Донишгоҳи технологи Тоҷикистон 92 фоизи хатмкунандагони худро бо кор таъмин намудааст.

Дар ин хусус имрӯз-24 июл Раҳмонзода Зоир, ректори донишгоҳи мазкур ба журналистон иттилоъ дод.

Гуфта шуд, ки соли ҷорӣ аз 476 нафар хатмкардагони шуъбаи рӯзона 157 нафар буҷавӣ, 302 нафар шартномавӣ ва 17 нафар тибқи квота, 439 нафари онҳо бо ҷои кор таъмин гардидааст, ки нисбат ба соли 2024 9,8% зиёд мебошад.

Инчунин, дар давраи ҳисоботӣ зиёда аз 282 нафар донишҷӯён аз курсҳои 1 то 4 дар баробари донишомӯзӣ дар корхонаҳо тариқи 0,5 басти корӣ ба шуғл фаро гирифта шудаанд.

Гулафшон КАРИМОВА, “ҶТ”