СИЁСАТ
Душанбе 21 Сентябр 2026 02:12
35 соли истиқлоли Ҷумҳурии Тоҷикистон нишон дод, ки масъалаҳои ташаккули давлатдории миллӣ, рушди иқтисоди миллӣ, баланд бардоштани сатҳи зиндагии мардум ва ҳифзу эҳёи арзишҳои таърихӣ-фарҳангӣ аз самтҳои муҳимми сиёсати давлатӣ ба ҳисоб мераванд. Дар ин раванд нақши шахсиятҳои сиёсиву ҷамъиятӣ, ки дар татбиқи ҳадафҳои созанда ва пешрафти давлату миллат саҳм мегузоранд, ниҳоят муҳим мебошад.
Дар равандҳои сиёсӣ метавонанд нафарони зиёде ширкат варзанд, аммо на ҳамаи онҳо метавонанд ҳамчун шахсияти сиёсӣ эътироф гарданд ва ба оммаи васеи мардум таъсиргузор бошанд, роҳу равиши хоса дошта, барои ҷомеа ва давлату миллати хеш амалҳои муҳимми мондагорро анҷом диҳанд.
Шахсияти сиёсӣ нафарест, ки дар фаъолияти ҷамъиятӣ-сиёсӣ нақши муассир дош-та, ба равандҳои идоракунии давлатӣ, ташаккули афкори умум ва ҳалли масъалаҳои муҳимми давлатдорӣ таъсири бевоситаи мусбат мерасонад. Чунин шахсиятҳо ҳамчун роҳбарони ҳизбҳо, вакилон, вазирон ё сарони давлатҳо фаъолият мекунанд. Таърихи башарият шаҳодат медиҳад, ки роҳбарон, пешвоён ва арбобони давлатӣ тавассути қабули қарорҳо, тафаккури баланди сиёсӣ, дарки вазъи воқеии сиёсии дохилӣ ва ҷаҳонӣ бо амалкардҳои худ метавонанд ҷараёни таърихро ба куллӣ тағйир диҳанд.
Роҳбари сиёсии муваффақ дорои дониши амиқи ҳуқуқӣ, иқтисодӣ ва иҷтимоӣ буда, соҳиби дарки баланди равандҳои ҷаҳонӣ ва дохилӣ барои пешбинӣ кардани оқибатҳои қарорҳои қабулшаванда аст, ки ҳар як сухан ва тадбири ӯ бо тақдири одамон ва давлатдории кишвар робитаи ногусастанӣ дорад. Ӯ дар лаҳзаҳои буҳронӣ метавонад масъулиятро ба дӯш гирифта, қарорҳои мураккаб ва ҳалкунанда қабул намояд ва мардумро аз паси ғояҳои созанда сафарбар созад.
Сиёсатмадори барҷаста соҳиби тафаккури стратегӣ буда, на танҳо бо мушкилоти имрӯза, балки бо дурнамои рушди ҷомеа дар даҳсолаҳои оянда андеша мекунад ва нақшаҳои илман асосноки дарозмуддат таҳия намуда, манофеи милливу давлатиро дар авлавият гузошта, шукуфоии Ватану некуаҳволии шаҳрвандонро ҳадафи олии фаъолияти худ қарор медиҳад.
Дар ҳар марҳилаи таърихӣ барои миллатҳо ва давлатҳо бо назардошти омилҳо ва хусусиятҳои фардии дар боло зикр гардида, шахсиятҳои сиёсӣ зуҳур мекунанд, ки дар раванди шаклгирии воқеият ва рушду такомули миллатҳо, созандагиву бунёдкорӣ нақши беназирро дороанд.
Дар даврони Истиқлоли давлатӣ зуҳури чунин шахсияти беназир, нотакрор ва мондагори таърихии давлатсозу ваҳдатофар, абармарди дунёи сиёсат Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ҳисоб мераванд, ки дар хусуси созандагиву бунёдкорӣ ва амалҳои анҷомдодаи ӯ садҳо асар таълиф ёфтаву минбаъд низ таълиф хоҳанд ёфт. Зеро дар дарозои 35 соли Истиқлоли давлатӣ бо роҳбарии ин шахсияти таърихӣ он қадар корҳое ба анҷом расидаанд, ки арзиши садсолаҳо ва ҳазорсолаҳоро доранд.
Пешвои миллат соҳиби мактаби бузурги давлатдорӣ мебошанд, ки он маҷмуи арзишҳо, принсипҳо, таҷрибаи амалӣ ва роҳбарии сиёсиро дар бар гирифта, дар шароити ниҳоят мураккаби таърихӣ барои наҷот, бунёд ва рушди давлати навини тоҷикон шакл гирифтааст. Ин мактаб ҳамчун як низоми фикрӣ ва амалии идоракунии давлатӣ асосҳои сулҳу субот ва рушди кишварро муайян намудааст. Дар замони соҳибистиқлолӣ даҳҳо нафар аз ин мактаби бузурги давлатдорӣ таҷриба омӯхтаву ба воя расида, ҳамчун шахсиятҳои матраҳ дар сатҳҳои гуногуни ҳаёти иҷтимоиву сиёсии кишвар таъсиргузоранд.
Маъруфтарин парвардаи мактаби бузурги давлатдории Пешвои миллат Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ мебошад.
Яке аз омилҳое, ки шахсияти сиёсии муҳтарам Рустами Эмомалиро мунҳасир ба фард мегардонад, ин парвардаи хонадони бузурги шахсияти сиёсии сатҳи минақавию ҷаҳонӣ будани ӯ мебошад. Муҳити иҷтимоӣ ва оила аввалин мактаби сиёсӣ аст, ки дар он арзишҳо, афзалиятҳо ва стереотипҳои аввалияи сиёсии инсон ҳангоми муошират бо волидайн ва наздикон гузошта мешаванд. Муҳити хонавода пойдортарин мактаби тарбияи инсон аст, ки дар он ҷаҳонбинӣ, арзишҳои ахлоқӣ ва феълу атвори фард ташаккул меёбад. Бахусус, агар дар ин муҳит падар дорои мақоми баланди ҷамъиятӣ ва сиёсатмадор бошад, ин омил ҳамчун раванди таъсиргузор бо имкониятҳои фаровон ба рушди шахсияти фард таъсири амиқи мусбат мерасонад.
