ҶОМЕА
Якшанбе 07 Июн 2026 01:59
6-уми апрел дар меҳмонхонаи “Hayatt Regency”-и шаҳри Душанбе Форуми Шурои олимпии Осиё ва ҳамбастагии олимпӣ доир гардид, ки дар он зиёда аз 22 намояндаи давлати Осиёи Марказӣ ва Ғарбӣ иштирок намуданд.
Дар оғози Форум миёни Кумитаи миллии олимпии Тоҷикистон ва Кумитаи миллии олимпии Ҷумҳурии Исломии Эрон бо мақсади инкишоф додани ҳамкории самарабахш ва пеш бурдани Ҳаракати олимпӣ Ёддошти тафоҳуми ҳамкорӣ барои давраи то соли 2028 ба имзо расид.
Ёддошти тафоҳум аз ҷониби ноиби аввали Кумитаи миллии олимпии Тоҷикистон – Зулфиқор Гулаҳмадзода ва котиби генералии Кумитаи миллии олимпии Ҷумҳурии Исломии Эрон Маҳдӣ Алинаҷод ба имзо расонида шуда, дар доираи он ҳарду ҷониб чорабиниҳои дуҷониба, ҷамъомадҳои машқӣ-таълимӣ барои варзишгарон, инчунин, барномаҳои маркетингӣ ташкил намуда, варзиш, Ҳаракати олимпӣ, идеяи бозии одилонаро тарғиб мекунанд ва рушди фаъолияти варзиширо барои ҳама дастгирӣ менамоянд.
Сипас, зимни Форум Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон суханронӣ намуда, нахуст меҳмононро аз номи Президенти Кумитаи миллии олимпии Тоҷикистон, Президенти Ҷумҳурии Тоҷикистон муҳтарам Эмомалӣ Раҳмон ва аз номи варзишгарон ба сарзамини биҳиштосо ва меҳмондӯсти Тоҷикистон хушомадед гуфт.
Раиси Кумита зимни суханронӣ зикр кард: “Барои мо шарафи бузург аст, ки мизбони Форуми Шурои олимпии Осиё ва ҳамбастагии олимпӣ мебошем. Кумитаи миллии олимпии Тоҷикистон аз рӯзи таъсисёбӣ бо ҳадафмандӣ барои рушду таҳкими фарҳанги ҷисмонӣ ба варзиш, тарғиби арзишҳои олимпӣ ва беҳтарсозии зерсохтори варзишии кишвар талош менамояд.
Гуфта шуд, ки варзишгарони тоҷик, ки бо заҳмат ва меҳнати худ дар арсаи байналмилалӣ дастовардҳои шоён ба даст меёранд, мояи ифтихори миллат ва намунаи ибрат барои ҳар як ҷавони кишвар мебошад. Дар солҳои охир Тоҷикистон ба як минбари муҳим барои баргузории мусобиқаҳои байналмилалии сатҳи баланд табдил ёфтааст.
“Аз ҷумла, дар давлати мо Гран-слам ва Гран - прии ҷаҳонӣ оид ба дзюдо, Чемпионати ҷаҳон байни наврасон ва ҷавонон оид ба дзюдо, Чемпионати Осиё оид ба бокс, Чемпионати Осиё оид ба гӯштингирӣ, Чемпионати ҷаҳон оид ба кураш, бозиҳои интихоботии “Ҷоми ҷаҳон оид ба велосипедронии кӯҳӣ”, инчунин, мусобиқаҳои байналмилалӣ оид ба гӯштини тарзи озод ва юнону румӣ, варзиши сабук, таэквондо, самбо ва дигар намудҳои варзиш баргузор гардидаанд. Ин чорабиниҳо ба як ҷашни воқеии варзиш табдил ёфта, собит сохтанд, ки Тоҷикистон омода ва қобили баргузории мусобиқаҳои ҷаҳонӣ мебошад”, - афзуд, Зулфиқор Гулаҳмадзода.
Таъкид гардид, ки Тоҷикистон ҷонибдори рушди солим ва устувори варзиш дар арсаи байналмилалӣ мебошад ва барои рушди ҳама намудҳои варзиш омодаи ҳамкорӣ мебошад.
Дар охир раиси Кумита ба ҳамаи меҳмонон ва иштирокчиёни Форум барору комёбӣ таманно намуд.
