Дар ноҳияи Шуғнон дар доираи нақшаи чорабиниҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба 33-солагии Истиқлоли давлатӣ бо сокинон ва наврасони ноҳия мулоқоту вохӯриҳо доир гардид.

Масъулин зимни вохӯриҳо нахуст аз пешравиҳо ва ободкориҳои даврони Истиқлол хотирррасон шуданд.

Таъкид гардид, ки дар зарфи 33 соли Истиқлоли давлатӣ Тоҷикистон ба дастовардҳои беназир дар тамоми самтҳо ноил гардид. Хурсандиовар аст, ки имрӯз дар арсаи ҷаҳонӣ кишвари моро ҳамчун ҷузъи ҷомеаи ҷаҳонӣ мешиносанду ташаббусҳои байналмилалии онро эътироф менамоянд. Ин ҳама ободкориҳое, ки дар кишвар бо талошҳои Президенти кишвар муҳтарам Эмомалӣ Раҳмон шуда истодааст, бояд ба қадри он расему бо фаъолияти созанда саҳми худро дар рушди меҳан гузорем.