Дар оилаҳои сиёсатмадорон фазои зиндагӣ маъмулан аз муҳокимаи масъалаҳои давлатӣ, муносибатҳои байналмилалӣ ва стратегияҳои роҳбарӣ холӣ нест. Фарзандоне, ки дар чунин муҳит ба воя мерасанд, аз хурдсолӣ бо забони дипломатия, масъулиятшиносӣ ва фаҳмиши васеи иҷтимоӣ ошно мегарданд. Падар ҳамчун чеҳраи пешсаф дар ҷомеа, пеш аз ҳама, намунаи ибрат барои фарзандон мегардад. Ширкат дар муҳити бои сиёсӣ ба рушди қобилиятҳои таҳлилӣ ва маҳорати суханварӣ, тафаккури стратегӣ, идоранамоӣ ва таъсиргузории фарзандон мусоидат мекунад. Чунин афрод одатан боварӣ ба худ дошта, фикрашонро озодона баён мекунанд ва ҳаргиз аз масъулият наметарсанд.
Мусаллам аст, ки дар улуми иҷтимоию фалсафӣ амалияи ҷамъиятӣ ба ҳайси меъ-ёри ҳақиқат шинохта шудааст. Аз ин рӯ, тамоми он хусусиятҳои раҳбари муваффақи сиёсиро мо метавонем дар фаъолияти ҳамарӯзаи Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ мушоҳида намоем.
Дар даврони роҳбарии муҳтарам Рус-тами Эмомалӣ ба ҳайси Раиси шаҳри Душанбе пойтахти Тоҷикистон - шаҳри Душанбе тағйироти куллӣ ва рушди босуръатро аз сар гузаронд. Сиёсати шаҳрдорӣ дар ин давра ба муосиргардонии инфрасохтор, фароҳам овардани шароити мусоид барои сокинон ва меҳмонон ва баланд бардоштани мақоми байналмилалии шаҳр равона карда шуд. Раиси ҷавон ва неруманди шаҳри Душанбе муҳтарам Рустами Эмомалӣ аз рӯзи таъйин шудан ба ин симмат бо меҳнати шабонарӯзӣ тамоми неру ва маҳорату кордонии хешро истифода намуда, пойтахти кишварамонро ҳам аз ҷиҳати эстетикиву маънавӣ ва ҳам аз ҷиҳати сиёсиву иқтисодӣ ба як шаҳри зебову муосири тамадуни минтақавӣ табдил дода истодаанд.
Муҳимтарин коре, ки дар рӯзҳои аввали роҳбарии муҳтарам Рустами Эмомалӣ дар маснади Раиси шаҳр анҷом дода шуд, ин таҳия ва бо қарори Ҳукумати Ҷумҳурии Тоҷикистон аз 28 апрели соли 2017 тасдиқ гардидани Нақшаи генералии шаҳри Душанбе мебошад. Тибқи ин санад, танҳо дар солҳои 2017 – 2019 сохтмони зиёда аз 752 иншоот амалӣ гардида, аз ҳисоби ҳама манбаъҳои сармоягузорӣ ба маблағи умумии 5,4 миллиард сомонӣ фондҳои асосӣ мавриди истифода қарор дода шуданд. Ҳамзамон, зиёда аз 707,7 ҳазор метри мураббаъ биноҳои истиқоматӣ бунёд гардид.
Ҳоло шаҳри Душанбе ҳамчун як боғшаҳри зебои минтақа гардида, дар он чорабиниҳои сиёсӣ ва фарҳангии сатҳи минтақавию ҷаҳонӣ баргузор мегарданд. Аз ин ҷиҳат шаҳри Душанбе муаррифгари фарҳангу тамаддуни кишварамон ба ҳисоб меравад. Ҳамин аст, ки шаҳрдори муҳтарам ҳамеша пайи боз ҳам ободу зебо шудани пойтахти азизамон лоиҳаву барномаҳои навро роҳандозӣ менамоянд.
Айни замон, дар пойтахти кишвар дар ҳамаи самтҳо ҳаёти иҷтимоӣ рушд намуда истодааст. Ҳамарӯза шоҳиди он мегардем, ки иншооти нави замонавӣ, ки аҳаммияти иҷтимоиву иқтисодӣ доранд, дар пойтахти азизи кишварамон қомат меафрозанд.
Дар самти саноатикунонии босуръат, ки ҳадафи чоруми стратегӣ аст, Раиси муҳтарами шаҳри Душанбе Рустами Эмомалӣ, пайваста кӯшиш ба харҷ дода, дар тамоми сафарҳою вохӯриҳо ҷиҳати ҷалби сармоя ва бунёди корхонаҳои саноативу иншооти муҳими марбут ба он барномаҳову иқдомҳои навро рӯйи даст гирифта, созишномаҳоро ба тавсиб мерасонанд. Ҳамасола садҳо корхонаи саноатӣ дар шаҳри Душанбе таъсис дода мешаванд, ки ҷиҳати ҳалли мушкилоти иҷтимоиву иқтисодӣ ва бо ҷойи корӣ таъмин намудани аҳоливу боло бурдани истеҳсолоти ватанӣ, рақобатпазир гардонидани он мусоидат менамоянд.
Дар муқоиса бо солҳои қаблӣ дар шаҳри Душанбе сол ба сол корхонаҳое ба нақша гирифтаву таъсис дода мешаванд, ки бештар қувваи кории дохилиро ҷалб намуда, хусусияти воридотивазкунандаро доранд, ки барои таъмини рақобатпазиргардонии иқтисоди миллӣ нигаронида шудаанд. Далели ин гуфтаҳо он аст, ки ҳоло пойтахти кишвар дорои 854 корхонаи саноатӣ мебошад ва дар татбиқи ҳадафи стратегии мамлакат – саноатикунонии босуръати мамлакат пешоҳанг буда, пайваста дар ин самт аз ҷониби шаҳрдорӣ тадбирҳои муассир андешида мешаванд.
Танҳо дар 9 соли охир бо ташаббус ва кору пайкори созандаи Раиси шаҳри Душанбе муҳтарам Рустами Эмомалӣ 116 коргоҳу корхонаҳои нави саноатӣ бо зиёда аз 11 ҳазор ҷойи нави корӣ бунёд гардида, ба истифода дода шуданд.
