Имрӯз-7 август дар нишасти хабарии Вазорати адлия иттилоъ дода шуд, ки давоми шаш моҳи соли равон шумораи фарзандхонӣ 730 нафарро ташкил медиҳад, ин шумора нисбат ба ҳамин давраи соли гузашта 18 нафар кам аст.

Музаффар Ашуриён, вазири адлияи кишвар дар идома таъкид кард, ки шахсони хориҷӣ наметавонанд кӯдакони кишварро ба фарзандхонӣ гиранд, зеро қонун чунин маҳдудиятҳоро муқаррар кардааст.

Ҳамзамон, зикр гардид давоми шаш моҳ 117 ҳазору 932 адад сабти таваллуд ба қайд гирифта шуда, нисбат ба ҳамин давраи соли қабл 3 фоиз зиёд аст.

Гулафшон КАРИМОВА, “ҶТ”