ФАРҲАНГ
Ҷумъа 16 Май 2025 07:49
Мо ба азму ирода ва масъулиятшиносии бонувону духтарони тоҷик ҳамчун неруи бузурги ҷомеа эътимоди комил дорем ва дастгирии ҳамаҷонибаи мавқеи иҷтимоӣ ва ташаббусҳои созандаи онҳоро минбаъд низ идома медиҳем.
Мутаассифона, на ҳар ҷавондухтар ба дарки ин гуфтаҳо мерасаду аз имкониятҳое, ки Ҳукумати кишвар ба онҳо фароҳам овардааст, самаранок истифода мебарад.
Вақтҳои охир дар кишвар аз ҷониби бархе аз ҷавондухтарон кирдорҳое дида мешавад, ки ҷомеаро нигарон кардааст. Ин амалҳои ношоистаи онҳо дар шабакаҳои иҷтимоӣ паҳн гардида, билохира ба номи зани тоҷик доғ меоранд.
Бино ба иттилои Раёсати ВКД дар шаҳри Душанбе дар моҳи январи соли 2025 зимни санҷишҳо аз ҷониби кормандони ШВКД-1 дар ноҳияи Шоҳмансур шаҳрванд Миҷгонаи Худойдод, сокини 21-солаи ноҳияи Рӯдакӣ, ҳамчун гумонбар дар содир намудани ҷинояти дуздӣ дастгир гардид.
Инчунин, як қатор шаҳрвандон тавассути рақами боварии "DushanbePolice" нисбати як нафар ҷавонзан, ки либосҳои низомии милитсия пӯшида, мунтазам оромии шабонаи онҳоро халалдор месозад, шикоят намуданд ва хостори он шудаанд, то нисбаташ чораҳои дахлдори қонунӣ андешида шавад. Дар натиҷаи санҷиш аз ҷониби кормандони милитсияи пойтахт шаҳрванд, Икромзода Камила, сокини 30-солаи шаҳри Душанбе дастгир карда шуд. Пас аз тафтишот муайян гардид, ки номбурда дар асл корманди милитсия набудааст ва ин амали зишти ӯ пеш аз ҳама метавонад обрӯ ва нуфузи мақомоти милитсияро коста гардонад.
Гуфта мешавад, ки айни замон нисбати номбурдагон маводҳои зарурӣ тартиб дода шуда, мавриди санҷиш қарор доранд.
Барои бартараф кардани чунин мушкилиҳо на танҳо Вазорати корҳои дохилии Ҷумҳурии Тоҷикистон, балки дигар мақомоти дохлдор, аз ҷумла Кумитаи кор бо занон ва оилаи назди Ҳукумати Ҷумҳурии Тоҷикистон бояд саҳмгузор бошад.
Бино ба иттилои Кумитаи кор бо занон ва оилаи назди Ҳукумати Ҷумҳурии Тоҷикистон давоми солҳои охир дар кишвар барои пешгирӣ кардани чунин кирдорҳои ба зани тоҷик хоснабуда, дар пойтахт ва дар дигар ноҳияҳои дурдасти кишвар семинар-тренингҳо гузаронида шуда, зимни он масъулин натанҳо бо ҷавондухтарон, балки бо падару модарон низ суҳбатҳо гузарониданд.
Ҳабиба Шулашова, мудири бахши кор бо занон ва оилаи мақомоти иҷроияи ҳокимияти давлатии шаҳри Норак ин мавзуъро доманадор хонда, иброз намуд: “Зани тоҷик бояд дар ҳама кору пайкораш намуна бошад. Ӯро бояд бо рафторҳои нек ва шоистааш шиносанд, на ба хислатҳои тунду кирдорҳои бад. Зеро ӯ дар таълиму тарбияи фарзандон нақши калидӣ дошта, ягона шахсест, ки тамоми ҳастияшро барои пешрафти фарзанд мебахшад”.
Номбурда дар идома илова намуд, ки ҷавондухтарони мо бояд пеш аз ҳама одобу ахлоқи ҳамида дошта бошанд. Онҳо бояд ба ҷинояткорӣ даст назананд.
- Имрӯз дар сомонаҳои иҷтимоӣ ҷавонписарон даъво мекунанд, ки духтари хуб пайдо намешавад. Бояд гуфт, шабакаҳои иҷтимоӣ ҷое нест, ки як ҷавонписар бо ҷавондухтаре издивоҷ кунад, ё ҷое нест, ки барои чанд нафар духтар шуда, номи духтари тоҷикро паст зананд. Дониста монем, ки духтари ҷинояткор аз модар таваллуд намешавад, ӯ аз бемасъулиятии атрофиён ба ин роҳҳо меравад, - афзуд Рамеш Марамов, коршинос.
