Аз хурдсолӣ орзуи дидори Ҷаноби Олиро дар дил мепарваридам. Бо гузашти солҳо донишгоҳро хатм кардаму ба шаҳри Бӯстон омадем. Муддати се сол дар ҷустуҷӯи кор будам. Ҳар боре ба ягон муассиса ё шуъбаи маориф мерафтам, ноумед бармегаштам. Чанд маротиба Пешвои миллатро дар хоб дидам. Доим мегуфтам, ки кош як бор дар бедориам бубинам. Билохира, соҳиби ҷойи кор шудам.

Бо гузашти чанд соли корӣ дар мавсими Иди Наврӯз ташрифи меҳмонҳои олиқадр, аз ҷумла Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар вилояти Суғд ба нақша гирифта шуда буд ва ба мо - як гурӯҳ омӯзгоронро барои пешвози меҳмонон дар боғи А. Берунӣ, ки дар шаҳри Хуҷанд кушода мешуд, роҳхат доданд. Шодию хушбахтии маро ҳадду канор набуд. Хушбахтона, он рӯз насибамон шуду Пешвои миллат-ро аз наздик дидам.

Қобили қайд аст, ки бо дастгириҳои Пешвои миллат дар кишвар озмунҳои ҷумҳуриявӣ роҳандозӣ гардида истодаанд. Шогирдонам дар озмуни ҷумҳуриявии “Фурӯғи субҳи доноӣ китоб аст” иштирок намуда, соли 2023 Муҳиддинзода Маликабону, ки ҳам шогирдам ва ҳам фарзандам мебошад, дар чор даври ин озмун сазовори ҷойи якум гардид. Камина бо шарофати озмуни мазкур ба гирифтани нишони “Аълочии маорифи Ҷумҳурии Тоҷикистон” сарфароз гардидам.

Мо - омӯзгоронро зарур аст, ки бар ивази дастгириҳои Пешвои миллат хизматҳои шоис-та намуда, таълиму тарбияи насли наврасро даҳчанд зиёд намоем.

Моҳбону ШУКУРОВА,
омӯзгори Гимназияи №2
дар шаҳри Бӯстон