Аз ҷумла, 15 корхонаи истеҳсоли маҳсулоти нассоҷӣ, чарму пойафзол ва либосҳои дӯзандагӣ, 21 корхонаи истеҳсоли маҳсулоти сохтмонӣ, 7 корхонаи коркарди сангҳои ватанӣ, 4 корхонаи халтаҳои полипропиленӣ, 5 корхонаи мебелбарорӣ, 5 корхонаи таҷҳизоти барқӣ, 12 корхонаи маҳсулоти қаннодӣ, 6 корхонаи маҳсулоти ширӣ, 2 корхонаи маҳсулоти гӯштӣ, 4 корхонаи нӯшокиҳои ташнашикан, 3 корхонаи равғанбарорӣ ва як қатор корхонаҳои дигар мебошанд, ки бо таҷҳизоту технологияҳои замонавӣ фаъолият намуда истодаанд.
Дар ин давра даҳҳо роҳҳои асосӣ, пулҳо, эстакадаҳо ва роҳҳои зеризаминӣ навсозӣ ё аз сифр бунёд карда шуда, кӯчаҳои марказӣ васеъ гардонида бо чароғакҳои замонавӣ муҷаҳҳаз карда шуда, низоми электронии пардохтҳои ғайринақдӣ дар нақлиёти ҷамъиятӣ ба роҳ монда шуд. Дар давоми 9 соли охир дар пойтахт беш аз 252 километр роҳҳои нақлиётӣ навсозӣ карда шуданд. Бо мақсади мутобиқ намудани иншооти соҳа ба меъёрҳои байналмилалӣ 4 пули автомобилгарду қаторагард, ду роҳи сесатҳа, ду роҳи дусатҳа ва 219 истгоҳи наву замонавӣ таъмир, таҷдид ва азнавсозӣ гардида, мавриди истифода қарор дода шуд. Ҳоло ин раванд идома дорад.
Ворид кардани автобусҳои муосир ва беҳтар кардани низоми нақлиёти ҷамъиятӣ дар ин давра густариш ёфта, айни замон дар пойтахт 90 электробус ва шумораи зиёди воситаҳои нақлиёти сабукрави барқӣ (таксиҳои электромобил) ба сокинону меҳмонони пойтахт хизмат мерасонанд. Инчунин, 91 хатсайрҳои мусофирбарӣ, ки аз ин теъдод 33 адад барои автобусҳо ва электробусҳо, 9 адад барои троллейбусҳо ва 49 адади дигар барои микроавтобусҳо мебошад, ба роҳ монда шудааст. Барои идоракунии шаффоф ва муосир, лоиҳаи “Шаҳри ҳушманд” ҷорӣ карда шудааст, ки дар ин замина низоми назорати видеоӣ дар кӯчаҳо ва чорроҳаҳо барои таъмини бехатарии ҷамъиятӣ ва тартиботи ҳуқуқӣ васеъ гардида, хизматрасониҳои электронӣ барои шаҳрвандон дар соҳаҳои маориф, тандурустӣ ва хоҷагии коммуналӣ роҳандозӣ шуданд.
Дар давраи роҳбарии муҳтарам Рустами Эмомалӣ ба ҳайси Раиси шаҳри Душанбе симои меъмории пойтахт ба куллӣ дигаргун шуд. Дар баробари биноҳои истиқоматии баландошёна бо тарҳҳои замонавӣ, иншооти бузурги фарҳангӣ ва маъмурӣ сохта шуданд. Дар ин солҳо биноҳои аз ҷиҳати меъморӣ ҷолиб бо унсурҳои миллӣ, ба монанди Осорхонаи миллии Тоҷикистон, “Кохи Ваҳдат”, “Кохи Суруш”, “Қасри Бахт”, “Кохи Парфенон”, меҳмонхонаи панҷситорадори “Кроун Плаза Душанбе”, Маркази бузурги таомҳои миллӣ “Ош”, биноҳои нави Ҳукумати ҷумҳурӣ, Парламент, вазоратҳои корҳои хориҷӣ, адлия, рушди иқтисод ва савдо, тандурустӣ ва ҳифзи иҷтимоии аҳолӣ, Кумитаи ҳифзи муҳити зисти назди Ҳукумати Ҷумҳурии Тоҷикистон, Суди Олии Ҷумҳурии Тоҷикистон, Мақомоти иҷроияи ҳокимияти давлатии ноҳияи Сино, Масҷиди Абуҳанифа Нуъмон ибни Собит, Донишкадаи исломии Тоҷикистон ба номи Имоми Аъзам, Академияи идоракунии давлатии назди Президенти Ҷумҳурии Тоҷикистон, Телевизиони “Душанбе”, бинои нави маъмурии Корхонаи воҳиди давлатии “Шаҳри ҳушманд (Smart city)”, марказҳои бузурги савдо “Сиёма – молл”, “Ёвар”, “Рӯдаки Плаза”, Маҷмааи “Майдони Истиқлол”, Театри миллӣ, Варзишгоҳи миллӣ ва як қатор иншооти дигар сохта шуданд, ки ифтихори ҳар яки мо буда, пойтахти кишварамонро дар арсаи ҷаҳон муаррифӣ мекунанд.
Муҳтарам Рустами Эмомалӣ тайи солҳои охир тавонистанд пойитахти кишварро ба яке аз марказҳои баргузории ҳамоишҳои муҳимми байналмилалӣ табдил диҳанд. Душанбе дар ин муддат борҳо мизбони чорабиниҳои сатҳи байналмилалӣ, аз ҷумла, конфронсу форумҳо ва фестивалҳо гардид, ки мақоми онро дар арсаи ҷаҳонӣ баланд бардоштанд. Аз ҷумла, нишасти Шурои сарони давлатҳои ИДМ, иҷлоси сарони кишварҳои узви Созмони Ҳамкории Шанхай, Саммити “Муколамаи ҳамкорӣ ва тадбирҳои боварӣ дар Осиё”, конференсияҳои якум, дуюм, сеюм ва чоруми байналмилалии сатҳи баланд оид ба “Даҳсолаи байналмилалии амал “Об барои рушди устувор” солҳои 2018 – 2028”, конфронси байналмилалии сатҳи баланд оид ба ҳифзи пиряхҳо (соли 2025), форумҳои байналмилалии “Наврӯзи Душанбе – мероси фарҳангию сайёҳӣ”, “Душанбе – шаҳри имконоти рушди кӯдакон”, “Ҳамгироии шаҳрҳо дар татбиқи имкониятҳои сайёҳии устувор”, намоишгоҳи байналмилалии сайёҳии Душанбе – 2025 (Dushanbe International Tourism Exhibition), фестивалҳои байналмилалии “Шукуфаҳои пойтахт” (соли 2021), “Дар меҳмонии Душанбе” (с.2021, 2026), инчунин, фестивали тобистонаи “Dushanbe Summer Fest” (с.2018, 2019, 2021, 2026) ва дигар ҳамоишҳои сатҳи байналмилаливу минтақавӣ доир гардиданд.
