Дар нимсолаи аввали соли 2025 дар ҷумҳурӣ 222 ҳодиса ва ҳолатҳои фавқулодаи табиӣ ба қайд гирифта шудааст. Ин адад дар шаш моҳи аввали соли гузашта 532 ададро ташкил медод.

Дар ин бора 4 август Раҷабалӣ Раҳмоналӣ, раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон зимни нишасти хабарӣ иттилоъ дод.

Гуфта шуд, ки аз ин шумора 9 ҳолат ва ҳодисаҳои табиӣ ба иқтисодиёти шаҳру ноҳияҳо зарар расонидаст. Маблағи зарар дар ин давра 19 млн 655 ҳазору 300 сомониро ташкил медиҳад.

- Дар ин давра 78 ҳодисаи селфароӣ, 18 боришоти борон, 51 ҳодисаи тармафароӣ, 6 ҳолати баландшавии сатҳи об, 21 ҳодисаи сангрезӣ, 19 заминларза, 6 ҳолат фаромадани ярч, 17 ҳолати вазиши шамоли сахт, 4 ҳолати раъду барқ, 1 ҳодисаи боришоти барфи зиёд ва 1 ҳодисаи хунукии сахт ба қайд гирифта шудааст, - гуфт Раҷабалӣ Раҳмоналӣ.

С. ҚИЁМИДДИН, “ҶТ”