ФАРҲАНГ
Шанбе 22 Июн 2024 12:33
10135
Осори Абдурофеъ Рабиев (Шераки Ориён) нависандаи номвари тоҷик ба Ҷоизаи ҷаҳонии Нобел пешниҳод шудааст.

Дар ин бора шоир Исмоил Зараифӣ дар гурӯҳи “Адибони тоҷик ва дӯстдорони адаб” бо истинод ба Гулчеҳра Зоидова, яке аз корбарони шабакаи иҷтимоии фейсбук хабар додааст.

Ба иттилои манбаъ пешниҳодро Аслиддин Қамарзодаи Самарқандӣ муҳаққиқ ва профессори риштаи адабиёти Донишгоҳи давлатии Самарқанд, ки ҳамзамон дар яке аз донишгоҳҳои Ню - Йорки Амрико фаъолият дорад, ироа кардааст.

Аслиддин Қамарзода дар идомаи пешниҳод аз Иттифоқи нависандагон ва Вазорати фарҳанги Ҷумҳурии Тоҷикистон хостааст, ки дар баробари пешниҳоди ӯ ба унвонии комиссияи ҷоизаҳои Нобел тавсиянома фиристанд.

Маълумоте, ки дар фейсбук интишор шудааст, гуфта нашудааст, ки мушаххасан кадом асари нависанда ба Ҷоизаи Нобел пешбарӣ шудааст.

Ёдовар мешавем, ки Абдурофеъ Рабизода (Шераки Ориён) аз нависандагони сермаҳсули замони мо ба шумор рафта, зиёда аз 100 китоб таълиф кардааст. Осораш ба 43 забони олам, аз ҷумла ба забонҳои англисӣ, фаронсавӣ, ҷопонӣ, чинӣ, ҳинду, урду, полякӣ, қазоқӣ, украинӣ, белорусӣ, чехӣ, олмонӣ, арманӣ, гурҷӣ, испонӣ ва арабӣ тарҷума шудаанд.

Эзоҳи худро нависед



Рамзҳо дар расм