Оморҳо баёнгари онанд, ки тамоми созандагиву бунёдкориҳо тайи солҳои охир шаҳри Душанберо ба як макони сайёҳиву гардишгарии байналмилалӣ табдил додаанд. Соли 2025 ба Тоҷикистон 2 миллиону 104 ҳазору 703 шаҳрванди хориҷӣ ворид гардид. Аз ин 1 миллиону 784 ҳазору 430 нафар сайёҳ буда, ин омор нисбат ба соли 2024 19% зиёд аст. Тибқи арзёбии мутахассисон, тақрибан 60% ё 1 070658 нафари онҳо ба Душанбе ворид шуда, аз хизматрасониҳои пойтахт истифода карданд. Танҳо тавассути Фурудгоҳи байналмилалии Душанбе ва Роҳи оҳани Душанбе 3 миллиону 70 ҳазору 539 сайёҳ ба пойтахт омадааст, ки нисбат ба соли 2024 66,7% зиёд мебошад.
Танҳо давоми солҳои 2017 – 2025 дар пойтахт 61 муассисаи таҳсилоти миёнаи умумӣ бо 83 ҳазору 952 ҷойи нишаст дар ду баст ва 37 муассисаи томактабии замонавӣ барои 7439 тарбиятгиранда мавриди истифода қарор дода шудааст.
Давоми солҳои 2017 – 2024 ҷиҳати оммавигардонии варзиш ва тарзи ҳаёти солим дар пойтахт бо дастгириҳои Раиси шаҳр 347 иншооти соҳаи варзиш, аз қабили Муассисаи давлатии “Қасри теннис ва маҷмааи варзиши обӣ”-и шаҳри Душанбе, клубҳои байналмилалии Ювентус ва Крокус - фитнес мутобиқ ба стандартҳои байналмилалӣ сохта ва мавриди истифода қарор дода шуд.
Дар ин давра дар шаҳри Душанбе зиёда аз 400 мусобиқаҳои сатҳи баланди байналмилалӣ доир гардид, ки варзишгарони муваффақи мо дар онҳо иштирок карда, шарафи варзишии кишварро боз ҳам боло бардоштанд.
Дастоварди дигари нодири соҳаи варзиш дар пойтахти маҳбубамон бунёд гардидани иншооти боҳашамати варзишӣ – Варзишгоҳи миллӣ мебошад, ки 21 августи соли равон аз ҷониби Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ мавриди истифода қарор дода шуд.
Дар баробари ин, рушди қонунгузорӣ ва фаъолияти парлумонии Ҷумҳурии Тоҷикистон дар солҳои охир, бахусус пас аз он ки муҳтарам Рустами Эмомалӣ ба ҳайси Раиси Маҷлиси миллии Маҷлиси Олии Ҷумҳурии Тоҷикистон интихоб гардиданд, марҳилаи сифатан навро касб намуд. Фаъ-олияти мақоми олии қонунбарор дар ин давра ба ҳимояи манфиатҳои миллии кишвар, такмили базаи ҳуқуқии соҳаҳои гуногун ва таҳкими рукнҳои давлати демократию ҳуқуқбунёд равона карда шуд.
Қабули қонунҳои нав ва ворид намудани тағйиру иловаҳо ба қонунҳои амалкунанда ба таҳкими ҳимояи ҳуқуқу озодиҳои инсон ва шаҳрванд, фароҳам овардани шароити мусоид барои рушди соҳибкорӣ, сармоягузорӣ ва беҳтар кардани фазои тиҷоратӣ дар кишвар, танзими ҳуқуқии рақамикунонии иқтисодиёт ва истифодаи технологияҳои иттилоотӣ нигаронида шудаанд.
Яке аз самтҳои муҳимми фаъолияти Маҷлиси миллии Маҷлиси Олии Ҷумҳурии Тоҷикистон таҳти роҳбарии муҳтарам Рустами Эмомалӣ таҳкими робитаҳои байналмилалӣ ва дипломатияи парлумонӣ мебошад. Дар ин замина, густариши ҳамкорӣ бо сохторҳои парлумонии кишварҳои минтақа ва ҷаҳон, иштироки фаъол дар кори созмонҳои байналмилалии парлумонӣ ва пешниҳоди ташаббусҳои созанда оид ба масъалаҳои глобалӣ, аз ҷумла амният, муҳити зист ва рушди устувор, инчунин, таҳкими муносибатҳои дӯстӣ тавассути гурӯҳҳои ҳамкории парлумонӣ ба роҳ монда шуданд.
Дар ин давра қонунгузорӣ дар соҳаи сиёсати давлатии ҷавонон ва маориф тақвият ёфт. Қонунҳо ва барномаҳое, ки ба дастгирии иҷтимоии ҷавонон, фароҳам овардани шароити мусоид барои таҳсил ва фаъолияти касбии онҳо равона шудаанд, густариш ёфтанд.
Дар маҷмуъ, хидматҳои муҳтарам Рус-тами Эмомалӣ дар рушди ҳаёти сиёсӣ, иҷтимоӣ, иқтисодӣ ва фарҳангии Ҷумҳурии Тоҷикистон пеш аз ҳама тавассути фаъ-олият ба ҳайси Раиси Маҷлиси миллии Маҷлиси Олии Ҷумҳурии Тоҷикистон ва Раиси шаҳри Душанбе таҷассум ёфта, як шахсияти муваффақи сиёсӣ будани мавсуфро ифода мекунанд. Дар ин муддати кутоҳ бо кордониву дониши амиқи илмӣ ва фаросати баланди сиёсӣ номбурда тавонист, бо такя ба донишу таҷрибаи раҳбарии худ дар соҳаҳои мухталиф, шаҳри Душанберо ба муваффақиятҳои иқтисодӣ ва сиёсиву фарҳангӣ ноил созад.
Ободкорӣ ва ҷасорату хастагинопазирии Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ бозгӯкунандаи онанд, ки номбурда шахсияти қавии соҳибистеъдоди сиёсӣ буда, қобилияти баланди идоракунӣ ва роҳбариро доро аст. Мавсуф воқеан парвардаи мактаби сиёсиву созандаи Пешвои миллат буда, ҳамеша содиқонаву самимона ҷиҳати ҳимояти манфиатҳои давлату миллат собитқадамона ва муваффақона тамоми донишу таҷриба ва неруи хешро равона намуда, дар пешрафти кишвари азизамон ҳамчун намунаи ибрат барои дигар роҳбарон саҳми муҳиму боризи хешро мегузорад.
