Роҳбарияти Федератсияи футзали Тоҷикистон футзалбозони Тоҷикистонро ба Ҷоми ҷаҳон-2024 гусел намуданд, иттилоъ медиҳад ФФТ.

Мунтахаби Тоҷикистон дар гурӯҳи “Е” дар мусобиқаи қаҳрамонии ҷаҳон оид ба футзал-2024 баромад мекунад. Мусобиқаи мазкур аз 14 сентябр то 6 октябр дар Узбекистон баргузор хоҳад шуд.

Тибқи иттилоъ, мунтахабҳои Марокаш (16 сентябр), Португалия (19 сентябр) ва Панама (22 сентябр) ҳарифони яккачини Тоҷикистон мебошанд.

Бозиҳои аввали мунтахаби Тоҷикистон дар Тошканд ва вохӯрии сеюм дар Бухоро доир мегарданд.