Дар шаҳри Кӯлоб аз тарафи ташкилоти ибтидоии ҳизбии “Чаманзор”-и Кумитаи иҷроияи ҲХДТ доир ба ҳифзи либоси миллӣ вохӯрӣ доир гардид. 

Зимни вохӯрӣ қайд гардид, ки либоси миллӣ як рукни фарҳанги миллат ба шумор рафта, ёдгоре аз гузаштагон аст, ки дар тӯли қарнҳо зебоиашро гум накардааст ва минбаъд низ гум нахоҳад кард. Солҳои охир таваҷҷуҳи роҳбарияти мамлакат ба эҳёи ҳунарҳои мардумӣ, ташвиқу тарғиби либоси миллӣ зиёд гардидаааст.

Дар охир аз иштирокчиён даъват ба амал оварда шуд, модоме, ки либоси миллии мо нишон аз фарҳанги мост, пас моро зарур аст, ки фарҳанги худро бо тақлидҳои бегона олуда насозем. Вазифаи мо ин аст, ки онро ҳифз намоему ба наслҳои оянда мерос гузорем.