Исомиддин ШАРИФЗОДА,
номзади илмҳои фалсафа, дотсент
Дар равандҳои сиёсӣ метавонанд нафарони зиёде ширкат варзанд, аммо на ҳамаи онҳо метавонанд ҳамчун шахсияти сиёсӣ эътироф гарданд ва ба оммаи васеи мардум таъсиргузор бошанд, роҳу равиши хоса дошта, барои ҷомеа ва давлату миллати хеш амалҳои муҳимми мондагорро анҷом диҳанд.
Шахсияти сиёсӣ нафарест, ки дар фаъолияти ҷамъиятӣ-сиёсӣ нақши муассир дош-та, ба равандҳои идоракунии давлатӣ, ташаккули афкори умум ва ҳалли масъалаҳои муҳимми давлатдорӣ таъсири бевоситаи мусбат мерасонад. Чунин шахсиятҳо ҳамчун роҳбарони ҳизбҳо, вакилон, вазирон ё сарони давлатҳо фаъолият мекунанд. Таърихи башарият шаҳодат медиҳад, ки роҳбарон, пешвоён ва арбобони давлатӣ тавассути қабули қарорҳо, тафаккури баланди сиёсӣ, дарки вазъи воқеии сиёсии дохилӣ ва ҷаҳонӣ бо амалкардҳои худ метавонанд ҷараёни таърихро ба куллӣ тағйир диҳанд.
Роҳбари сиёсии муваффақ дорои дониши амиқи ҳуқуқӣ, иқтисодӣ ва иҷтимоӣ буда, соҳиби дарки баланди равандҳои ҷаҳонӣ ва дохилӣ барои пешбинӣ кардани оқибатҳои қарорҳои қабулшаванда аст, ки ҳар як сухан ва тадбири ӯ бо тақдири одамон ва давлатдории кишвар робитаи ногусастанӣ дорад. Ӯ дар лаҳзаҳои буҳронӣ метавонад масъулиятро ба дӯш гирифта, қарорҳои мураккаб ва ҳалкунанда қабул намояд ва мардумро аз паси ғояҳои созанда сафарбар созад.
Сиёсатмадори барҷаста соҳиби тафаккури стратегӣ буда, на танҳо бо мушкилоти имрӯза, балки бо дурнамои рушди ҷомеа дар даҳсолаҳои оянда андеша мекунад ва нақшаҳои илман асосноки дарозмуддат таҳия намуда, манофеи милливу давлатиро дар авлавият гузошта, шукуфоии Ватану некуаҳволии шаҳрвандонро ҳадафи олии фаъолияти худ қарор медиҳад.
Дар ҳар марҳилаи таърихӣ барои миллатҳо ва давлатҳо бо назардошти омилҳо ва хусусиятҳои фардии дар боло зикр гардида, шахсиятҳои сиёсӣ зуҳур мекунанд, ки дар раванди шаклгирии воқеият ва рушду такомули миллатҳо, созандагиву бунёдкорӣ нақши беназирро дороанд.
Дар даврони Истиқлоли давлатӣ зуҳури чунин шахсияти беназир, нотакрор ва мондагори таърихии давлатсозу ваҳдатофар, абармарди дунёи сиёсат Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ҳисоб мераванд, ки дар хусуси созандагиву бунёдкорӣ ва амалҳои анҷомдодаи ӯ садҳо асар таълиф ёфтаву минбаъд низ таълиф хоҳанд ёфт. Зеро дар дарозои 35 соли Истиқлоли давлатӣ бо роҳбарии ин шахсияти таърихӣ он қадар корҳое ба анҷом расидаанд, ки арзиши садсолаҳо ва ҳазорсолаҳоро доранд.
Пешвои миллат соҳиби мактаби бузурги давлатдорӣ мебошанд, ки он маҷмуи арзишҳо, принсипҳо, таҷрибаи амалӣ ва роҳбарии сиёсиро дар бар гирифта, дар шароити ниҳоят мураккаби таърихӣ барои наҷот, бунёд ва рушди давлати навини тоҷикон шакл гирифтааст. Ин мактаб ҳамчун як низоми фикрӣ ва амалии идоракунии давлатӣ асосҳои сулҳу субот ва рушди кишварро муайян намудааст. Дар замони соҳибистиқлолӣ даҳҳо нафар аз ин мактаби бузурги давлатдорӣ таҷриба омӯхтаву ба воя расида, ҳамчун шахсиятҳои матраҳ дар сатҳҳои гуногуни ҳаёти иҷтимоиву сиёсии кишвар таъсиргузоранд.
Маъруфтарин парвардаи мактаби бузурги давлатдории Пешвои миллат Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ мебошад.
Яке аз омилҳое, ки шахсияти сиёсии муҳтарам Рустами Эмомалиро мунҳасир ба фард мегардонад, ин парвардаи хонадони бузурги шахсияти сиёсии сатҳи минақавию ҷаҳонӣ будани ӯ мебошад. Муҳити иҷтимоӣ ва оила аввалин мактаби сиёсӣ аст, ки дар он арзишҳо, афзалиятҳо ва стереотипҳои аввалияи сиёсии инсон ҳангоми муошират бо волидайн ва наздикон гузошта мешаванд. Муҳити хонавода пойдортарин мактаби тарбияи инсон аст, ки дар он ҷаҳонбинӣ, арзишҳои ахлоқӣ ва феълу атвори фард ташаккул меёбад. Бахусус, агар дар ин муҳит падар дорои мақоми баланди ҷамъиятӣ ва сиёсатмадор бошад, ин омил ҳамчун раванди таъсиргузор бо имкониятҳои фаровон ба рушди шахсияти фард таъсири амиқи мусбат мерасонад.
Дар оилаҳои сиёсатмадорон фазои зиндагӣ маъмулан аз муҳокимаи масъалаҳои давлатӣ, муносибатҳои байналмилалӣ ва стратегияҳои роҳбарӣ холӣ нест. Фарзандоне, ки дар чунин муҳит ба воя мерасанд, аз хурдсолӣ бо забони дипломатия, масъулиятшиносӣ ва фаҳмиши васеи иҷтимоӣ ошно мегарданд. Падар ҳамчун чеҳраи пешсаф дар ҷомеа, пеш аз ҳама, намунаи ибрат барои фарзандон мегардад. Ширкат дар муҳити бои сиёсӣ ба рушди қобилиятҳои таҳлилӣ ва маҳорати суханварӣ, тафаккури стратегӣ, идоранамоӣ ва таъсиргузории фарзандон мусоидат мекунад. Чунин афрод одатан боварӣ ба худ дошта, фикрашонро озодона баён мекунанд ва ҳаргиз аз масъулият наметарсанд.
