Бо иқдоми Донишгоҳи давлатии Хоруғ ба номи Моёншо Назаршоев дар ҳамкорӣ бо Шуъбаи муҳити зисти шаҳр аксияи “Соҳили тоза” баргузор гардид.

Дар он зиёда аз 100 нафар муҳассилини донишгоҳ канори чапи соҳили дарёи Ғундро аз пули пиёдагарди маҳаллаи Носири Хусрав то купруки мошингузари роҳи асосии шаҳр аз ҳаргуна хасу хошок ва ахлоту хокрӯбаҳо тоза намуданд.

Бояд қайд кард, ки чорабинӣ бахшида ба Даҳсолаи байналмилаии амал “Об барои рушди устувор” барои солҳои 2018 - 2028 гузаронида шуда, дар назар аст, ки дар ояндаи наздик чунин аксияҳо бо ширкати донишҷӯёну ҷавонон бештар роҳандозӣ гарданд.