Дар доираи нақшаи чорабиниҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба Рӯзи варзишгарон ва таҷлили ҷашни Истиқлоли давлатӣ дар шаҳру ноҳияҳои вилояти Хатлон миёни ҷавонони касбу кори гуногун силсилаи чорабиниҳои иттилоотию маърифатӣ, фарҳангиву варзишӣ ва чорабиниҳои хусусияти ҳарбӣ-ватандӯстидошта мунтазам баргузор мегардад.

Дар доираи чунин чорабиниҳо дар шаҳри Бохтар бо иштироки намояндагони Кумитаи кор бо ҷавонон ва варзиш ва сохторҳои маҳаллии он дар вилояти Хатлон собиқадорони соҳаи варзиш аёдат карда шуда, аз номи роҳбарияти Кумита маводҳои озуқаворӣ расонида шуд.

Гуфта шуд, ки соҳаи варзиш аз ибтидои соҳибистиқлолӣ таҳти таваҷҷуҳи ҳамешагии роҳбарияти олии кишвар буда, имрӯз барои насли наврасу ҷавон ҷиҳати ба навъҳои гуногуни варзиш машғул шудан, тамоми шароитҳо муҳайё мебошад. Ва ҳамин гуна ғамхориҳост, ки варзишгарони мо дар мусобиқаҳои сатҳи ҷаҳонӣ иштирок намуда, Парчами меҳанро баланд мебардоранд.

Ҳамчунин, дар доираи ин иқдом дар ноҳияи Хуросон низ собиқадорони соҳаи кор бо ҷавонон ва варзиш аёдат карда шуданд.