ҶОМЕА
Якшанбе 07 Июн 2026 05:36
Имрӯз, 7 август, дар Китобхонаи миллии Тоҷикистон бахшида ба 25-солагии Истиқлолияти давлатии Тоҷикистон ва “Ҳафтаи китоб” конфроси илмӣ-оммавӣ таҳти унвони “Истиқлолият ва рушди матбуоти миллӣ” баргузор гардид.
Муҳаммадиқбол Атоев, мудираи шуъбаи матбуоти даврии Китобхонаи миллӣ иброз дошт, ки Истиқлолияти давлатӣ саодати ҷовидона аст, ки дар масири ҳазорсолаи таърих ба насли имрӯзаи тоҷик насиб гардид ва мо бояд ба қадри ин неъмати бебаҳо расем ва шукрона намоем. “Матбуот ҳамчун як рукни муҳими сиёсӣ ва маънавии ҷомеа дар таҳкими асолати миллӣ, давлатдорӣ, худшиносии комил, ҷаҳонбинӣ ва завқи мардум, пойдории адолату воқеияти рӯзгор нақши муассир дорад. Вай рисолати худро бобати расонидани иттилооти воқеӣ, ташаккули афкори созанда, тарбияи насли солиму хештаншинос бо муваффақият адо намуда, дар таҳкими ҷомеаи мутамаддин ва пешрафти давлати соҳибистиқлоламон саҳми амиқ ва шоиста мегузорад. Матбуоти тоҷик дар ҳамбастагӣ бо арзишҳои маънавии миллиамон - забон, адабиёт, оину фарҳанг ташаккул ва рушд ёфтааст. Матбуотро метавон як пораи таърихи миллат номид. Аз ин маънӣ рӯзномаҳое чун «Бухорои шариф», «Овози тоҷик», «Шӯълаи инқилоб» дар саргаҳи омӯзиши таърихшиносон қарор гирифтаву дар шинохти саҳифаҳои норавшани таърихи халқамон нақши муҳим гузоштаанд”.
Сайёфи Мизроб, сардабири ҳафтаномаи “СССР” дар баромадаш гуфт, дар рушду такомули матбуоти тоҷик қаҳрамонони Тоҷикистон Бобоҷон Ғафуров, Садриддин Айнӣ, Мирзо Турсунзода, устодони сухан Абулқосим Лоҳутӣ, Беҳбудӣ, Мунзим, Суҳайлӣ Ҷавҳаризода, Баҳриддин Азизӣ ва дигар маорифпарварону зиёиёни бонангу номус, ки ҳимояи манфиатҳои милливу ҷомеа ҳадафи сухани созандаашон буд, саҳми бузург гузоштаанд. Ин аст, ки насли имрӯз хотираи ин зиёиёни асил, мардони шарифро пос медоранд ва анъанаҳои неки устодонро идома медиҳанд. Аҳли қалами ҷумҳурӣ дар ҳифзи сохти конститутсионӣ, таъмини ваҳдати миллӣ ва якпорчагии мамлакат бо мавқеи пойдор ва сухани созанда саҳм гирифтанд. Инъикоси воқеъбинонаи ҷараёни ваҳдати миллӣ ва Истиқлолияти давлатӣ яке аз хизматҳои шоёни аҳли матбуоти кишвар аст. Истиқлолият дар рушду таҳкими воситаҳои ахбори омма, ошкорбаёниву озодандешӣ мусоидат намуд.
- Вазъи ҷаҳони муосир тақозо дорад, ки ҳамаи мо новобаста аз самти фаъолияти касбиамон ба хотири таҳкими дастовардҳои Истиқлолияти давлатӣ, амнияту осоиштагӣ, пойдории давлату ҷомеа масъулияти бештар эҳсос намоем, - афзуд С. Мизроб. - Манфиати миллӣ ва давлатиро аз манофеи шахсии худ боло гузорем, пеши роҳи амалҳои номатлуб - ифротгароӣ, фасодкорӣ, гаравидан ба ҳизбу ҳаракатҳои ғайриқонунӣ ва экстремистию диниро бигирем. Имрӯз дар матбуоти даврӣ масъалаҳои муҳими сиёсӣ, иҷтимоӣ, иқтисодӣ баррасию муҳокима мегарданд.
