Имрӯз дар нишасти матбуотии Кумитаи хоҷагии манзилию коммуналӣ гуфта шуд, ки соли гузашта ба истифодабарандагон ба маблағи 245 млн 495,3 ҳазор сомонӣ хизматҳои гуногуни коммуналӣ расонида шудааст.

Ин нуктаро Достизода Абдулазиз, муовини якуми раиси Кумитаи мазкур баён дошта, ҳамчунин таъкид намуд, ки ин шумора нисбат ба соли 2023 37 млн 623 ҳазор сомонӣ зиёд мебошад.

Инчунин, соли гузашта Кумита дар шаҳру ноҳияҳои кишвар ба истифодабарандагон таъминоти оби нӯшокиро дар ҳаҷми 78 млн 740 ҳазор метри мукааб таъмин намуда, хизматрасониҳои обҳои партобро ба андозаи 21 млн 709 метри мукааб иҷро намудааст, ки 105 фоизи иҷроиши нақшаро ташкил медиҳад.

Гулафшон КАРИМОВА, “ҶТ”