Дар Донишгоҳи славянии Русияву Тоҷикистон 391 шаҳрванди хориҷӣ аз 8 кишвари ҷаҳон таҳсил мекунанд.

Дар ин бора ректори Донишгоҳи славянии Русияву Тоҷикистон Файзулло Машраб 24 июл зимни нишасти хабарӣ иттилоъ дод.

Ба иттилои ректор донишҷӯёни хориҷ аз давлатҳои Афғонистон, Эрон, Қазоқистон, Русия, Туркманистон, Узбекистон, Шветсия ва Чин барои таҳсил ба ин Донишгоҳ омадаанд.

- Бештари донишҷӯёни хориҷӣ шаҳрванди Ҷумҳурии Мардумии Чин мебошанд ва Донишгоҳи мо ягона донишгоҳест, ки миқдори зиёди шаҳрвандони ин кишвар таҳсил менамоянд- гуфт Файзулло Машраб

Ҳамчунин зикр гардид ки қабули шаҳрвандони хориҷӣ дар соли таҳсили 2024-2025 дар тамоми зинаҳои таҳсил аз 8 кишвари ҷаҳон 123 нафарро ташкил дод.

Сайёраи ҚИЁМИДДИН, “ҶТ”