Даврон Сафарзода, ректори Академияи идоракунии давлатии назди Президенти Ҷумҳурии Тоҷикистон зимни нишасти матбуотӣ доир ба зиёд шудани ҳамкориҳои Академия бо муассисаҳои хориҷӣ дар нимсолаи аввали соли 2025 ибрози назар кард.

- Аз ҷумла, дар ин давра 5 санади ҳамкорӣ бо муассисаҳои таҳсилоти олии хориҷӣ ва созмонҳои байналмилалӣ ба имзо расид, ки нисбати соли гузашта 2 адад зиёд аст, - гуфт ректори Академия.

Ҳамзамон, таъкид гардид, ки дар давраи ҳисоботӣ 14 нафар донишҷӯ ва омӯзгори Академия барои таҳсил дар зинаҳои магистратура ва докторантура ба муассисаҳои таҳсилотии олии касбии кишварҳои хориҷӣ сафарбар шуданд.

М. МУҚАДАМОВА, “ҶТ”