Наҷиба Муродбекова, “ҶТ”
Эмомалӣ Раҳмон
Мутаассифона, на ҳар ҷавондухтар ба дарки ин гуфтаҳо мерасаду аз имкониятҳое, ки Ҳукумати кишвар ба онҳо фароҳам овардааст, самаранок истифода мебарад.
Вақтҳои охир дар кишвар аз ҷониби бархе аз ҷавондухтарон кирдорҳое дида мешавад, ки ҷомеаро нигарон кардааст. Ин амалҳои ношоистаи онҳо дар шабакаҳои иҷтимоӣ паҳн гардида, билохира ба номи зани тоҷик доғ меоранд.
Бино ба иттилои Раёсати ВКД дар шаҳри Душанбе дар моҳи январи соли 2025 зимни санҷишҳо аз ҷониби кормандони ШВКД-1 дар ноҳияи Шоҳмансур шаҳрванд Миҷгонаи Худойдод, сокини 21-солаи ноҳияи Рӯдакӣ, ҳамчун гумонбар дар содир намудани ҷинояти дуздӣ дастгир гардид.
Инчунин, як қатор шаҳрвандон тавассути рақами боварии "DushanbePolice" нисбати як нафар ҷавонзан, ки либосҳои низомии милитсия пӯшида, мунтазам оромии шабонаи онҳоро халалдор месозад, шикоят намуданд ва хостори он шудаанд, то нисбаташ чораҳои дахлдори қонунӣ андешида шавад. Дар натиҷаи санҷиш аз ҷониби кормандони милитсияи пойтахт шаҳрванд, Икромзода Камила, сокини 30-солаи шаҳри Душанбе дастгир карда шуд. Пас аз тафтишот муайян гардид, ки номбурда дар асл корманди милитсия набудааст ва ин амали зишти ӯ пеш аз ҳама метавонад обрӯ ва нуфузи мақомоти милитсияро коста гардонад.
Гуфта мешавад, ки айни замон нисбати номбурдагон маводҳои зарурӣ тартиб дода шуда, мавриди санҷиш қарор доранд.
Барои бартараф кардани чунин мушкилиҳо на танҳо Вазорати корҳои дохилии Ҷумҳурии Тоҷикистон, балки дигар мақомоти дохлдор, аз ҷумла Кумитаи кор бо занон ва оилаи назди Ҳукумати Ҷумҳурии Тоҷикистон бояд саҳмгузор бошад.
Бино ба иттилои Кумитаи кор бо занон ва оилаи назди Ҳукумати Ҷумҳурии Тоҷикистон давоми солҳои охир дар кишвар барои пешгирӣ кардани чунин кирдорҳои ба зани тоҷик хоснабуда, дар пойтахт ва дар дигар ноҳияҳои дурдасти кишвар семинар-тренингҳо гузаронида шуда, зимни он масъулин натанҳо бо ҷавондухтарон, балки бо падару модарон низ суҳбатҳо гузарониданд.
Ҳабиба Шулашова, мудири бахши кор бо занон ва оилаи мақомоти иҷроияи ҳокимияти давлатии шаҳри Норак ин мавзуъро доманадор хонда, иброз намуд: “Зани тоҷик бояд дар ҳама кору пайкораш намуна бошад. Ӯро бояд бо рафторҳои нек ва шоистааш шиносанд, на ба хислатҳои тунду кирдорҳои бад. Зеро ӯ дар таълиму тарбияи фарзандон нақши калидӣ дошта, ягона шахсест, ки тамоми ҳастияшро барои пешрафти фарзанд мебахшад”.
Номбурда дар идома илова намуд, ки ҷавондухтарони мо бояд пеш аз ҳама одобу ахлоқи ҳамида дошта бошанд. Онҳо бояд ба ҷинояткорӣ даст назананд.
- Имрӯз дар сомонаҳои иҷтимоӣ ҷавонписарон даъво мекунанд, ки духтари хуб пайдо намешавад. Бояд гуфт, шабакаҳои иҷтимоӣ ҷое нест, ки як ҷавонписар бо ҷавондухтаре издивоҷ кунад, ё ҷое нест, ки барои чанд нафар духтар шуда, номи духтари тоҷикро паст зананд. Дониста монем, ки духтари ҷинояткор аз модар таваллуд намешавад, ӯ аз бемасъулиятии атрофиён ба ин роҳҳо меравад, - афзуд Рамеш Марамов, коршинос.
Наҷиба Муродбекова, “ҶТ”
Хабарҳои дигар
Рӯзнома
Эзоҳи худро нависед