Дар доираи нақшаи чорабиниҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ноҳияи Ҷаббор Расулов ба истиқболи 33-солагии Истиқлоли давлатӣ мулоқоту вохӯриҳо бо сокинони ҷамоати деҳоти Меҳрободи ноҳия баргузор шуд.

Нахуст масъулини Кумитаи кор бо ҷавонон ва варзиш аз дастовардҳои ҷавонон дар солҳои соҳибистиқлолии кишвар ёдовар карда, иброз доштанд, ки бо таваҷҷуҳи хосса ва ғамхориҳои ҳамешагии Пешвои миллат муҳтарам Эмомалӣ Раҳмон барои ҷавонон шароити созгори илму донишомӯзӣ фароҳам оварда шудааст.

Гуфта шуд, ки ҷавонон бояд бо истифода аз имкониятҳо соҳибдониш шаванду бо фаъолияти пурсамар дар соҳаи хеш саҳмгузори рушди ватан бошанд.