НИШАСТИ МАТБУОТӢ БО ИШТИРОКИ НАМОЯНДАГОНИ КУМИТАҲОИ МИЛЛИИ ОЛИМПИИ ОСИЁИ МАРКАЗӢ ВА ҒАРБ
Дар нимаи дуюми рӯзи 6 - уми апрел дар Академияи идоракунии давлатии назди Президенти Ҷумҳурии Тоҷикистон нишасти матбуотӣ бо иштироки намояндагони кумитаҳои миллии олимпии Осиёи Марказӣ ва Ғарб бо рӯзноманигорони ҷавон доир гардид.
Дар нишасти матбуотӣ қаҳрамони Бозиҳои олимпӣ, ноиби Президенти Кумитаи миллии олимпии Тоҷикистон Дилшод Назаров, намояндаи Шурои олимпии Осиё Висан Туркманӣ, намояндаи дигари Шурои олимпии Осиё Ҷин ва намояндаи шаҳри Аҷина Бояи кишвари Ҷопон Фуниҳито Кана Сука иштирок намуданд.
Зимни он ҷиҳати баланд бардоштани сатҳи касбияти рӯзноманигорони ҷавон барои инъикоси намудҳои варзиши олимпӣ дар сатҳи байналмилалӣ намояндагони кумитаҳои миллии олимпии Осиёи Марказӣ ва Ғарб бо маърӯза баромад намуданд.
Зимни нишасти мазкур ҳамзамон озмун байни рассомони ҷавони то 13 – сола, ки дар ҳошияи Форуми мазкур гузаронида шудаву дар доираи он иштирокчиён дар бораи қаҳрамонони дӯстдоштаи худ дар соҳаи варзиш расм кашида буданд, аз миёни ҷавонписарон ва духтарони иштирокчӣ 4 нафар беҳтаринҳо интихоб гардиданд ва онҳо бо сертификат ва туҳфаҳои хотиравӣ қадрдонӣ шуданд.
Инчунин, дар нишасти мазкур барои рӯзноманигорони ҷавон як озмуни дигар доир гардид, ки дар рафти он иштирокчиён вобаста ба соҳаи варзиш маводҳо иншо намуданд.
Дар охир рӯзноманигорони ҷавон ба меҳмонон саволҳои худро пешниҳод намудаву ба онҳо посухҳои мушаххас гирифтанд.
Малика МУҚАДАМОВА, “ҶТ”
Дар оғози Форум миёни Кумитаи миллии олимпии Тоҷикистон ва Кумитаи миллии олимпии Ҷумҳурии Исломии Эрон бо мақсади инкишоф додани ҳамкории самарабахш ва пеш бурдани Ҳаракати олимпӣ Ёддошти тафоҳуми ҳамкорӣ барои давраи то соли 2028 ба имзо расид.
Ёддошти тафоҳум аз ҷониби ноиби аввали Кумитаи миллии олимпии Тоҷикистон – Зулфиқор Гулаҳмадзода ва котиби генералии Кумитаи миллии олимпии Ҷумҳурии Исломии Эрон Маҳдӣ Алинаҷод ба имзо расонида шуда, дар доираи он ҳарду ҷониб чорабиниҳои дуҷониба, ҷамъомадҳои машқӣ-таълимӣ барои варзишгарон, инчунин, барномаҳои маркетингӣ ташкил намуда, варзиш, Ҳаракати олимпӣ, идеяи бозии одилонаро тарғиб мекунанд ва рушди фаъолияти варзиширо барои ҳама дастгирӣ менамоянд.
Сипас, зимни Форум Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон суханронӣ намуда, нахуст меҳмононро аз номи Президенти Кумитаи миллии олимпии Тоҷикистон, Президенти Ҷумҳурии Тоҷикистон муҳтарам Эмомалӣ Раҳмон ва аз номи варзишгарон ба сарзамини биҳиштосо ва меҳмондӯсти Тоҷикистон хушомадед гуфт.
Раиси Кумита зимни суханронӣ зикр кард: “Барои мо шарафи бузург аст, ки мизбони Форуми Шурои олимпии Осиё ва ҳамбастагии олимпӣ мебошем. Кумитаи миллии олимпии Тоҷикистон аз рӯзи таъсисёбӣ бо ҳадафмандӣ барои рушду таҳкими фарҳанги ҷисмонӣ ба варзиш, тарғиби арзишҳои олимпӣ ва беҳтарсозии зерсохтори варзишии кишвар талош менамояд.
