алӣ Бахит муовини дабири кулли Созмони ҳамкории исломӣ (СҲИ) оид ба масъалаҳои башардӯстона, фарҳангӣ ва иҷтимоӣ, ҳамзамон фиристодаи махсуси ин Созмон оид ба Афғонистонро ба ҳузур пазируфт.

Дар ин бора Вазорати корҳои хориҷии Тоҷикистон иттилоъ медиҳад.

Гуфта мешавад, ҷонибҳо зимни мулоқот масъалаҳои мубрами ҳамкорӣ миёни Тоҷикистон ва Созмони ҳамкории исломӣ, инчунин дурнамои роҳандозии иқдомҳои якҷояро мавриди муқокима қарор додаанд.

Ёдовар мешавем, ки рӯзҳои 12-13 сентябри соли 2024 дар шаҳри Душанбе Конфронси байналмилалии муштараки Ҷумҳурии Тоҷикистон ва СҲИ зери унвони “Нақши олимон ва донишмандони тоҷик дар ташаккули фарҳанг ва тамаддуни исломӣ” баргузор гардида буд.