Хуршед Шарипов, муовини сармуҳаррири рӯзномаи "Ҷавонони Тоҷикистон" бо нишони “Аълочии ифтихории соҳаи таҳсилоти ибтидоӣ ва миёнаи касбии Ҷумҳурии Тоҷикистон” қадрдонӣ гардид.

Маросими қадрдонии намояндагони ВАО бо нишони мазкур 4 апрел дар доираи чорабинии бошукӯҳи наврӯзии соҳаҳои таҳсилоти ибтидоӣ ва миёнаи касбии мамлакат, ки бо ташаббуси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон таҳти унвони “Тоҷикистон Ватани Наврӯз аст” дар Боғи Ирами шаҳри Душанбе баргузор гардид, сурат гирифт.

Хуршед Шарипов, муовини сармуҳаррири рӯзномаи “Ҷавонони Тоҷикистон” дар баробари чанд нафар рӯзноманигорони кишвар барои фаъолияти пурсамар дар самти инъикоси масъалаҳои соҳаи таҳсилоти ибтидоӣ ва миёнаи касбӣ бо нишони “Аълочии ифтихории соҳаи таҳсилоти ибтидоӣ ва миёнаи касбии Ҷумҳурии Тоҷикистон” қадрдонӣ шуд.

Б. ҚАЮМӢ, “ҶТ”