Дар шаш моҳи соли ҷорӣ тибқи маълумоти варақаҳои муҳоҷиратӣ аз ҷумҳурй 251 247 нафар шарҳванд ба хориҷи кишвар ба муҳоҷирати меҳнатӣ сафар намуданд, ки аз онҳо 218 760 нафар мард ва 32 487 нафар зан мебошад.Аз ҷумла, ба Русия 240 727 нафар ва ба Қазоқистон 6 837 нафар сафар карданд. Рафти муҳоҷирати меҳнатӣ ба хориҷа нисбат ба ҳамин давраи соли гузашта 8455 нафар ё ин ки 3,5% зиёд шудааст.

Дар ин бора Тағойзода Сумангул, вазири Меҳнат, муҳоҷират ва шуғли аҳолии Ҷумҳурии Тоҷикистон зимни нишасти хабарӣ, ки 26 июн дар маҷлисгоҳи Маркази иттилоотии “Ховар” баргузор гардид, хабар дод.

Ҳамчунин ӯ зикр кард, ки дар ин давра аз хориҷи кишвар 186 061 нафар муҳоҷири меҳнатӣ ба ватан бозгаштанд, ки нисбати ҳамин давраи соли гузашта 25 938 нафар, ё ин ки 16% зиёд шудааст.

Дар рафти нишаст Тағойзода С. масъалаи муҳоҷиронеро, ки воридшавиашон ба Русия ба муддати муайян манъ шудааст, масъалаи доғ номида гуфт: “Аз ҷониби сохторҳои вазорат ва дар ҳамкорӣ бо созмонҳои байналмилалӣ дар шаҳру ноҳияҳои ҷумҳурӣ дар давоми нимсола 5330 нафар чунин шаҳрвандон дар дохили кишвар бо ҷои кор таъмин гардиданд”.

Байқараева ДИЛАНГЕЗ, коромӯзи “ҶТ”