Зикр гардид, ки Президенти Ҷумҳурии Тоҷикистон, муҳтарам Эмомалӣ Раҳмон ба нақши матбуот дар ҷомеаи муосир баҳои арзанда дода, таъкид намудаанд: «Манфиатҳои миллӣ тақозо менамояд, ки воситаҳои ахбори омма на танҳо дастгоҳи тавонои хабарӣ бояд бошад, балки дар муборизаи иттилоотӣ чун сипари давлат хизмат кунад, ба хабару мақолаҳои таҳрифӣ ҷавобҳои сазовор дода, ба суботи ҷомеа мусоидат намояд ва эътимоди мардумро ба фардои нек мустаҳкам созад».
Сипас, Қироншоҳ Шарифзода, устоди Донишгоҳи миллӣ, Далер Мерганов, муовини сардабири рӯзномаи “Садои мардум” вобаста ба Истиқлолияти давлатии Тоҷикистон ва рушди матбуоти миллӣ дар 25 соли Истиқлолият сухан карда, зикр намуданд, ки рисолати матбуот аслан аз ин ҷанба маншаъ мегирад ва баробари расонидани иттилооти амиқ ва инъикоси воқеъбинонаи воқеоти ҳаёт дар таҳкими завқи зебоипарастӣ, баланд бардоштани сатҳи маънавиёт ва маърифати ҷомеа, тарбияи насли наврас дар рӯҳияи инсондӯстӣ, меҳанпарастӣ, худшиносии миллӣ ва ахлоқи ҳамида нақш дорад. Аз ин рӯ, бояд кормандони воситаҳои ахбори омма дониш ва маҳорати баланди касбӣ, огаҳии комил аз вазъи сиёсӣ, иқтисодӣ ва иҷтимоӣ дошта бошанд, ба аҳли ҷомеа матолиби дорои таҳлили амиқ ва тафсири беғаразро бо далелу арқоми муътамад пешниҳод намоянд. Мардум ба матбуот бо умеду боварӣ менигаранд ва дар симои журналистон ашхоси ҳақгӯву ҳақталош, такягоҳ ва пуштибони худро мебинанд.
Дар фарҷом байни иштирокдорон музокирот ва саволу ҷавоб оид ба рушд ва проблемаҳои матбуоти миллӣ дар даврони Истиқлолият сурат гирифт.
Муҳаммадиқбол Атоев, мудираи шуъбаи матбуоти даврии Китобхонаи миллӣ иброз дошт, ки Истиқлолияти давлатӣ саодати ҷовидона аст, ки дар масири ҳазорсолаи таърих ба насли имрӯзаи тоҷик насиб гардид ва мо бояд ба қадри ин неъмати бебаҳо расем ва шукрона намоем. “Матбуот ҳамчун як рукни муҳими сиёсӣ ва маънавии ҷомеа дар таҳкими асолати миллӣ, давлатдорӣ, худшиносии комил, ҷаҳонбинӣ ва завқи мардум, пойдории адолату воқеияти рӯзгор нақши муассир дорад. Вай рисолати худро бобати расонидани иттилооти воқеӣ, ташаккули афкори созанда, тарбияи насли солиму хештаншинос бо муваффақият адо намуда, дар таҳкими ҷомеаи мутамаддин ва пешрафти давлати соҳибистиқлоламон саҳми амиқ ва шоиста мегузорад. Матбуоти тоҷик дар ҳамбастагӣ бо арзишҳои маънавии миллиамон - забон, адабиёт, оину фарҳанг ташаккул ва рушд ёфтааст. Матбуотро метавон як пораи таърихи миллат номид. Аз ин маънӣ рӯзномаҳое чун «Бухорои шариф», «Овози тоҷик», «Шӯълаи инқилоб» дар саргаҳи омӯзиши таърихшиносон қарор гирифтаву дар шинохти саҳифаҳои норавшани таърихи халқамон нақши муҳим гузоштаанд”.
