ҶОМЕА
Шанбе 25 Май 2024 09:34
10092
Имрӯз Президенти мамлакат муҳтарам Эмомалӣ Раҳмон ҳамроҳи раиси шаҳри Душанбе муҳтарам Рустами Эмомалӣ пас аз шиносоӣ бо лоиҳаи сохтмони бинои нави Вазорати фарҳанг барои бунёди бинои нави Вазорати саноат ва технологияҳои нави Ҷумҳурии Тоҷикистон дар хиёбони Рӯдакии ноҳияи Шоҳмансури пойтахт санги асос гузоштанд.

Тавре Хадамоти матбуоти Президент иттилоъ медиҳад бинои нави Вазорати саноат ва технологияҳои нав аз 16 ошёна ва таҳхона иборат буда, дорои 14 маҷлисгоҳ, толори барҳаво бо 500 ҷойи нишаст ва ошхона барои 200 нафар мебошад.

Пешвои миллат ба масъулини дахлдори соҳа супориш доданд, ки иншооти навро бо назардошти сохти меъмории замонавӣ, босифат, мусоид барои кору хизматрасонӣ ва дар муҳлати муайяншуда сохта ба истифода диҳанд.

Дар бинои нав тамоми кормандони Вазорати саноат ва технологияҳои нави Ҷумҳурии Тоҷикистон дар як ҷой муттаҳид ва пешбурди фаъолиятро дар шароити сатҳи баланди хизматрасонӣ таъмин намоянд.

Дар бинои нав барои кормандони Вазорати саноат ва технологияҳои нави Ҷумҳурии Тоҷикистон мутобиқ ба талаботи замони муосир ҷиҳати хизматрасонии сатҳи баланд ба соҳибкорону сармоягузорон ва таҳияи лоиҳаҳои корхонаҳои саноатӣ имконият фароҳам оварда мешавад.

Бинои нав дар асоси нақшаи генералии шаҳри Душанбе дар майдони 65 садяк давоми 2 сол сохта шуда, саҳни он мутобиқ ба талаботи лоиҳавӣ зебою назаррабо гардонида мешавад.

Эзоҳи худро нависед



Рамзҳо дар расм