Дар Сафорати Ҷумҳурии Тоҷикистон дар Ҷумҳурии Корея рӯнамоии китоби Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон - “Тоҷикон дар оинаи таърих. Аз ориён то сомониён” баргузор шуд.

Ин китоб бо забони кореягӣ тарҷума ва нашр гардидааст.

Тавре аз Вазорати корҳои хориҷии Ҷумҳурии Тоҷикистон хабар медиҳанд дар маросими рӯнамоии китоби “Тоҷикон дар оинаи таърих. Аз ориён то сомониён” намояндагони мақомоти фарҳангӣ ва ВАО-и Тоҷикистон, ҳамчунин, шаҳрвандону донишҷӯёни тоҷик иштирок доштанд.

Бояд гуфт, ки “Аз ориён то сомониён” аз силсилаи китобҳои “Тоҷикон дар оинаи таърих”-и Президенти кишвар муҳтарам Эмомалӣ Раҳмон буда, аз панҷ боб иборат аст.

Ин китоб ҳамчун асари таърихӣ дар бедорӣ, ҳифзи арзишҳо, баланд бурдани эҳсосу ҳувияти миллӣ, таҳкими давлатдорӣ, таъмини суботи сартосарии кишвар, ва ҳифзу гиромидошти муқаддасоти ватан нақши меҳварӣ дорад.

Дар ибтидо он ҳамчун дастури муҳими таълимӣ барои хонандагони зинаҳои гуногуни таҳсилот (солҳои 1995-1999) бо забонҳои тоҷикиву русӣ ва англисӣ ба чоп расида буд.