Сайёфи Мизроб, сардабири ҳафтаномаи “СССР” дар баромадаш гуфт, дар рушду такомули матбуоти тоҷик қаҳрамонони Тоҷикистон Бобоҷон Ғафуров, Садриддин Айнӣ, Мирзо Турсунзода, устодони сухан Абулқосим Лоҳутӣ, Беҳбудӣ, Мунзим, Суҳайлӣ Ҷавҳаризода, Баҳриддин Азизӣ ва дигар маорифпарварону зиёиёни бонангу номус, ки ҳимояи манфиатҳои милливу ҷомеа ҳадафи сухани созандаашон буд, саҳми бузург гузоштаанд. Ин аст, ки насли имрӯз хотираи ин зиёиёни асил, мардони шарифро пос медоранд ва анъанаҳои неки устодонро идома медиҳанд. Аҳли қалами ҷумҳурӣ дар ҳифзи сохти конститутсионӣ, таъмини ваҳдати миллӣ ва якпорчагии мамлакат бо мавқеи пойдор ва сухани созанда саҳм гирифтанд. Инъикоси воқеъбинонаи ҷараёни ваҳдати миллӣ ва Истиқлолияти давлатӣ яке аз хизматҳои шоёни аҳли матбуоти кишвар аст. Истиқлолият дар рушду таҳкими воситаҳои ахбори омма, ошкорбаёниву озодандешӣ мусоидат намуд.
- Вазъи ҷаҳони муосир тақозо дорад, ки ҳамаи мо новобаста аз самти фаъолияти касбиамон ба хотири таҳкими дастовардҳои Истиқлолияти давлатӣ, амнияту осоиштагӣ, пойдории давлату ҷомеа масъулияти бештар эҳсос намоем, - афзуд С. Мизроб. - Манфиати миллӣ ва давлатиро аз манофеи шахсии худ боло гузорем, пеши роҳи амалҳои номатлуб - ифротгароӣ, фасодкорӣ, гаравидан ба ҳизбу ҳаракатҳои ғайриқонунӣ ва экстремистию диниро бигирем. Имрӯз дар матбуоти даврӣ масъалаҳои муҳими сиёсӣ, иҷтимоӣ, иқтисодӣ баррасию муҳокима мегарданд.
Зикр гардид, ки Президенти Ҷумҳурии Тоҷикистон, муҳтарам Эмомалӣ Раҳмон ба нақши матбуот дар ҷомеаи муосир баҳои арзанда дода, таъкид намудаанд: «Манфиатҳои миллӣ тақозо менамояд, ки воситаҳои ахбори омма на танҳо дастгоҳи тавонои хабарӣ бояд бошад, балки дар муборизаи иттилоотӣ чун сипари давлат хизмат кунад, ба хабару мақолаҳои таҳрифӣ ҷавобҳои сазовор дода, ба суботи ҷомеа мусоидат намояд ва эътимоди мардумро ба фардои нек мустаҳкам созад».
Сипас, Қироншоҳ Шарифзода, устоди Донишгоҳи миллӣ, Далер Мерганов, муовини сардабири рӯзномаи “Садои мардум” вобаста ба Истиқлолияти давлатии Тоҷикистон ва рушди матбуоти миллӣ дар 25 соли Истиқлолият сухан карда, зикр намуданд, ки рисолати матбуот аслан аз ин ҷанба маншаъ мегирад ва баробари расонидани иттилооти амиқ ва инъикоси воқеъбинонаи воқеоти ҳаёт дар таҳкими завқи зебоипарастӣ, баланд бардоштани сатҳи маънавиёт ва маърифати ҷомеа, тарбияи насли наврас дар рӯҳияи инсондӯстӣ, меҳанпарастӣ, худшиносии миллӣ ва ахлоқи ҳамида нақш дорад. Аз ин рӯ, бояд кормандони воситаҳои ахбори омма дониш ва маҳорати баланди касбӣ, огаҳии комил аз вазъи сиёсӣ, иқтисодӣ ва иҷтимоӣ дошта бошанд, ба аҳли ҷомеа матолиби дорои таҳлили амиқ ва тафсири беғаразро бо далелу арқоми муътамад пешниҳод намоянд. Мардум ба матбуот бо умеду боварӣ менигаранд ва дар симои журналистон ашхоси ҳақгӯву ҳақталош, такягоҳ ва пуштибони худро мебинанд.
Дар фарҷом байни иштирокдорон музокирот ва саволу ҷавоб оид ба рушд ва проблемаҳои матбуоти миллӣ дар даврони Истиқлолият сурат гирифт.
Хабарҳои дигар
Рӯзнома
Эзоҳи худро нависед