Мусаллам аст, ки дар улуми иҷтимоию фалсафӣ амалияи ҷамъиятӣ ба ҳайси меъ-ёри ҳақиқат шинохта шудааст. Аз ин рӯ, тамоми он хусусиятҳои раҳбари муваффақи сиёсиро мо метавонем дар фаъолияти ҳамарӯзаи Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ мушоҳида намоем.
Дар даврони роҳбарии муҳтарам Рус-тами Эмомалӣ ба ҳайси Раиси шаҳри Душанбе пойтахти Тоҷикистон - шаҳри Душанбе тағйироти куллӣ ва рушди босуръатро аз сар гузаронд. Сиёсати шаҳрдорӣ дар ин давра ба муосиргардонии инфрасохтор, фароҳам овардани шароити мусоид барои сокинон ва меҳмонон ва баланд бардоштани мақоми байналмилалии шаҳр равона карда шуд. Раиси ҷавон ва неруманди шаҳри Душанбе муҳтарам Рустами Эмомалӣ аз рӯзи таъйин шудан ба ин симмат бо меҳнати шабонарӯзӣ тамоми неру ва маҳорату кордонии хешро истифода намуда, пойтахти кишварамонро ҳам аз ҷиҳати эстетикиву маънавӣ ва ҳам аз ҷиҳати сиёсиву иқтисодӣ ба як шаҳри зебову муосири тамадуни минтақавӣ табдил дода истодаанд.
Муҳимтарин коре, ки дар рӯзҳои аввали роҳбарии муҳтарам Рустами Эмомалӣ дар маснади Раиси шаҳр анҷом дода шуд, ин таҳия ва бо қарори Ҳукумати Ҷумҳурии Тоҷикистон аз 28 апрели соли 2017 тасдиқ гардидани Нақшаи генералии шаҳри Душанбе мебошад. Тибқи ин санад, танҳо дар солҳои 2017 – 2019 сохтмони зиёда аз 752 иншоот амалӣ гардида, аз ҳисоби ҳама манбаъҳои сармоягузорӣ ба маблағи умумии 5,4 миллиард сомонӣ фондҳои асосӣ мавриди истифода қарор дода шуданд. Ҳамзамон, зиёда аз 707,7 ҳазор метри мураббаъ биноҳои истиқоматӣ бунёд гардид.
Ҳоло шаҳри Душанбе ҳамчун як боғшаҳри зебои минтақа гардида, дар он чорабиниҳои сиёсӣ ва фарҳангии сатҳи минтақавию ҷаҳонӣ баргузор мегарданд. Аз ин ҷиҳат шаҳри Душанбе муаррифгари фарҳангу тамаддуни кишварамон ба ҳисоб меравад. Ҳамин аст, ки шаҳрдори муҳтарам ҳамеша пайи боз ҳам ободу зебо шудани пойтахти азизамон лоиҳаву барномаҳои навро роҳандозӣ менамоянд.
Айни замон, дар пойтахти кишвар дар ҳамаи самтҳо ҳаёти иҷтимоӣ рушд намуда истодааст. Ҳамарӯза шоҳиди он мегардем, ки иншооти нави замонавӣ, ки аҳаммияти иҷтимоиву иқтисодӣ доранд, дар пойтахти азизи кишварамон қомат меафрозанд.
Дар самти саноатикунонии босуръат, ки ҳадафи чоруми стратегӣ аст, Раиси муҳтарами шаҳри Душанбе Рустами Эмомалӣ, пайваста кӯшиш ба харҷ дода, дар тамоми сафарҳою вохӯриҳо ҷиҳати ҷалби сармоя ва бунёди корхонаҳои саноативу иншооти муҳими марбут ба он барномаҳову иқдомҳои навро рӯйи даст гирифта, созишномаҳоро ба тавсиб мерасонанд. Ҳамасола садҳо корхонаи саноатӣ дар шаҳри Душанбе таъсис дода мешаванд, ки ҷиҳати ҳалли мушкилоти иҷтимоиву иқтисодӣ ва бо ҷойи корӣ таъмин намудани аҳоливу боло бурдани истеҳсолоти ватанӣ, рақобатпазир гардонидани он мусоидат менамоянд.
Дар муқоиса бо солҳои қаблӣ дар шаҳри Душанбе сол ба сол корхонаҳое ба нақша гирифтаву таъсис дода мешаванд, ки бештар қувваи кории дохилиро ҷалб намуда, хусусияти воридотивазкунандаро доранд, ки барои таъмини рақобатпазиргардонии иқтисоди миллӣ нигаронида шудаанд. Далели ин гуфтаҳо он аст, ки ҳоло пойтахти кишвар дорои 854 корхонаи саноатӣ мебошад ва дар татбиқи ҳадафи стратегии мамлакат – саноатикунонии босуръати мамлакат пешоҳанг буда, пайваста дар ин самт аз ҷониби шаҳрдорӣ тадбирҳои муассир андешида мешаванд.
Танҳо дар 9 соли охир бо ташаббус ва кору пайкори созандаи Раиси шаҳри Душанбе муҳтарам Рустами Эмомалӣ 116 коргоҳу корхонаҳои нави саноатӣ бо зиёда аз 11 ҳазор ҷойи нави корӣ бунёд гардида, ба истифода дода шуданд.
Аз ҷумла, 15 корхонаи истеҳсоли маҳсулоти нассоҷӣ, чарму пойафзол ва либосҳои дӯзандагӣ, 21 корхонаи истеҳсоли маҳсулоти сохтмонӣ, 7 корхонаи коркарди сангҳои ватанӣ, 4 корхонаи халтаҳои полипропиленӣ, 5 корхонаи мебелбарорӣ, 5 корхонаи таҷҳизоти барқӣ, 12 корхонаи маҳсулоти қаннодӣ, 6 корхонаи маҳсулоти ширӣ, 2 корхонаи маҳсулоти гӯштӣ, 4 корхонаи нӯшокиҳои ташнашикан, 3 корхонаи равғанбарорӣ ва як қатор корхонаҳои дигар мебошанд, ки бо таҷҳизоту технологияҳои замонавӣ фаъолият намуда истодаанд.
