Дар асоси қарори Раиси шаҳри Душанбе, рӯзҳои 3–6 апрели соли 2026 дар пойтахти кишвар – шаҳри Душанбе ҳафтумин мусобиқаи байналмилалии “Гӯштингирӣ” барои дарёфти “Ҷоми Раиси шаҳри Душанбе” баргузор мешавад.

Ин чорабинии варзишӣ ба ифтихори Рӯзи пойтахти Ҷумҳурии Тоҷикистон доир гардида, яке аз мусобиқаҳои муҳими сатҳи байналмилалӣ дар соҳаи варзиши миллӣ ба ҳисоб меравад.

Интизор меравад, ки дар мусобиқа паҳлавонон аз кишварҳои гуногун ширкат варзида, маҳорати худро дар гӯштини миллӣ нишон диҳанд.

Ҳадафи асосии баргузории мусобиқа тарғиби варзиши миллӣ, таҳкими дӯстӣ миёни варзишгарони кишварҳои гуногун ва муаррифии фарҳанги миллии тоҷикон дар арсаи байналмилалӣ мебошад.

Яҳё МАҲМАДНАБИЕВ, “ҶТ”