Вазири маориф ва илми Ҷумҳурии Тоҷикистон Раҳим Саидзода гуфт, ки сифати таҳсилот дар муассисаҳои таҳсилоти умумӣ дар нимсолаи дуюми соли таҳсили 2024-2025 ба 37,5 фоиз баробар мебошад, ки нисбат ба нимсолаи якум 2,4 фоиз баланд гардидааст.

Ин нуктаро вазир имрӯз - 28 июл зимни нишасти хабарии ин ниҳод зикр намуда, ҳамчунин гуфт, ки ин натиҷаро мониторинги гурӯҳҳои идоракунии сифати таҳсилот дар муассисаҳои таҳсилоти умумӣ муайян намудааст.

- Дар ҳамин давра азхудкунии барномаҳои таълимӣ ба 94,4 фоиз баробар мебошад, ки ин адад низ нисбат ба нимсолаи аввали соли таҳсили 2024-2025 1,3 фоиз баланд гардидааст- гуфт Раҳим Саидзода.

Ҳамчунин, гуфта шуд, ки дар давраи ҳисоботӣ Стратегияи миллии арзёбии сифати таҳсилот дар Ҷумҳурии Тоҷикистон барои давраи то соли 2044 ва Нақшаи амали он барои солҳои 2025- 2027 таҳия ва тасдиқ гардидааст.

Сайёраи ҚИЁМИДДИН, “ҶТ”