Аз ҳисоби роҳандозӣ гардидани низоми автоматикунонидашудаи ҳисобкунакҳои барқӣ дар шаҳри Душанбе талафоти қувваи барқ нисбат ба солҳои қаблӣ аз 27 то 7 фоиз коҳиш ёфта, ҷамъоварии маблағи ҳаққи хизматрасонии он, ки пурра тариқи ғайринақдӣ ба роҳ монда шудааст, то 99 фоиз таъмин карда шудааст.

Дар ин бора 25 июл муовини раиси шаҳри Душанбе Б. М. Шарифӣ зимни нишасти матбуотӣ хабар дод.

Инчунин, дар нишаст иттилоъ дода шуд, ки дар моҳҳои январ-июли соли 2025 истеҳсоли энергияи барқ беш аз 756 миллион кВт соатро ташкил додааст.

Дар давраи ҳисоботӣ аз тарафи филиали ҶСК “Шабакаҳои тақсимоти барқ” дар шаҳри Душанбе дар маҷмӯъ ба миқдори 2,3 миллиард кВт соат энергияи барқ қабул гардидааст, ки нисбат ба ҳамин давраи соли гузашта 260 миллион кВт соат зиёд мебошад.

Я. МАҲМАДНАБИЕВ, “ҶТ”