Дар ин давра даҳҳо роҳҳои асосӣ, пулҳо, эстакадаҳо ва роҳҳои зеризаминӣ навсозӣ ё аз сифр бунёд карда шуда, кӯчаҳои марказӣ васеъ гардонида бо чароғакҳои замонавӣ муҷаҳҳаз карда шуда, низоми электронии пардохтҳои ғайринақдӣ дар нақлиёти ҷамъиятӣ ба роҳ монда шуд. Дар давоми 9 соли охир дар пойтахт беш аз 252 километр роҳҳои нақлиётӣ навсозӣ карда шуданд. Бо мақсади мутобиқ намудани иншооти соҳа ба меъёрҳои байналмилалӣ 4 пули автомобилгарду қаторагард, ду роҳи сесатҳа, ду роҳи дусатҳа ва 219 истгоҳи наву замонавӣ таъмир, таҷдид ва азнавсозӣ гардида, мавриди истифода қарор дода шуд. Ҳоло ин раванд идома дорад.
Ворид кардани автобусҳои муосир ва беҳтар кардани низоми нақлиёти ҷамъиятӣ дар ин давра густариш ёфта, айни замон дар пойтахт 90 электробус ва шумораи зиёди воситаҳои нақлиёти сабукрави барқӣ (таксиҳои электромобил) ба сокинону меҳмонони пойтахт хизмат мерасонанд. Инчунин, 91 хатсайрҳои мусофирбарӣ, ки аз ин теъдод 33 адад барои автобусҳо ва электробусҳо, 9 адад барои троллейбусҳо ва 49 адади дигар барои микроавтобусҳо мебошад, ба роҳ монда шудааст. Барои идоракунии шаффоф ва муосир, лоиҳаи “Шаҳри ҳушманд” ҷорӣ карда шудааст, ки дар ин замина низоми назорати видеоӣ дар кӯчаҳо ва чорроҳаҳо барои таъмини бехатарии ҷамъиятӣ ва тартиботи ҳуқуқӣ васеъ гардида, хизматрасониҳои электронӣ барои шаҳрвандон дар соҳаҳои маориф, тандурустӣ ва хоҷагии коммуналӣ роҳандозӣ шуданд.
Дар давраи роҳбарии муҳтарам Рустами Эмомалӣ ба ҳайси Раиси шаҳри Душанбе симои меъмории пойтахт ба куллӣ дигаргун шуд. Дар баробари биноҳои истиқоматии баландошёна бо тарҳҳои замонавӣ, иншооти бузурги фарҳангӣ ва маъмурӣ сохта шуданд. Дар ин солҳо биноҳои аз ҷиҳати меъморӣ ҷолиб бо унсурҳои миллӣ, ба монанди Осорхонаи миллии Тоҷикистон, “Кохи Ваҳдат”, “Кохи Суруш”, “Қасри Бахт”, “Кохи Парфенон”, меҳмонхонаи панҷситорадори “Кроун Плаза Душанбе”, Маркази бузурги таомҳои миллӣ “Ош”, биноҳои нави Ҳукумати ҷумҳурӣ, Парламент, вазоратҳои корҳои хориҷӣ, адлия, рушди иқтисод ва савдо, тандурустӣ ва ҳифзи иҷтимоии аҳолӣ, Кумитаи ҳифзи муҳити зисти назди Ҳукумати Ҷумҳурии Тоҷикистон, Суди Олии Ҷумҳурии Тоҷикистон, Мақомоти иҷроияи ҳокимияти давлатии ноҳияи Сино, Масҷиди Абуҳанифа Нуъмон ибни Собит, Донишкадаи исломии Тоҷикистон ба номи Имоми Аъзам, Академияи идоракунии давлатии назди Президенти Ҷумҳурии Тоҷикистон, Телевизиони “Душанбе”, бинои нави маъмурии Корхонаи воҳиди давлатии “Шаҳри ҳушманд (Smart city)”, марказҳои бузурги савдо “Сиёма – молл”, “Ёвар”, “Рӯдаки Плаза”, Маҷмааи “Майдони Истиқлол”, Театри миллӣ, Варзишгоҳи миллӣ ва як қатор иншооти дигар сохта шуданд, ки ифтихори ҳар яки мо буда, пойтахти кишварамонро дар арсаи ҷаҳон муаррифӣ мекунанд.
Муҳтарам Рустами Эмомалӣ тайи солҳои охир тавонистанд пойитахти кишварро ба яке аз марказҳои баргузории ҳамоишҳои муҳимми байналмилалӣ табдил диҳанд. Душанбе дар ин муддат борҳо мизбони чорабиниҳои сатҳи байналмилалӣ, аз ҷумла, конфронсу форумҳо ва фестивалҳо гардид, ки мақоми онро дар арсаи ҷаҳонӣ баланд бардоштанд. Аз ҷумла, нишасти Шурои сарони давлатҳои ИДМ, иҷлоси сарони кишварҳои узви Созмони Ҳамкории Шанхай, Саммити “Муколамаи ҳамкорӣ ва тадбирҳои боварӣ дар Осиё”, конференсияҳои якум, дуюм, сеюм ва чоруми байналмилалии сатҳи баланд оид ба “Даҳсолаи байналмилалии амал “Об барои рушди устувор” солҳои 2018 – 2028”, конфронси байналмилалии сатҳи баланд оид ба ҳифзи пиряхҳо (соли 2025), форумҳои байналмилалии “Наврӯзи Душанбе – мероси фарҳангию сайёҳӣ”, “Душанбе – шаҳри имконоти рушди кӯдакон”, “Ҳамгироии шаҳрҳо дар татбиқи имкониятҳои сайёҳии устувор”, намоишгоҳи байналмилалии сайёҳии Душанбе – 2025 (Dushanbe International Tourism Exhibition), фестивалҳои байналмилалии “Шукуфаҳои пойтахт” (соли 2021), “Дар меҳмонии Душанбе” (с.2021, 2026), инчунин, фестивали тобистонаи “Dushanbe Summer Fest” (с.2018, 2019, 2021, 2026) ва дигар ҳамоишҳои сатҳи байналмилаливу минтақавӣ доир гардиданд.
