ҶОМЕА
Ҷумъа 05 Июн 2026 08:01
16-ноябр дар шаҳри Душанбе аввалин Мусобиқаи байналмилалӣ оид ба шоҳмот барои дарёфти “Ҷоми Президенти Ҷумҳурии Тоҷикистон” ба анҷом расид. Рақобатҳо аз 9 то 16 ноябр баргузор шуда, дар онҳо зиёда аз 230 шоҳмотбоз аз 16 кишвар, аз ҷумла гроссмейстерҳо ва устодони пуртаҷрибаи ҷаҳон иштирок намуданд. Мусобиқа дар ду гурӯҳ “А” ва “В” доир гардид.
Дар гурӯҳи “А”, ки сатҳи баландтарин ба ҳисоб меравад, гроссмейстери ҳиндӣ Пранав Ананд бо ба даст овардани 7 имтиёз аз 9 бозӣ ғолиби мутлақ гардид. Ӯ ҳамроҳи медали тилло, ҷоизаи асосии мусобиқа - 10 000 доллари ИМА-ро соҳиб шуд.
Ҷойи дуюм ба Сергей Дригалов аз Русия расид, ки медали нуқра ва 8 000 доллар гирифт. Медали биринҷӣ ва 5 000 доллар насиби намояндаи дигари Русия Никита Афанасиев гардид. Ҳар ду шоҳмотбози рус бо бозии устувор аз зумраи пешсафон қарор гирифтанд ва маҳорати баланд нишон доданд.
Шоҳмотбозони тоҷик низ дар гурӯҳи “А” гурӯҳи асосӣ ширкат намуданд. Дар ин бахш дастаи олимпии Тоҷикистон иштирок кард. Бо вуҷуди бозии хуб ва муборизаи ҷиддӣ намояндагони кишвар ба зинаҳои ҷоизадор роҳ наёфтанд. Бо ин ҳама, варзишгарони тоҷик таҷрибаи гаронбаҳо, иродаи қавӣ ва пешрафти назаррас нишон дода, барои рақобатҳои бузурги оянда заминаи муҳим гузоштанд.
Дар гурӯҳи “В” зиёда аз 130 иштирокчӣ бо ҳам рақобат намуд. Дар ин бахш натоиҷ хеле наздик буд ва мубориза то даври охирин идома кард. Исломбек Ҳусанов, шоҳмотбози 11-солаи Ӯзбекистон, дар гурӯҳи “В” ба дастовардҳои баланд ноил гардида, ғолиби мутлақ шуд. Ҳамватани ӯ Муҳаммаддиёр Маҳамадуллоев медали нуқраро соҳиб гашт. Ҷойи сеюм ба намояндаи Русия Оксана Горячкина тааллуқ гирифт.
Ба ғолибону ҷоизадорон дар маҷмуъ 15 ҷоизаи асосӣ ва 4 иловагӣ дар гурӯҳи “А”, инчунин, 11 ҷоизаи асосӣ ва 12 иловагӣ дар гурӯҳи “В” супурда шуд.
Ташкили ин мусобиқа дар сатҳи баланд мавқеи Тоҷикистонро дар харитаи ҷаҳонии шоҳмот боз ҳам мустаҳкам намуд. Иштироки гроссмейстерҳои қавӣ, ҳузури варзишгарони тоҷик ва ғалабаи намояндаи Ҳиндустон ба мусобиқа ранги хос бахшида, онро ба як чорабинии хотирмони варзишӣ табдил дод.
Яҳё МАҲМАДНАБИЕВ, “ҶТ”
Дар гурӯҳи “А”, ки сатҳи баландтарин ба ҳисоб меравад, гроссмейстери ҳиндӣ Пранав Ананд бо ба даст овардани 7 имтиёз аз 9 бозӣ ғолиби мутлақ гардид. Ӯ ҳамроҳи медали тилло, ҷоизаи асосии мусобиқа - 10 000 доллари ИМА-ро соҳиб шуд.
Ҷойи дуюм ба Сергей Дригалов аз Русия расид, ки медали нуқра ва 8 000 доллар гирифт. Медали биринҷӣ ва 5 000 доллар насиби намояндаи дигари Русия Никита Афанасиев гардид. Ҳар ду шоҳмотбози рус бо бозии устувор аз зумраи пешсафон қарор гирифтанд ва маҳорати баланд нишон доданд.
Шоҳмотбозони тоҷик низ дар гурӯҳи “А” гурӯҳи асосӣ ширкат намуданд. Дар ин бахш дастаи олимпии Тоҷикистон иштирок кард. Бо вуҷуди бозии хуб ва муборизаи ҷиддӣ намояндагони кишвар ба зинаҳои ҷоизадор роҳ наёфтанд. Бо ин ҳама, варзишгарони тоҷик таҷрибаи гаронбаҳо, иродаи қавӣ ва пешрафти назаррас нишон дода, барои рақобатҳои бузурги оянда заминаи муҳим гузоштанд.
Дар гурӯҳи “В” зиёда аз 130 иштирокчӣ бо ҳам рақобат намуд. Дар ин бахш натоиҷ хеле наздик буд ва мубориза то даври охирин идома кард. Исломбек Ҳусанов, шоҳмотбози 11-солаи Ӯзбекистон, дар гурӯҳи “В” ба дастовардҳои баланд ноил гардида, ғолиби мутлақ шуд. Ҳамватани ӯ Муҳаммаддиёр Маҳамадуллоев медали нуқраро соҳиб гашт. Ҷойи сеюм ба намояндаи Русия Оксана Горячкина тааллуқ гирифт.
Ба ғолибону ҷоизадорон дар маҷмуъ 15 ҷоизаи асосӣ ва 4 иловагӣ дар гурӯҳи “А”, инчунин, 11 ҷоизаи асосӣ ва 12 иловагӣ дар гурӯҳи “В” супурда шуд.
Ташкили ин мусобиқа дар сатҳи баланд мавқеи Тоҷикистонро дар харитаи ҷаҳонии шоҳмот боз ҳам мустаҳкам намуд. Иштироки гроссмейстерҳои қавӣ, ҳузури варзишгарони тоҷик ва ғалабаи намояндаи Ҳиндустон ба мусобиқа ранги хос бахшида, онро ба як чорабинии хотирмони варзишӣ табдил дод.
Яҳё МАҲМАДНАБИЕВ, “ҶТ”
Хабарҳои дигар
Рӯзнома
Эзоҳи худро нависед