Гуфта шуд, ки варзишгарони тоҷик, ки бо заҳмат ва меҳнати худ дар арсаи байналмилалӣ дастовардҳои шоён ба даст меёранд, мояи ифтихори миллат ва намунаи ибрат барои ҳар як ҷавони кишвар мебошад. Дар солҳои охир Тоҷикистон ба як минбари муҳим барои баргузории мусобиқаҳои байналмилалии сатҳи баланд табдил ёфтааст.
“Аз ҷумла, дар давлати мо Гран-слам ва Гран - прии ҷаҳонӣ оид ба дзюдо, Чемпионати ҷаҳон байни наврасон ва ҷавонон оид ба дзюдо, Чемпионати Осиё оид ба бокс, Чемпионати Осиё оид ба гӯштингирӣ, Чемпионати ҷаҳон оид ба кураш, бозиҳои интихоботии “Ҷоми ҷаҳон оид ба велосипедронии кӯҳӣ”, инчунин, мусобиқаҳои байналмилалӣ оид ба гӯштини тарзи озод ва юнону румӣ, варзиши сабук, таэквондо, самбо ва дигар намудҳои варзиш баргузор гардидаанд. Ин чорабиниҳо ба як ҷашни воқеии варзиш табдил ёфта, собит сохтанд, ки Тоҷикистон омода ва қобили баргузории мусобиқаҳои ҷаҳонӣ мебошад”, - афзуд, Зулфиқор Гулаҳмадзода.
Таъкид гардид, ки Тоҷикистон ҷонибдори рушди солим ва устувори варзиш дар арсаи байналмилалӣ мебошад ва барои рушди ҳама намудҳои варзиш омодаи ҳамкорӣ мебошад.
Дар охир раиси Кумита ба ҳамаи меҳмонон ва иштирокчиёни Форум барору комёбӣ таманно намуд.
НИШАСТИ МАТБУОТӢ БО ИШТИРОКИ НАМОЯНДАГОНИ КУМИТАҲОИ МИЛЛИИ ОЛИМПИИ ОСИЁИ МАРКАЗӢ ВА ҒАРБ
Дар нимаи дуюми рӯзи 6 - уми апрел дар Академияи идоракунии давлатии назди Президенти Ҷумҳурии Тоҷикистон нишасти матбуотӣ бо иштироки намояндагони кумитаҳои миллии олимпии Осиёи Марказӣ ва Ғарб бо рӯзноманигорони ҷавон доир гардид.
Дар нишасти матбуотӣ қаҳрамони Бозиҳои олимпӣ, ноиби Президенти Кумитаи миллии олимпии Тоҷикистон Дилшод Назаров, намояндаи Шурои олимпии Осиё Висан Туркманӣ, намояндаи дигари Шурои олимпии Осиё Ҷин ва намояндаи шаҳри Аҷина Бояи кишвари Ҷопон Фуниҳито Кана Сука иштирок намуданд.
Зимни он ҷиҳати баланд бардоштани сатҳи касбияти рӯзноманигорони ҷавон барои инъикоси намудҳои варзиши олимпӣ дар сатҳи байналмилалӣ намояндагони кумитаҳои миллии олимпии Осиёи Марказӣ ва Ғарб бо маърӯза баромад намуданд.
Зимни нишасти мазкур ҳамзамон озмун байни рассомони ҷавони то 13 – сола, ки дар ҳошияи Форуми мазкур гузаронида шудаву дар доираи он иштирокчиён дар бораи қаҳрамонони дӯстдоштаи худ дар соҳаи варзиш расм кашида буданд, аз миёни ҷавонписарон ва духтарони иштирокчӣ 4 нафар беҳтаринҳо интихоб гардиданд ва онҳо бо сертификат ва туҳфаҳои хотиравӣ қадрдонӣ шуданд.
Инчунин, дар нишасти мазкур барои рӯзноманигорони ҷавон як озмуни дигар доир гардид, ки дар рафти он иштирокчиён вобаста ба соҳаи варзиш маводҳо иншо намуданд.
Дар охир рӯзноманигорони ҷавон ба меҳмонон саволҳои худро пешниҳод намудаву ба онҳо посухҳои мушаххас гирифтанд.
Малика МУҚАДАМОВА, “ҶТ”
Хабарҳои дигар
Рӯзнома
Эзоҳи худро нависед