Оморҳо баёнгари онанд, ки тамоми созандагиву бунёдкориҳо тайи солҳои охир шаҳри Душанберо ба як макони сайёҳиву гардишгарии байналмилалӣ табдил додаанд. Соли 2025 ба Тоҷикистон 2 миллиону 104 ҳазору 703 шаҳрванди хориҷӣ ворид гардид. Аз ин 1 миллиону 784 ҳазору 430 нафар сайёҳ буда, ин омор нисбат ба соли 2024 19% зиёд аст. Тибқи арзёбии мутахассисон, тақрибан 60% ё 1 070658 нафари онҳо ба Душанбе ворид шуда, аз хизматрасониҳои пойтахт истифода карданд. Танҳо тавассути Фурудгоҳи байналмилалии Душанбе ва Роҳи оҳани Душанбе 3 миллиону 70 ҳазору 539 сайёҳ ба пойтахт омадааст, ки нисбат ба соли 2024 66,7% зиёд мебошад.
Танҳо давоми солҳои 2017 – 2025 дар пойтахт 61 муассисаи таҳсилоти миёнаи умумӣ бо 83 ҳазору 952 ҷойи нишаст дар ду баст ва 37 муассисаи томактабии замонавӣ барои 7439 тарбиятгиранда мавриди истифода қарор дода шудааст.
Давоми солҳои 2017 – 2024 ҷиҳати оммавигардонии варзиш ва тарзи ҳаёти солим дар пойтахт бо дастгириҳои Раиси шаҳр 347 иншооти соҳаи варзиш, аз қабили Муассисаи давлатии “Қасри теннис ва маҷмааи варзиши обӣ”-и шаҳри Душанбе, клубҳои байналмилалии Ювентус ва Крокус - фитнес мутобиқ ба стандартҳои байналмилалӣ сохта ва мавриди истифода қарор дода шуд.
Дар ин давра дар шаҳри Душанбе зиёда аз 400 мусобиқаҳои сатҳи баланди байналмилалӣ доир гардид, ки варзишгарони муваффақи мо дар онҳо иштирок карда, шарафи варзишии кишварро боз ҳам боло бардоштанд.
Дастоварди дигари нодири соҳаи варзиш дар пойтахти маҳбубамон бунёд гардидани иншооти боҳашамати варзишӣ – Варзишгоҳи миллӣ мебошад, ки 21 августи соли равон аз ҷониби Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ мавриди истифода қарор дода шуд.
Дар баробари ин, рушди қонунгузорӣ ва фаъолияти парлумонии Ҷумҳурии Тоҷикистон дар солҳои охир, бахусус пас аз он ки муҳтарам Рустами Эмомалӣ ба ҳайси Раиси Маҷлиси миллии Маҷлиси Олии Ҷумҳурии Тоҷикистон интихоб гардиданд, марҳилаи сифатан навро касб намуд. Фаъ-олияти мақоми олии қонунбарор дар ин давра ба ҳимояи манфиатҳои миллии кишвар, такмили базаи ҳуқуқии соҳаҳои гуногун ва таҳкими рукнҳои давлати демократию ҳуқуқбунёд равона карда шуд.
Қабули қонунҳои нав ва ворид намудани тағйиру иловаҳо ба қонунҳои амалкунанда ба таҳкими ҳимояи ҳуқуқу озодиҳои инсон ва шаҳрванд, фароҳам овардани шароити мусоид барои рушди соҳибкорӣ, сармоягузорӣ ва беҳтар кардани фазои тиҷоратӣ дар кишвар, танзими ҳуқуқии рақамикунонии иқтисодиёт ва истифодаи технологияҳои иттилоотӣ нигаронида шудаанд.
Яке аз самтҳои муҳимми фаъолияти Маҷлиси миллии Маҷлиси Олии Ҷумҳурии Тоҷикистон таҳти роҳбарии муҳтарам Рустами Эмомалӣ таҳкими робитаҳои байналмилалӣ ва дипломатияи парлумонӣ мебошад. Дар ин замина, густариши ҳамкорӣ бо сохторҳои парлумонии кишварҳои минтақа ва ҷаҳон, иштироки фаъол дар кори созмонҳои байналмилалии парлумонӣ ва пешниҳоди ташаббусҳои созанда оид ба масъалаҳои глобалӣ, аз ҷумла амният, муҳити зист ва рушди устувор, инчунин, таҳкими муносибатҳои дӯстӣ тавассути гурӯҳҳои ҳамкории парлумонӣ ба роҳ монда шуданд.
Дар ин давра қонунгузорӣ дар соҳаи сиёсати давлатии ҷавонон ва маориф тақвият ёфт. Қонунҳо ва барномаҳое, ки ба дастгирии иҷтимоии ҷавонон, фароҳам овардани шароити мусоид барои таҳсил ва фаъолияти касбии онҳо равона шудаанд, густариш ёфтанд.
Дар маҷмуъ, хидматҳои муҳтарам Рус-тами Эмомалӣ дар рушди ҳаёти сиёсӣ, иҷтимоӣ, иқтисодӣ ва фарҳангии Ҷумҳурии Тоҷикистон пеш аз ҳама тавассути фаъ-олият ба ҳайси Раиси Маҷлиси миллии Маҷлиси Олии Ҷумҳурии Тоҷикистон ва Раиси шаҳри Душанбе таҷассум ёфта, як шахсияти муваффақи сиёсӣ будани мавсуфро ифода мекунанд. Дар ин муддати кутоҳ бо кордониву дониши амиқи илмӣ ва фаросати баланди сиёсӣ номбурда тавонист, бо такя ба донишу таҷрибаи раҳбарии худ дар соҳаҳои мухталиф, шаҳри Душанберо ба муваффақиятҳои иқтисодӣ ва сиёсиву фарҳангӣ ноил созад.
Ободкорӣ ва ҷасорату хастагинопазирии Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ бозгӯкунандаи онанд, ки номбурда шахсияти қавии соҳибистеъдоди сиёсӣ буда, қобилияти баланди идоракунӣ ва роҳбариро доро аст. Мавсуф воқеан парвардаи мактаби сиёсиву созандаи Пешвои миллат буда, ҳамеша содиқонаву самимона ҷиҳати ҳимояти манфиатҳои давлату миллат собитқадамона ва муваффақона тамоми донишу таҷриба ва неруи хешро равона намуда, дар пешрафти кишвари азизамон ҳамчун намунаи ибрат барои дигар роҳбарон саҳми муҳиму боризи хешро мегузорад.
Исомиддин ШАРИФЗОДА,
номзади илмҳои фалсафа, дотсент
Хабарҳои дигар
Рӯзнома
Эзоҳи худро нависед