Дар нимсолаи аввали соли 2026 дар Тоҷикистон 10 ҳазору 844 нафар, аз ҷумла 3 ҳазору 258 нафар духтар ба омӯзиши касбҳои гуногун фаро гирифта шуданд.

Инчунин, дар ҳамин давра 4 ҳазору 724 нафар курсҳои кӯтоҳмуддати назди муассисаҳои таҳсилоти ибтидоии касбиро хатм намудаанд, ки 1 ҳазору 232 нафари онҳоро занону духтарон ташкил медиҳанд.

Тавре имрӯз, зимни нишасти матбуотӣ Фарҳод Раҳимӣ, раиси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон иттилоъ дод, шумораи хатмкунандагони курсҳои касбомӯзӣ нисбат ба ҳамин давраи соли гузашта 5 ҳазору 684 нафар ё 55,3 фоиз зиёд мебошад.

Ба гуфтаи ӯ, айни замон дар муассисаҳои таҳсилоти ибтидоии касбӣ 2 ҳазору 465 нафар, аз ҷумла 782 нафар занону духтарон таҳсил доранд.

Дар идома зикр гардид, ки нақшаи қабули хонандагон барои соли таҳсили 2026–2027 дар маҷмуъ 17 ҳазору 834 нафарро ташкил медиҳад. Аз ин шумора 14 ҳазору 645 нафар (87%) ба гурӯҳҳои буҷетӣ ва 3 ҳазору 139 нафар (13%) ба гурӯҳҳои шартномавӣ рост меояд.

Гулафшон КАРИМОВА, “ҶТ”